Adnodau Beiblaidd Poblogaidd o Zãa 6

Rhanna

Ŋɔi Jesu í sɔ̃ ŋa í ni, amui ǹ jɛ ijɛi kuwɛɛ. Inɛ iyi í naa bi tom, ari kaa kpa lafɛ̃ɛ má pai, nɔ inɛ iyi í dasim naanɛ, agbɛ kaa kpaa má pai.

Hundei í ya mua inɛ kuwɛɛ, gbugbãi amanɛ kù jɛ nkãma. Nɔ ide iyi ǹ sɔ̃ ŋɛu wee hundei, nɔ nŋui í jɛ kuwɛɛ.

I maà ti i ce icɛi ijɛ iyi í ya sãmi nŋu akã, amma i ce icɛi ijɛ iyi á jɔ̀ i ba kuwɛɛ hai tã ŋa. Nɔ ijɛ nŋu amu Amai Amanɛi an mu nŋɛ, domi amui Ilaaɔ̃ Baaba í na yiikoɛ nɔ í jɔ̀ inɛ ŋa à waa yɔɔ.

Idɔɔbii Baam nii í jɛ inɛ iyi í yɛ amu Ama nɔ í dasim naanɛ fei ku nɛ kuwɛɛ hai tã, an nɔ n jĩ lafɛ̃ɛ hai si balɛ si ajɔi ankãanyi.

Ŋɔi Jesu í jɛ nŋa í ni, icɛ iyi Ilaaɔ̃ í bi si ŋɛi í jɛ i dasi amu woo bɛɛ naanɛ ŋa.

Inɛ ŋa iyi Baaba í nam fei aa naa bi tom, nɔ inɛ iyi í naa bi tom baa bii bɛirei n kaa n nyɔɔ angule.

Ŋɔi Simɔɔ Piɛɛ í jɛaa í ni, Lafɛ̃ɛ, bi yooi aa ka bɔ má. Awɔi ì nɛ idei kuwɛɛ hai tã.

Amui ǹ jɛ ijɛi kuwɛɛ. Hai lelei Aɔ̃i ǹ kita wa. Nɔ inɛ iyi í ba ijɛu í jɛ fei í nɛ kuwɛɛ hai tã. Ijɛui í jɛ aram. An náai ku ba inɛi andunya ŋa a maa wɛɛò.

Inɛ gɔ kaa yɔkɔ ku naa bi tom bii kù jɛ Baaba iyi í bɛm wai í fa lafɛ̃ɛ wa. Nɔ inɛ nŋui an jɔ̀ ku jĩ hai si balɛ si ajɔi ankãanyiu.

Nɔ ijɛ iyi Ilaaɔ̃ í ya mua inɛ, nŋui í jɛ inɛ iyi í kita wa hai lelei Aɔ̃ iyi á jɔ̀ amanɛ ku ba kuwɛɛ hai tã.

Amui ǹ jɛ ijɛi kuwɛɛ.

Ŋɔi Jesu í so pɛ̃ɛ ŋau í saabu Ilaaɔ̃, ŋɔi í jɔ̀ à kpɛ̃a inɛ ŋa iyi à waa bubau. Bɛɛbɛ mɔi í ce do cɛ̃ɛ ŋau. Nɔ à jɛ bɛi à bi. Iyi aŋa fei à jɛ à yo, ŋɔi Jesu í sɔ̃ mɔcɔɛ ŋa í ni, i ko ijɛ iyi í gbeu ŋa ku ba gɔgɔ ku maà ce nfe.

Iyi à nɛ zakai kiloo mɛɛfa ŋɔi à hɔ̃nnɛ Jesu wa nɛ si antaii inyiu wa naa bi tu ŋa, ŋɔi zigi nŋa í da. Amma Jesu í sɔ̃ ŋa í ni, amui, i maà jɔ̀ njo ku mu ŋɛ.