Adnodau Beiblaidd Poblogaidd o Matiu 6

Rhanna

Mulor tai nigo sur anuna matanitu pa anuna tostos a toltol, pa ir tabar mulo otleng ana ututnala rop ne.

Pa gong mulo nuknuk kol sur a pukakiar latu, anasa latu ir nuknuk ot suri. A mamahatla ona taktakai a pukakiar i to pasi ot a pukakiar ning.

“I maining, a atongi ta mulo mang, gong mulo nuknuk kol ana numulo a lalaun mang asaning mulor ieni, pa sa mulor gangi. Pa gong mulo nuknuk kol ana palaomulo otleng mang asa mulor mermer ono. A lalaun i itna tana utna na hangan, gepi? Pa a palaondi otleng i itna tana kaenla, gepi?

Ika u, ning ur nunung, ur kas ting na num a rumai pa ur tagar alar pas u, pa ur nunung tetek e Tamam ning bel tik i oroi i. Pa e Tamam ning i oroi asaning u tol kumnani, ir saran anuma arlou.

“Mulor nunung larne, ‘Tamamila saot na langit, i wakak ning dir hanrawai a risam. I wakak ning anuma matanitu ir hanot. I wakak ning dir mur a nuknukim te na rakrakan hanua, arlar onoi ning di sira muri saot na langit.

A pukakiar ne ur tabar mila ana utna na hangan amilai.

Ur kepsen anumila na toltol laulaula, larning mila otleng milar nuk duman sen anunla na toltol laulaula tetek mila.

Gong u ben mila uting na arlam. Ur alaun mila kusun a Tena Laulau.’

“Ning mulor nuk duman sen na toltol laulaula ning a tarai la toli tetek mulo, e Tamamulo, ning i kes saot na langit, ir kepsen anumulo na toltol laulaula otleng.

Mulor oroi a manila. Bel la oman tar ta utna, pa bel la sol tar al utna, pa bel la susuah taum ana ta rumai, ika e Tamamulo ning i kes saot na langit, i sira tabar la. Pa mulo, mulo itna kol tanla.

“Gong mulo suah taum a gongonla te lapiu, ning a koropos pa ros diar alaulau sen la ka, pa na tena kinkinaula lar kas pa lar kinau i. Mulor suah taum a ututnala saot na langit, ning a koropos pa ros bel diar alaulau i, pa na tena kinkinaula otleng bel lar kinau lar pasi. Anasa ting na hanua ning anuma gongonla kaning ia, anuma lalaun otleng kaning ia.

“Bel tik ir titol lar pas tetek ir naur a ningnigo. Ir nget ning a halindiau, pa ir mang sur ning a halindiau, ir katnan ning, pa takai ir saran a kaba hina kusuni. Bel mulor titol lar pas tetek e God pa tetek a mani otleng.

E God i amermer a ulai sakas na bual ana wakak a purpurinla, ning anone i tapalas, pa latu dir tun seni ting na iah. Ning i toli larning ana ulai, i momol kol mang ir amermer mulo otleng. Anumulo a tortorot i natarna kol.

Ning ur tabar a kapan a taraila, gong a kair a kum i tasman asaning a sot a kum i toli, sur ur artabar kumna ka. Pa e Tamam ning i oroi asaning u tol kumnani, ir saran a arlou tam.

“Mulor tumarang mulo sur gong mulo tol anumulo a wakak a titol na matan a tarai ka, sur lar oroi i pa lar atong aitna pas mulo. Ning mulo toli larne, bel ta arlou anumulo tana Tamamulo ning i kes saot na langit.

“Ning mulor tamai sur mulor nunung, gong mulo tai arlar ana tena asasongola, anasa la tai na bal maris sur a tarai lar oroi i mang la tamai. A atong momoli ta mulo, ning a tarai la aitna pas la, i ot ning anunla a kidol a arlou. Ning ur tamai, ur kom a pukulum, pa ur damus a patarim, sur gong a tarai la tasmani mang u tamai. E Tamam ka, ning bel tik i oroi i, ir tasmani. Pa e Tamam ning i oroi asaning u tol kumnani, ir saran anuma arlou.