Yawa - 2011 Edition (NT) Drama

<div class="version vid475 iso6393yva" data-vid="475" data-iso6393="yva">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Yesus kovakato</div><div class="r">(Matius 28:1-10; Markus 16:1-11; Yohanes 20:1-18)</div><div class="p"> 1Ari Minggu ama awatan ngko dave, wanya umawe wuruta no Yesus apa aipapo rai, muno wo manino mbovovo wo ratayaowe rauga tavon. 2Umba wo oramo unsanda aipapo raen raroya to. 3Usisa no aipapo umaso ama uga, weramu unanta Amisy Yesus anasino kopa raije ramu, 4weti wananepabe. Naije kobe vatane jirum aya ansune mamo mpope ntumbe rave, isyaiyo matavon. 5Wanya umaso ujani dave, weti wo awa vukane ranteter muno wo mansamune rangkukuv no mine von. Umba vatane jirume umaso yo raura yare, &#8220;Aipapo mamo vatano ugwenen to obo mantuna rai, weti wabeanimaibe wapo vatano kove akani no aipapo rai? 6Naisoamo norije ramu, yara kovakato to! Wasaemeno Apa ana po raura wasai no Galilea raijoe rai, 7purairive pare, &#8216;Risy, Arikainyo Vatan, indati inaunanto vatano ukakainoanive maneme rai. Wo inauseo sawa no inyo kapite rai, weramu masyote mandei umba ikovakato.&#8217;&#8201;&#8221;</div><div class="p"> 8Umba wanya umaso maemeno Yesus apa ana daura umawe rai. 9Weti unajivo aipapo raora, wakata wo ana umaso raura tenambe no Yesus apa arakovo abusyinara eane intabo mai, muno Apa arakovo kaijinta mai tavon. 10Naije Maria wanya Magdalena me, Yohana me, Mariajo Yakobusa apa akoya me, muno wanya kaijinta utavono mai tavon. Wenao tenambe wakare wo ana umaso raura nanto Yesus apa arakovo abusyinara eane intabo umawe mansai. 11Weramu wo ratantona ware wanya sonawamo waumandivea, weti wanave ramu.</div><div class="p"> 12Weramu Petrus seo tet, pansanan to no Yesus apa aipapo rai. Umba benanto peravo aipapo ama uga raito, po ansune vasye mpopero veano Yesus anasino kopa rakepane obo raeno ntamiji. Weti Petrus nantoive irati apa ana po raene umaso rai, umba nin ti pakato.</div><div class="s">Yesus po anasine rarorono vatane rurumo ija no Emaus yai</div><div class="r">(Markus 16:12-13)</div><div class="p"> 13Masyoto napije kobe, Yesus apa arakovo javondi aije ruruma yurija no munije inta ama tame mi Emaus. Munijo Emaus ti nde no Yerusalem ama waravainye ma kilometer abusyinara eane intabo. 14Arono yanya, yayao irati Yesus apa ana nande ai muno Apa kakaije rai. 15Weti yanya yayao ana umaso raive, umba naije Yesus taune de nande panya yatavon. 16Weramu maisyare ana inta nsosobe yami raije wemaisy, weti yantatukambe Ai.</div><div class="p"> 17Umba Yesus po yanajo pare, &#8220;Animaisye mi ripanya ipayaube raije wato?&#8221;</div><div class="p">Umba isyai yanimaumbe. 18Vatane umaso inta apa tame mi Kleopas po Yesus anajo pare, &#8220;Winyamo nyo ana vatane wo rave no Yerusalem nandijawe ranaun dainya e? Vatano Yerusalem wo raen tenambe to.&#8221;</div><div class="p"> 19Umba Yesus po raura akanande yai pare, &#8220;Animaisye mije?&#8221;</div><div class="p">Umba yo raura akananto Ai yare, &#8220;Ana nande Yesus vatano Nasaret ai. Opamo anawae pa, Apa ayaowe muno Apa ana dave mamo mbambunin dave, weti vatan tenambe manayanambe Ai muno Amisye anayanambe Ai tavon. 20Weramu syeno akokoe nawe, wama akarijo Yahudi nawe wo aunanto akarijo pemerinta ai indamu po mangke raugaje Ai, umba apa naite wo auseo sawa inyo kapite rai indamu kakai. 21Manasyinoe reansanaveano Amen reamare Opirati po vatano Israel mapaya irati awa marova mai, weramu soamo jewen to. Yesus kakai no nandijawe ndea unumeso masyote mandeije mi som. 22Muno wanya inta una no reama yasyine ude wo raura reansai to, awa ayao mo reansaveti reampaparo reansai. Weye awatan ngkove umawe wuruta no Apa aipapo, 23umba wakare wo raura ware unanta irati Yesus anasine raije ramu, yara wo naito Amisye inta yaen, yo raura nande mai yare, &#8216;Soamo Yesus kovakato to.&#8217; 24Weti reama arakove inta wuruta no Apa aipapo umba wo raen mamaisyo ana wanya umawe wo raura we rai, weramu wo Yesus aene ramu.&#8221;</div><div class="p"> 25Umba Yesus po raura nanto yai pare, &#8220;Wuripamo ipantukambe rave! Ipanave ayao anawae wo raura we rai kobe rainya nene! 26Anawae wurairive ware Mesias nanto irati siurijo manakoe rai manasyimbe, umba siso Apa kovo ntiti rai.&#8221; 27Naije kobe Yesus po Ayao Amisye ama ayao mo taune aura raura kakavimbe yai no taiso: manasyimbe Musa apa ayao mo Mesias aura mansanan ava Ayao Anawae wo raura rai.</div><div class="p"> 28Umba naije wararaijo munijo ware uta raije rai. Umba Yesus pare panawadi tutir. 29Weramu yo amavu yare, &#8220;Nde ramu wana tenambe no reanorije so rati, weye uma pare pasyo ti kaumu kobe to.&#8221; Weti Yesus tavondijo yai ti siso no aya yavare ama uga.</div><div class="p"> 30Arono utantuna wisyisy, Yesus po rotije inta raijar, umba Po kove raura seo Amisye ai, umba Po raporadi po ratoro yai. 31Naije kobe yamije mporar ti yo aen kakavimbe, yare, &#8220;O! Sopamo Yesusa pije.&#8221; Kavuratawe Yesus aumandi kobe no aya yasyin. 32Umba inta po raura nanto inta ai pare, &#8220;Tugae rave, irinsanuga ranayanambe rave arono Po Ayao Amisye ama ine raura kakavimbe rinsai no unanuije ama yasyinoe.&#8221;</div><div class="p"> 33Umba syea kobe yakare no Yerusalem, nyanta Yesus apa arakovo utavondi aije abusyinara eane intabo mansai. Muno arakovo kaijinta wanugan tenambe no naije. 34Umba arakovo abusyinara eane intabo wo raura yaijo manasyimbe ware, &#8220;Tugae, Injayo Yesus kovakato to! Po anasine rarorono Simon Petrus ai to.&#8221;</div><div class="p"> 35Umba arakovo jirume umawe yo ana nande no unanuije ama yasyin arono Yesus arorono yaijoe raura, umba yare, &#8220;Arono Po rotije raporadi, naije ririmo aen kakavimbe.&#8221;</div><div class="s">Yesus po anasine rarorono Apa arakove mai tenambe</div><div class="r">(Matius 28:16-20; Markus 16:14-18; Yohanes 20:19-23; Arakov 1:3-8)</div><div class="p"> 36Arakove umaso wayao ana umaso raija nene, umba kavuratawe Yesus de te no awa yasyin Po anasine raroron kakavimbe mansai, umba Po raura nanto mai pare, &#8220;Saumano Amisye maje wasai!&#8221;</div><div class="p"> 37Upaparo mansai muno ujani dave, weye wo ratantona ware, &#8220;Vemo anananeme pa!&#8221;</div><div class="p"> 38Umba Yesus po raura nanto mai pare, &#8220;Wabeanimaibe wajaniv? Wabeanimaibe wasanuga mantaun? 39Syare wapo inaneme muno inajoe raen dati. Risyi Yesus, rikovakatowi so! Wapo inaijar muno wapo inaen. Risyamo anananeme pi Risya jewena. Anananeme pamo apa pae meweno ai muno anasine meweno ai, yara Risyamo sya pae no Rinai muno Sya ine no Rinai.&#8221;</div><div class="p"> 40Umba Po aneme muno ajoe rarorono mansai. 41Weramu wanave kobe rainya nene weye manuga ranayanambe muno unantaive rave. Weti Po raura mai pare, &#8220;Wapa anaisye inta ntuna no soa e?&#8221; 42Umba wo jiano ramere nake inta raunande Ai. 43Weti Po jiane nake umawe raugav umba Po rai no mansamun indamu wanave Ai.</div><div class="p"> 44Umba Po raura nanto mai pare, &#8220;Arono wusyinoe rino wasatavon, Syo raura wasai to syare ana mo inaurairive ti ratoe tenambe no Ananyao Musa muno Ayao Anawae muno Mazmurije rai omamo indati mamaisyo rai tugae.&#8221;</div><div class="p"> 45Naije Po makarikuga raneka indamu unanta Ayao Amisye rai. 46Po raura nanto mai pare, &#8220;Ayao Amisye mo inaurairive no wusyinoe mare indati Mesias risiuri ti rikakai weramu masyote mandei umba ikovakato no wene rai. 47Muno mo raurairive tavon mare Amisye apa Ayao Kove mamo wadavovo Sya tame rai, manasyin dave no Yerusalem, umba wadavovo vatane kotaro ntuna no mine so mansai tenambe. Ayao Kove so mare are pirati sakinavo apa ayao kakaije rai muno panave Rinai, indati Amisye po apaya ayao kakaije rai. 48Weapamo wapo Sya kakai yara kovakatoe raen to, weti wata wapo ravov. 49Indati risyare Syo ana sya Injaya po raurairiveowe ratutiro wasai. Weti wana no Yerusalem wapo ranyut ava Amisye apa vambunine maje wasai.&#8221;# Arakov 1:8</div><div class="s">Yesus seo no munijo ntiti</div><div class="r">(Markus 16:19-20; Arakov 1:9-11)</div><div class="p"> 50Umba Yesus po mansauga ti wuje Yerusalem raora umba wuruta wararaijo munijo Betania rai. Umba Yesus po aneme raijaseo ntamijo mai, Po kove raugaje mai. 51Po kove raugaje maija jewen, umba naije kobe seo maora kobe ti to no munijo ntiti. 52Weti wo vukane ranteter ubeaje Ai muno wo ararimbe, umba manayanambe rave wakare no Yerusalem. 53Umba wo Amisye ararimbe tutir no Yavaro Amisye ama uga.</div>
 </div>
 </div>
</div>

Ari Minggu ama awatan ngko dave, wanya umawe wuruta no Yesus apa aipapo rai, muno wo manino mbovovo wo ratayaowe rauga tavon. Umba wo oramo unsanda aipapo raen raroya to. Usisa no aipapo umaso ama uga, weramu unanta Amisy Yesus anasino kopa raije ramu, weti wananepabe. Naije kobe vatane jirum aya ansune mamo mpope ntumbe rave, isyaiyo matavon. Wanya umaso ujani dave, weti wo awa vukane ranteter muno wo mansamune rangkukuv no mine von. Umba vatane jirume umaso yo raura yare, “Aipapo mamo vatano ugwenen to obo mantuna rai, weti wabeanimaibe wapo vatano kove akani no aipapo rai? Naisoamo norije ramu, yara kovakato to! Wasaemeno Apa ana po raura wasai no Galilea raijoe rai, purairive pare, ‘Risy, Arikainyo Vatan, indati inaunanto vatano ukakainoanive maneme rai. Wo inauseo sawa no inyo kapite rai, weramu masyote mandei umba ikovakato.’ ”
Umba wanya umaso maemeno Yesus apa ana daura umawe rai. Weti unajivo aipapo raora, wakata wo ana umaso raura tenambe no Yesus apa arakovo abusyinara eane intabo mai, muno Apa arakovo kaijinta mai tavon. Naije Maria wanya Magdalena me, Yohana me, Mariajo Yakobusa apa akoya me, muno wanya kaijinta utavono mai tavon. Wenao tenambe wakare wo ana umaso raura nanto Yesus apa arakovo abusyinara eane intabo umawe mansai. Weramu wo ratantona ware wanya sonawamo waumandivea, weti wanave ramu.
Weramu Petrus seo tet, pansanan to no Yesus apa aipapo rai. Umba benanto peravo aipapo ama uga raito, po ansune vasye mpopero veano Yesus anasino kopa rakepane obo raeno ntamiji. Weti Petrus nantoive irati apa ana po raene umaso rai, umba nin ti pakato.


Masyoto napije kobe, Yesus apa arakovo javondi aije ruruma yurija no munije inta ama tame mi Emaus. Munijo Emaus ti nde no Yerusalem ama waravainye ma kilometer abusyinara eane intabo. Arono yanya, yayao irati Yesus apa ana nande ai muno Apa kakaije rai. Weti yanya yayao ana umaso raive, umba naije Yesus taune de nande panya yatavon. Weramu maisyare ana inta nsosobe yami raije wemaisy, weti yantatukambe Ai.
Umba Yesus po yanajo pare, “Animaisye mi ripanya ipayaube raije wato?”
Umba isyai yanimaumbe. Vatane umaso inta apa tame mi Kleopas po Yesus anajo pare, “Winyamo nyo ana vatane wo rave no Yerusalem nandijawe ranaun dainya e? Vatano Yerusalem wo raen tenambe to.”
Umba Yesus po raura akanande yai pare, “Animaisye mije?”
Umba yo raura akananto Ai yare, “Ana nande Yesus vatano Nasaret ai. Opamo anawae pa, Apa ayaowe muno Apa ana dave mamo mbambunin dave, weti vatan tenambe manayanambe Ai muno Amisye anayanambe Ai tavon. Weramu syeno akokoe nawe, wama akarijo Yahudi nawe wo aunanto akarijo pemerinta ai indamu po mangke raugaje Ai, umba apa naite wo auseo sawa inyo kapite rai indamu kakai. Manasyinoe reansanaveano Amen reamare Opirati po vatano Israel mapaya irati awa marova mai, weramu soamo jewen to. Yesus kakai no nandijawe ndea unumeso masyote mandeije mi som. Muno wanya inta una no reama yasyine ude wo raura reansai to, awa ayao mo reansaveti reampaparo reansai. Weye awatan ngkove umawe wuruta no Apa aipapo, umba wakare wo raura ware unanta irati Yesus anasine raije ramu, yara wo naito Amisye inta yaen, yo raura nande mai yare, ‘Soamo Yesus kovakato to.’ Weti reama arakove inta wuruta no Apa aipapo umba wo raen mamaisyo ana wanya umawe wo raura we rai, weramu wo Yesus aene ramu.”
Umba Yesus po raura nanto yai pare, “Wuripamo ipantukambe rave! Ipanave ayao anawae wo raura we rai kobe rainya nene! Anawae wurairive ware Mesias nanto irati siurijo manakoe rai manasyimbe, umba siso Apa kovo ntiti rai.” Naije kobe Yesus po Ayao Amisye ama ayao mo taune aura raura kakavimbe yai no taiso: manasyimbe Musa apa ayao mo Mesias aura mansanan ava Ayao Anawae wo raura rai.
Umba naije wararaijo munijo ware uta raije rai. Umba Yesus pare panawadi tutir. Weramu yo amavu yare, “Nde ramu wana tenambe no reanorije so rati, weye uma pare pasyo ti kaumu kobe to.” Weti Yesus tavondijo yai ti siso no aya yavare ama uga.
Arono utantuna wisyisy, Yesus po rotije inta raijar, umba Po kove raura seo Amisye ai, umba Po raporadi po ratoro yai. Naije kobe yamije mporar ti yo aen kakavimbe, yare, “O! Sopamo Yesusa pije.” Kavuratawe Yesus aumandi kobe no aya yasyin. Umba inta po raura nanto inta ai pare, “Tugae rave, irinsanuga ranayanambe rave arono Po Ayao Amisye ama ine raura kakavimbe rinsai no unanuije ama yasyinoe.”
Umba syea kobe yakare no Yerusalem, nyanta Yesus apa arakovo utavondi aije abusyinara eane intabo mansai. Muno arakovo kaijinta wanugan tenambe no naije. Umba arakovo abusyinara eane intabo wo raura yaijo manasyimbe ware, “Tugae, Injayo Yesus kovakato to! Po anasine rarorono Simon Petrus ai to.”
Umba arakovo jirume umawe yo ana nande no unanuije ama yasyin arono Yesus arorono yaijoe raura, umba yare, “Arono Po rotije raporadi, naije ririmo aen kakavimbe.”


Arakove umaso wayao ana umaso raija nene, umba kavuratawe Yesus de te no awa yasyin Po anasine raroron kakavimbe mansai, umba Po raura nanto mai pare, “Saumano Amisye maje wasai!”
Upaparo mansai muno ujani dave, weye wo ratantona ware, “Vemo anananeme pa!”
Umba Yesus po raura nanto mai pare, “Wabeanimaibe wajaniv? Wabeanimaibe wasanuga mantaun? Syare wapo inaneme muno inajoe raen dati. Risyi Yesus, rikovakatowi so! Wapo inaijar muno wapo inaen. Risyamo anananeme pi Risya jewena. Anananeme pamo apa pae meweno ai muno anasine meweno ai, yara Risyamo sya pae no Rinai muno Sya ine no Rinai.”
Umba Po aneme muno ajoe rarorono mansai. Weramu wanave kobe rainya nene weye manuga ranayanambe muno unantaive rave. Weti Po raura mai pare, “Wapa anaisye inta ntuna no soa e?” Umba wo jiano ramere nake inta raunande Ai. Weti Po jiane nake umawe raugav umba Po rai no mansamun indamu wanave Ai.
Umba Po raura nanto mai pare, “Arono wusyinoe rino wasatavon, Syo raura wasai to syare ana mo inaurairive ti ratoe tenambe no Ananyao Musa muno Ayao Anawae muno Mazmurije rai omamo indati mamaisyo rai tugae.”
Naije Po makarikuga raneka indamu unanta Ayao Amisye rai. Po raura nanto mai pare, “Ayao Amisye mo inaurairive no wusyinoe mare indati Mesias risiuri ti rikakai weramu masyote mandei umba ikovakato no wene rai. Muno mo raurairive tavon mare Amisye apa Ayao Kove mamo wadavovo Sya tame rai, manasyin dave no Yerusalem, umba wadavovo vatane kotaro ntuna no mine so mansai tenambe. Ayao Kove so mare are pirati sakinavo apa ayao kakaije rai muno panave Rinai, indati Amisye po apaya ayao kakaije rai. Weapamo wapo Sya kakai yara kovakatoe raen to, weti wata wapo ravov. Indati risyare Syo ana sya Injaya po raurairiveowe ratutiro wasai. Weti wana no Yerusalem wapo ranyut ava Amisye apa vambunine maje wasai.”


Umba Yesus po mansauga ti wuje Yerusalem raora umba wuruta wararaijo munijo Betania rai. Umba Yesus po aneme raijaseo ntamijo mai, Po kove raugaje mai. Po kove raugaje maija jewen, umba naije kobe seo maora kobe ti to no munijo ntiti. Weti wo vukane ranteter ubeaje Ai muno wo ararimbe, umba manayanambe rave wakare no Yerusalem. Umba wo Amisye ararimbe tutir no Yavaro Amisye ama uga.

Gwranda ar LUKAS 24