LUKU 3
3
KUYIDIKI KU KISALU KI Yésù
Zwáni mùbótíkí ntùmù Nzámbi mpüngù
(Mt. 3:1-10; Mk. 1:1-6)
1Kù kélé mvùlù kùmí yi tanù yi kà yélè Tibéliyùsù Ampélélè wù Loma, Nzámbi mpüngù kà hénè nsángù kù Zwáni, mùtángù dini kà kélé mù nsékè. Tâtà yàndi kà kélé Zakadi. Mùtángù dini, poso Pílâtù kà kélé mfùmù wù Yùdéyá. Elodi kà kélé mfùmù wù Ngádítí, mbángí yàndi Fidipo kà kélé mfùmù wù Utùdiya wè Talakoniti, wè Disaniya kà kélé mfùmù wù Abilénè. 2Mùtángù dini, bà ngángà Nzámbi bà mbùtù bà kélé Anasi wè Káyifa. Kù manimi, Nzámbi mpüngù kà sólélè wè Zwáni mu botiki, wù kélé mwana Zakadi, mùtángù dini kà zákélé hâ nsékè kiziki ki mpamba. 3Kù manimi, Zwáni káyélé kiziki yi biziki mù kizùngù ki nzadi Yùlùdáni kà fùlùménè kákà mù kùkámbá batù nà: Nà lùzolélè Nzámbi mpüngù kà lólóló másùmù mà bénù, Lùfwéné kùyámbùlù mùsámù Mánà lù bóngò mbótíkí. 4Zwáni kà kùkísí ndíngí yínì kà hóyélè mùvùngí Isaya mù míkándá'a yàndi ntama. Isaya kà sónékénè nà: Mùtù mosi kà wòkélé mù nkati kà dézèlè lù yidiki nzidi mùsámù di mfùmù kà kùsa lùsálá nà yi kalà yi sùngámá mùsámù di yàndi. 5Mà mbéngí màkùlù mà fwété zikama, miongo miàkùlù mpè lù milambikisi. Bà fwété sùngiki mà nzidi mà nioko-nioko mánà, mà nzidi mánà mà kóndélé kùsùngama makùmù mà kùsùngama, mà méniná yi mà bùlù mà fwété zikama. 6Batù bà kùlù bà zaya nki mpídí Nzámbi mpüngù kà fwénè kù bà bikisi Mánà, batù bà kùlù bà mùmónó mvùlùsi wùka tùmíní Nzámbi mpüngù. 7Zwáni kà mwénè batù bà yisi bonga mbótíkí mánà yi kà bà kémbé nà: lwéníná kùzáyí nà bâna baba nioko bà nkabù nà lùkémbé lùtini nkànù yi kùsù? Kiakini, tángù dini bà yisidi batù béngi kùkéníná Zwáni mùsámù di kù bóngó mbotiki, kà bà kémbé nà: Bénù batù bà bùmpala! Lwéníná bà mbi lù banza nà kákà mùkùdìdì bóngó mbotiki yínì lù fwénè kùtini kùbongo ndolo kù Nzámbi mpüngù mùsámù di másùmù mà bénù? 8Mùsámù di kùtini kù sambisama, bùfwénè lùkálá wè dizingù mù mpídí yi kùmonisi nà: Bà lùmwéné nsídì ngè mánà mpè bálùmùkíní kùkéníná Nzámbi mpüngù. Lùhoyékù mù nkati kà bénù nà: Nzámbi kà tùhékoko ndolo mbùndù mà bénù mánà bálùmùkíní kùkénè Nzámbi mpüngù. Lùyambùlù kù hoyi mù nkati kà bénù nà Nzámbi mpüngù kà té hékoko ndolo mùsámù ntwénina bà tékùlù bà Abalayami. Mpamba lo yi lùkámbá nà: Nzámbi mpüngù fwénè kù bálùmùnù matadi mà hâ, kù bâna bà Abalayami mùsámù di kù bóngó kiziki ki bénù. 9Kasawu benina bélé-bélé mu ku tábùlù miti mu mísòlò; mùti wákùlù konda wùnù kubutu bibundu bi mbótì bà mutabulu mana bà muloso ku mbawu. 10«Mánà batù bà hiki mù nkati kà Kibùkù ki batù béngi bà mù huilélé Zwáni nà: Nzámbi mpüngù kà zolélé bétù tù sal'a nki?» 11Zwáni Kaba vùtùlùla nà: Nà mùtù mosi mùnkâtí kà bénù kéníná wè mi lélé miolo, kà hékè mosi kù mùtù wù kóndélé mùlélè. Ho wéniná wè bidia, muheke mùtù wùnù kóndélé bidia. 12Bà futisi mpaku bà hiki bà yisidi kùkéníná Zwáni mùsámù di kù bóngó mbótíkí. «Bà mù huilélé nà: Mfùmù, nki mísámù tù fwénè sálá bétù?» 13Kaba kamba nà: «Yambula kutuma batù mù mpídí nà bà futa mpaku yingi kulutu yi kà lómbélè kùfùlùnélé wù loma kà bà lómbélè mù kufutu.» 14Mùbwa bùnù, bà sùta bà hiki mpè bà mù huila nà: Mánà nki tù fwété sálá? Kà bà kémbé nà: Lù zingidi kákà difútù dienu. Kù bangiêku batù mùsámù bà kùhéké mbongo za bawù, mánà kù fundieku mùtù mù mambi mánà kà kóndélé kusala. Yangisieku batù lù bedisieku batù mánà lubasa wè lufutu di bénù. 15Batù bà kùlù bà hingidi kù kùsù kù nswàlù kù Kídísítù, batù bà yindwele nà Zwáni mu botiki wù kélé Kídísítù. 16Zwáni mu botiki kà bà kémbé bakulu nà: Yilu hékè mbótíkí mù mamba, mánà mùtù mosi kà tù kù kùsù nswàlù-nswàlù wù ndutidi ménè mù kimbutu. Yeku wù bùnkétè mùsámù di kufungulu sabatu di yàndi kùzáyí nà mùsádì buka sálá. Kà botiki batù mù mpévè lôngò, kà mpétúlù batù mù mbáwù. 17Kéníná bélé-bélé mù kù kabisi bíbùndù wè bi titi. Mánà kà bisolo, kasweke mbongo bitítí yi kà yokele kù mbáwù yínì yi kondanga kù zimi. 18Mánà mù mpídí ya yínì, Zwáni kà longele batù nsángù mbótì, mánà kà bà hélè batù mulongi mù malongi mà mpídí yi mpídí mùsámù di kù yámbùlù másùmù.
(Mt. 14:3-4; Mk. 6:17-18)
19Zwáni mpè kà musongele mambi mà Elodi Mùbwa bùnù, Elodi wù bà télélé Tetake,wù kà sungikidi zwáni mù mísámù mitadidi Elodiasi, mù nkétù mbángí yàndi wù yakala Fidipo, wè mù mámbù màkùlù kà sadídí, 20Kù manimi Elodi kasadidi mpándi mosi yimbi yi ku lùtù mù mpídí yi kà mùsídí Zwáni mu botiki mù boloko.
Yésù kà bongele mbotiki
(Mt. 3:13-17; Mk. 1:9-11)
21Mùtángù dini kà héné mbótíkí Zwáni batù bakulu bâna bà yisidi kùkéníná yàndi, kà mù botekele mpè Yésù. Kù manimi kwani, tángù kà-kà sambididi Yésù zülù di fungumene. 22Mánà mpévè lôngò yi kulumukini hâ ntàndù' yàndi kuzaya, bùnù bukala yëmbè. Nzámbi mpüngù kà hoya túkù kù zülù nà: «Ngè wéniná mwan'a ménè wù yi zola bùvùlù, ntatina ménè kiésè kingi nsepele wè ngè.»
Bankâka bà Yésù
23Mùtángù dini kà kélé Yésù wè mamvulu maku mà tátù, kà yandikidi kisalu kiku lôngó batù bakulu. Yésù kà záyénè kùzáyí nà mwana Zéfu. Zéfu ká kélé mwana Heli. 24Heli kà kélé mwana Mata. Matate kà kélé mwana Levi. Levi kà kélé mwana Mediki. Mediki ká kélé Zanayi. Yanayi ká kélé mwana Zéfu. 25Mwana wù Matatiyasi, mwana wù Amosi,mwana wù Nawumu, mwana wù Esidi mwana wù Nakayi, 26Mwana wù Mati, mwana wù Matatiyasi, mwana wù Semeyi, mwana wù Yosesi mwana wù Zoda, 27Mwana wù Zona, mwana wù Lesa, mwana wù Zolobabele, mwana wù Sélítì, mwana wù Nedi, 28Mwana wù Medisi, mwana wù Adi, mwana wù Kusama, mwana wù Edimadamu, mwana wù Edi, 29Mwana wù Yose, mwana wù Edizele, mwana wù Yole, mwana wù Mata, mwana wù Levi, 30Mwana wù Síméyóní, mwana wù yùdá, mwana wù Zéfu,mwana wù Zono,mwana wù Edikimi, 31Mwana wù Mediya, mwana wù Mena, mwana wù Mata'a,mwana wù Nata, mwana wù Távidi 32Mwana wù Isaya, wù Obeti, mwana Bwâsi, mwana Salomo, mwana wù Naso, 33Mwana wù Aminadabu, mwana wù Admi, mwana wù Ani, mwana wù Edizô, mwana wù Peletesi, mwana wù Zùdá, 34Mwana wù Yakobi, mwana wù Kizaki, mwana wù Abalayami, mwana wù Tala, mwana wù Naso, 35Mwana wù Selusu, mwana wù Laku, mwana wù Faleki, mwana wù Edele, mwana wù Sálá, 36Mwana wù Kayino, mwana wù Ampasi, mwana wù Sem, mwana wù Nowa, mwana wù Lameki, 37mwana wù Matusala, mwana wù Enôki, mwana wù Yaledi, mwa nà wù Maléle, mwana wù Kayino. 38Kenane ká kélé mwana wù Enosi. Enosi ká kélé mwana Sete. Sete kà kélé mwana Adamu. Adamu kà kélé mwana Nzámbi mpüngù.
Právě zvoleno:
LUKU 3: LNZ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Lonzo Bible by Beyond Translation is licensed under Creative Commons Attribution-ShareAlike 4.0 License.
