Yawa - 2011 Edition (NT) Drama

<div class="version vid475 iso6393yva" data-vid="475" data-iso6393="yva">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Ayao mo kove raunande</div><div class="p"> 1Arono manasyin dave munijo akoe tename so ranari rainy, Yesus Kristus, apa tame mi Ayao Amisy, opamo no wusyimbe to. Wepe Amisye pe inya kava. Muno Po Injayo Amisye amaisy. 2Arono manasyin dave, Wepamo no Amisye autan to.</div><div class="p"> 3Wepi po anakotaro mine so ranari tenambe. Muno anakotare inta pora nande taune amave jewen, yara Yesus Kristus po ranari tenambe. 4Kovo nuge nuganui ama ruke no irati Ai, muno kove so maisyare varo mbaro vatano una no mine so mansai. 5Varo namije mbaro kaumuro mine so rai muno kaumure umaso mbambunin da mo rapamo kakai.#1:5 Kaumure raurata irati anakotaro ngkakai rai, yara vare raurata irati ana ngkove rai. Raen no 1 Yohanes 1:5-10.</div><div class="p"> 6Amisye po vatane inta atutir de, apa tame mi Yohanes. 7Muno Yohanes de po varo namije raura kakavimbe, indamu vatan tenambe wanave. 8Weramu Yohanes wepirati vare opa jewena, yara wepirati de po vare umaso raura kakavimbe. 9Varo kakui mo vatan tenambe mavar nde no mine so, wepamo Yesusa pije.</div><div class="p"> 10Yesus Kristus no no mine so muno Wepi po mine so ranari vintabo, weramu vatano mine so wantukambe Ai. 11De no taune Apa munije rai, weramu Apa kawasae wonayo Ai. 12Weramu vatano are nawirati manuga raneka wo augav muno wanave irati Ai, onawamo Amisye po varore raugaje mai indamu Apa arikainye waino mansai. 13Amisye apa arikainye waino mansai omamo maisyare vatane ibaunam ti yo arikainye mansaen omaisya jewen, muno anya beker wanya inta rai ti mo arikainye mavaki ma jewen tavon. Yara Amisye taune po vambunine raunande mai indamu Apa arikainye waino mai.</div><div class="p"> 14Yesus umaso, Apa tame mi Ayao Amisy, opamo be vatanbe to, paje ti pe wana no mine so. Muinye manakoe no Ai muno Apa ayao mamo tugae rave. Muno Apa kovo ntiti mamo reandaen to. Opamo Injayo Amisy apa Arikainyo intabo dave weti Amisye apa kovo ntiti no Ai vintabo.</div><div class="p"> 15Yohanes po Yesus aura kakavimbe. Po rawaino anamoto manakoe rai pare, &#8220;Napiso pirati syo aura syare Opamo indati po inarija de, weramu Opamo panakoe inakivan weye arono rino no mine so rainyamo Opamo no to.&#8221;</div><div class="p"> 16Muinye manakoe no Ai, weti Po kove raugaje wansai tutir. 17Amisye po Musa atutir indamu po ananyao raugaje vatane mansai, weramu po Yesus Kristus atutir indamu Po apa muinye muno Apa ayao tugae rarorono wansai. 18Vatane wamamo inta po Amisye aeno amije rai intai ma jewen tenambe. Yara Amisye apa Arikainyo intabo wepi po Injayo Amisye aroron kakavimbe irati wansai, weye Arikainye umaso po Injayo Amisye amaisy muno be intabove Ai.</div><div class="s">Yohanes Pembaptis po taune aura kakavimbe</div><div class="r">(Matius 3:1-12; Markus 1:1-8; Lukas 3:3-6, 15-17)</div><div class="p"> 19Akarijo Yahudi una no Yerusalem wo syene muno vatano Lewi inta#1:19 Vatano mavaki susyo Lewi onawirati wanapatambe no Yavaro Amisye rai. matutir wuruta wo Yohanes anajo taiso: &#8220;Winyamo are pi winy?&#8221;</div><div class="p"> 20Naije Yohanes po taune aura kakavimbe pare, &#8220;Mesias wepi risya jewena.&#8221;</div><div class="p"> 21Wo anajo akato ware, &#8220;Maisyare omaisyamo, winyamo are pi winy? Indako winyamo Elia pi winy e?&#8221;</div><div class="p">Yohanesa pare, &#8220;Jewen.&#8221;</div><div class="p">&#8220;Indako winyamo anawae aurairive wamo anyube wepirati win dako?&#8221;</div><div class="p">&#8220;Jewen tavon.&#8221;</div><div class="p"> 22Umba wo raura Yohanes ai ware, &#8220;Maisyare omaisyamo, taune nyo naura kakavimbe nande reansai indamu reamakata reamo raura vatano wo reansatutire mansai mamaisyo taune nyo naura rai.&#8221;</div><div class="p"> 23Naije umba Yohanes payao nande mansai, po taune aura kakavimbe maisyare anawae Yesaya po aurairive rai no taiso:</div><div class="q1">&#8220;Risyirati vatano igwaimbe no nugo vabukane vono maninimbe syare,</div><div class="q1">&#8216;Wapo unanuije ratayao da nsarokir indamu Amisye panya rai.&#8217;&#8201;&#8221;# Yesaya 40:3</div><div class="p"> 24Naije vatano nanawirati vatano Parisije wo matutire 25wo Yohanes anajo akato ware, &#8220;Ranivara winyare winyamo Mesiasa pi winya jewen, muno Elia pi winya jewen tavon, muno anawae aurairive pi winya jewen tenambe, mbeanimaibe nyo vatane maugasya kuvuni mana rai?&#8221;</div><div class="p"> 26Yohanes payao akananto mansai pare, &#8220;Syo vatane maugasya kuvuni mana rai, weramu wasayai di wato Vatano wapantatukambe ai napi pe wana wato. 27Vatano napije indati po inarija de, muno Apa waijo nowo ajo kokome raije mamo syo rapaya kakai, weye risyamo imamaisye ramu.&#8221;</div><div class="p"> 28Anakotare so nande tenambe no munijo Betania, mana akoe Yordan ama ranijo wanamuram, nai rati Yohanes po vatane maugasya kuvuni mana rai.</div><div class="s">Yohanes de po wansarorono Yesus apa de rai</div><div class="p"> 29Siman akato Yohanes perato po Yesus aeno dei. Naije po raura nanto vatano una no naije mansai pare, &#8220;Waperata, Amisye apa Domba Tuvan, Napi po ayao kakai mine so rapaya, de ratuije! 30Wepirati syo aura kakavimbe syare Po inarija de, weramu Opamo panakoe inakivan weye arono rino no mine so rainyamo Opamo no to. 31Wusyinoe taune risyamo syantukambe Ai tavona, weramu soamo syo aen to. Muno sya ride ti syo vatane maugasya kuvuni mana rai omamo indamu syo Napiso arorono vatano Israel wasai indamu wapo aen kakavimbe.&#8221;</div><div class="p"> 32Naije Yohanes po Yesus aura kakavimbe no taiso: &#8220;Syo Anawayo Vambunin raen no naumo warae maje ntuna irati Ai, maisyare insanijo punamoe amaisy. 33Arono naije risyamo syo aen tavone ramu ti are pi so. Weramu arono Amisye po inatutir syo vatane maugasya kuvuni mana rai, Po raura inai to pare, &#8216;Vatano rui pi nyo aen Anawayo Vambunin maje ntuna Ai, Vatano napije wepirati indati po Anawayo Vambunine ratutir maje vatano wanui mansai.&#8217; 34Muno risyi Yohanes syerato syo aen to, weti syo raura kakavimbe: Opamo Arikainyo Amisy.&#8221;</div><div class="s">Vatano utavondi Yesus ai manasyimbe</div><div class="p"> 35Siman akato Yohanes muno apa arakovo itavondi ai yano jirum una no naije akato. 36Arono Yohanes po Yesus aen panya ti de to, naije po aura pare, &#8220;Syerato Amisye apa Domba Tuvane pi ratuije!&#8221;</div><div class="p"> 37Yohanes apa arakovo javondi ai umaso yo apa ayao po raura so raraniva jewen, naije yurija javondi jirati Yesus ai. 38Yesus sakinav peravo akiri akare Po yaen javondi Ai. Weti Po yanajo pare, &#8220;Ipare?&#8221;</div><div class="p">Umba yo raura akananto Ai yare, &#8220;Injayo Rabi, Winyamo soamo nori rui?&#8221; (Rabi ama ine mare Kurune ayao Yahudi rai.)</div><div class="p"> 39Umba Yesus po raura yai pare, &#8220;Wiride rati indati taune ipo raen.&#8221; Weti javondi Ai wuruta, yo Apa norije raen. Arono naijeamo uma amije mambisy namandive, weti inya irati atavon ava ngkaumu kobe.</div><div class="p"> 40Vatano yo Yohanes apa ayao raranive umaso weti javondi Yesus ai, inta apa tame mirati Andreas, opamo Simon Petrus apa rijata pije. 41Naije Andreas pavave po apa anui Simon akani. Arono nanto ai, po raura pare, &#8220;Reananto irati Mesias ai to!&#8221; (Tamo Mesias mo tamo Kristus ramaisy, ama ayao mare, &#8220;Vatano Amisye po apatimu indamu be akari titive wansai.&#8221;) 42Andreas po Simon augav to no Yesusa nui.</div><div class="p">Yesus ami ntamijo Simon ai, umba Po raura pare, &#8220;Winyirati Simon, Yona apa arikainye pi winy. Weramu nya tame syare Syo raura mamo Kepas.&#8221; (Tamo Kepas mo tamo Petrus ramaisy, ama ine mare &#8220;oramo mantantuman.&#8221;)</div><div class="s">Yesus po Pilipusa pe Nataniera pe yawain</div><div class="p"> 43Siman akato Yesus po raura patimuve pare, &#8220;Risyamo to no Galilea.&#8221; Umba to nanto irati Pilipus ai, naije Po raura nanto ai pare, &#8220;Nde ramu ntavono Rinai!&#8221; 44Pilipus opamo vatano Betsaida pa, maisyare omai tavon Andreasa pe Petrusa pe onayamo vatano Betsaida tavon. 45Pilipus nanto irati Nataniera ai, umba po raura nanto ai pare, &#8220;Reananto Vatano aurairive no ayao Musa po ratoe Ai muno anawae Amisy wo aurairive no wusyinoe Ai to. Wepirati Yesus, vatano Nasaret, Yusup apa arikainy.&#8221;</div><div class="p"> 46Weramu Nataniera po raura nanto pare, &#8220;Wakoe! Vatano panakoe pamo no no Nasaret umba de rako?!&#8221;</div><div class="p">Weti Pilipus pare, &#8220;Nde rati! Taune nyo aen dati.&#8221;</div><div class="p"> 47Yesus po Nataniera aeno dei, naije Po aura pare, &#8220;Waperato! Vatano Israel kakui, wepi de wato. Angkarije meweno ai.&#8221;</div><div class="p"> 48Umba Nataniera po ranajo nanto Yesus ai pare, &#8220;Injae, Nyo inaena rako?&#8221;</div><div class="p">Yesus po raura akananto ai pare, &#8220;Arono Pilipus po nawain dainyamo, wintuna no inyo ara ama ruke rai, weramu risyeravore Syo naen to.&#8221;</div><div class="p"> 49Umba Nataniera paparo ai ti po raura akananto Yesus ai pare, &#8220;Tugae! Injayo Kurune, Winyamo Arikainyo Amisy. Winyirati Akarijo Titi Israel pi Winy!&#8221;</div><div class="p"> 50Yesus payao pare, &#8220;Winyanave somamo ta syeravore Syo naeno wusyimbe no inyo ara ama ruke wije! Weramu omamo anakotaro mamaun bayave. Anakotaro manakoeve mo we rakivan omamo indati nyo raen aje! 51Syo raura tugaive: Indati wapo naumo warae raen nsaneka, muno naito Amisye usea waje ude Arikainyo Vatane rinai.&#8221;</div>
 </div>
 </div>
</div>

Arono manasyin dave munijo akoe tename so ranari rainy, Yesus Kristus, apa tame mi Ayao Amisy, opamo no wusyimbe to. Wepe Amisye pe inya kava. Muno Po Injayo Amisye amaisy. Arono manasyin dave, Wepamo no Amisye autan to.
Wepi po anakotaro mine so ranari tenambe. Muno anakotare inta pora nande taune amave jewen, yara Yesus Kristus po ranari tenambe. Kovo nuge nuganui ama ruke no irati Ai, muno kove so maisyare varo mbaro vatano una no mine so mansai. Varo namije mbaro kaumuro mine so rai muno kaumure umaso mbambunin da mo rapamo kakai.
Amisye po vatane inta atutir de, apa tame mi Yohanes. Muno Yohanes de po varo namije raura kakavimbe, indamu vatan tenambe wanave. Weramu Yohanes wepirati vare opa jewena, yara wepirati de po vare umaso raura kakavimbe. Varo kakui mo vatan tenambe mavar nde no mine so, wepamo Yesusa pije.
Yesus Kristus no no mine so muno Wepi po mine so ranari vintabo, weramu vatano mine so wantukambe Ai. De no taune Apa munije rai, weramu Apa kawasae wonayo Ai. Weramu vatano are nawirati manuga raneka wo augav muno wanave irati Ai, onawamo Amisye po varore raugaje mai indamu Apa arikainye waino mansai. Amisye apa arikainye waino mansai omamo maisyare vatane ibaunam ti yo arikainye mansaen omaisya jewen, muno anya beker wanya inta rai ti mo arikainye mavaki ma jewen tavon. Yara Amisye taune po vambunine raunande mai indamu Apa arikainye waino mai.
Yesus umaso, Apa tame mi Ayao Amisy, opamo be vatanbe to, paje ti pe wana no mine so. Muinye manakoe no Ai muno Apa ayao mamo tugae rave. Muno Apa kovo ntiti mamo reandaen to. Opamo Injayo Amisy apa Arikainyo intabo dave weti Amisye apa kovo ntiti no Ai vintabo.
Yohanes po Yesus aura kakavimbe. Po rawaino anamoto manakoe rai pare, “Napiso pirati syo aura syare Opamo indati po inarija de, weramu Opamo panakoe inakivan weye arono rino no mine so rainyamo Opamo no to.”
Muinye manakoe no Ai, weti Po kove raugaje wansai tutir. Amisye po Musa atutir indamu po ananyao raugaje vatane mansai, weramu po Yesus Kristus atutir indamu Po apa muinye muno Apa ayao tugae rarorono wansai. Vatane wamamo inta po Amisye aeno amije rai intai ma jewen tenambe. Yara Amisye apa Arikainyo intabo wepi po Injayo Amisye aroron kakavimbe irati wansai, weye Arikainye umaso po Injayo Amisye amaisy muno be intabove Ai.


Akarijo Yahudi una no Yerusalem wo syene muno vatano Lewi inta matutir wuruta wo Yohanes anajo taiso: “Winyamo are pi winy?”
Naije Yohanes po taune aura kakavimbe pare, “Mesias wepi risya jewena.”
Wo anajo akato ware, “Maisyare omaisyamo, winyamo are pi winy? Indako winyamo Elia pi winy e?”
Yohanesa pare, “Jewen.”
“Indako winyamo anawae aurairive wamo anyube wepirati win dako?”
“Jewen tavon.”
Umba wo raura Yohanes ai ware, “Maisyare omaisyamo, taune nyo naura kakavimbe nande reansai indamu reamakata reamo raura vatano wo reansatutire mansai mamaisyo taune nyo naura rai.”
Naije umba Yohanes payao nande mansai, po taune aura kakavimbe maisyare anawae Yesaya po aurairive rai no taiso:
“Risyirati vatano igwaimbe no nugo vabukane vono maninimbe syare,
‘Wapo unanuije ratayao da nsarokir indamu Amisye panya rai.’ ”
Naije vatano nanawirati vatano Parisije wo matutire wo Yohanes anajo akato ware, “Ranivara winyare winyamo Mesiasa pi winya jewen, muno Elia pi winya jewen tavon, muno anawae aurairive pi winya jewen tenambe, mbeanimaibe nyo vatane maugasya kuvuni mana rai?”
Yohanes payao akananto mansai pare, “Syo vatane maugasya kuvuni mana rai, weramu wasayai di wato Vatano wapantatukambe ai napi pe wana wato. Vatano napije indati po inarija de, muno Apa waijo nowo ajo kokome raije mamo syo rapaya kakai, weye risyamo imamaisye ramu.”
Anakotare so nande tenambe no munijo Betania, mana akoe Yordan ama ranijo wanamuram, nai rati Yohanes po vatane maugasya kuvuni mana rai.

Siman akato Yohanes perato po Yesus aeno dei. Naije po raura nanto vatano una no naije mansai pare, “Waperata, Amisye apa Domba Tuvan, Napi po ayao kakai mine so rapaya, de ratuije! Wepirati syo aura kakavimbe syare Po inarija de, weramu Opamo panakoe inakivan weye arono rino no mine so rainyamo Opamo no to. Wusyinoe taune risyamo syantukambe Ai tavona, weramu soamo syo aen to. Muno sya ride ti syo vatane maugasya kuvuni mana rai omamo indamu syo Napiso arorono vatano Israel wasai indamu wapo aen kakavimbe.”
Naije Yohanes po Yesus aura kakavimbe no taiso: “Syo Anawayo Vambunin raen no naumo warae maje ntuna irati Ai, maisyare insanijo punamoe amaisy. Arono naije risyamo syo aen tavone ramu ti are pi so. Weramu arono Amisye po inatutir syo vatane maugasya kuvuni mana rai, Po raura inai to pare, ‘Vatano rui pi nyo aen Anawayo Vambunin maje ntuna Ai, Vatano napije wepirati indati po Anawayo Vambunine ratutir maje vatano wanui mansai.’ Muno risyi Yohanes syerato syo aen to, weti syo raura kakavimbe: Opamo Arikainyo Amisy.”

Siman akato Yohanes muno apa arakovo itavondi ai yano jirum una no naije akato. Arono Yohanes po Yesus aen panya ti de to, naije po aura pare, “Syerato Amisye apa Domba Tuvane pi ratuije!”
Yohanes apa arakovo javondi ai umaso yo apa ayao po raura so raraniva jewen, naije yurija javondi jirati Yesus ai. Yesus sakinav peravo akiri akare Po yaen javondi Ai. Weti Po yanajo pare, “Ipare?”
Umba yo raura akananto Ai yare, “Injayo Rabi, Winyamo soamo nori rui?” (Rabi ama ine mare Kurune ayao Yahudi rai.)
Umba Yesus po raura yai pare, “Wiride rati indati taune ipo raen.” Weti javondi Ai wuruta, yo Apa norije raen. Arono naijeamo uma amije mambisy namandive, weti inya irati atavon ava ngkaumu kobe.
Vatano yo Yohanes apa ayao raranive umaso weti javondi Yesus ai, inta apa tame mirati Andreas, opamo Simon Petrus apa rijata pije. Naije Andreas pavave po apa anui Simon akani. Arono nanto ai, po raura pare, “Reananto irati Mesias ai to!” (Tamo Mesias mo tamo Kristus ramaisy, ama ayao mare, “Vatano Amisye po apatimu indamu be akari titive wansai.”) Andreas po Simon augav to no Yesusa nui.
Yesus ami ntamijo Simon ai, umba Po raura pare, “Winyirati Simon, Yona apa arikainye pi winy. Weramu nya tame syare Syo raura mamo Kepas.” (Tamo Kepas mo tamo Petrus ramaisy, ama ine mare “oramo mantantuman.”)

Siman akato Yesus po raura patimuve pare, “Risyamo to no Galilea.” Umba to nanto irati Pilipus ai, naije Po raura nanto ai pare, “Nde ramu ntavono Rinai!” Pilipus opamo vatano Betsaida pa, maisyare omai tavon Andreasa pe Petrusa pe onayamo vatano Betsaida tavon. Pilipus nanto irati Nataniera ai, umba po raura nanto ai pare, “Reananto Vatano aurairive no ayao Musa po ratoe Ai muno anawae Amisy wo aurairive no wusyinoe Ai to. Wepirati Yesus, vatano Nasaret, Yusup apa arikainy.”
Weramu Nataniera po raura nanto pare, “Wakoe! Vatano panakoe pamo no no Nasaret umba de rako?!”
Weti Pilipus pare, “Nde rati! Taune nyo aen dati.”
Yesus po Nataniera aeno dei, naije Po aura pare, “Waperato! Vatano Israel kakui, wepi de wato. Angkarije meweno ai.”
Umba Nataniera po ranajo nanto Yesus ai pare, “Injae, Nyo inaena rako?”
Yesus po raura akananto ai pare, “Arono Pilipus po nawain dainyamo, wintuna no inyo ara ama ruke rai, weramu risyeravore Syo naen to.”
Umba Nataniera paparo ai ti po raura akananto Yesus ai pare, “Tugae! Injayo Kurune, Winyamo Arikainyo Amisy. Winyirati Akarijo Titi Israel pi Winy!”
Yesus payao pare, “Winyanave somamo ta syeravore Syo naeno wusyimbe no inyo ara ama ruke wije! Weramu omamo anakotaro mamaun bayave. Anakotaro manakoeve mo we rakivan omamo indati nyo raen aje! Syo raura tugaive: Indati wapo naumo warae raen nsaneka, muno naito Amisye usea waje ude Arikainyo Vatane rinai.”

Gwranda ar YOHANES 1