Adnodau Beiblaidd Poblogaidd o Salmau 65

Rhanna

Gwyn ei fyd bawb a ddewisi Ac a ddygi’n agos iawn Iddo fyw yn dy gynteddau. O digoner ninnau’n llawn Yn dy dŷ, dy deml sanctaidd, Â’th ddaioni ac â’th ddawn.

Rwyt yn trefnu ar gyfer daear: Gwastatáu ei chefnau hir, Dyfrhau’i rhychau; yna’i mwydo’n Dyner â chawodydd ir. Yna, i goroni’r flwyddyn, Fe fendithi gnwd y tir. Braster dros borfeydd y byd. Gwisgi’r bryniau â llawenydd, A’r dyffrynnoedd gydag ŷd. Cuddi’r dolydd oll â defaid. Canu y mae y bobl i gyd.

Mewn gweithredoedd tra ofnadwy Yr atebi di i ni. Ti yw Duw ein hiachawdwriaeth. Daear gron a’i chyrion hi A phellafoedd eitha’r moroedd Sy’n ymddiried ynot ti.

Moliant sy’n ddyledus iti, Dduw yn Seion, ac i ti, Sydd yn gwrando gweddi, y telir Yr adduned. Deuwn ni Atat i gyffesu’n pechod Llethol, a maddeui di.