Fartottit hi Abittot 15
15
Yerusaalem akotta
1 #
Leewiiti Sheekhino 12:3
Wuli xiyaw Yahuudiyaako oobeenih: “Moosat cayda balih askok-kalum abe wayteenimko, gargeerimtoona mirhictaana” arhxuk sacul aydurusuk yinin. 2Bawlos kee Barnabas tenlih naba zagaxa kee ankaaxad aben gedda, Bawlos kee Barnabas aki saculko garoolih ta gondoh zacabah fartottit kee kaniisat naba mara fanah Yerusaalem farritimen. 3Amaymih, amaa Anthaakiyaati kaniisaako farritimeenih, Finqiya kee Samaariyaako tillaabak Aki-mari Yallalle akah gaxeeniikah fidinih akah caddoyshenyaako, umbuka saculuh naba xeden akah baahen. 4Yerusaalem gufen gedda, amaa kaniisa, fartottit kee kaniisat naba mara ten kabbaaten, usun lel Yalli tenlih yekkeh abem inkoh akah warishen. 5Yaamine maraako gari amaa Faarisiin diin filco kinya uguteenih: “Moosat sercat dhawrhoona ciloh askok kalum akah abaanam fadhdhishimta” yerhxin.
6Inkoh fartottit kee kaniisat naba mara ta gondo yabloona inkidde yekettin. 7#Fartottit hi Abittot 10:1-43Mango ankaaxad yekkek sarrah Bithroos uguteyaako: “Saculo, tillaabe waqhtedde, Aki-mari yi afko mece warehi waanitta yoobbiinih yaamanoona sinko yi dooreh yinem taarhigin. 8#Fartottit hi Abittot 2:4; 10:44Afcaado yaarhige Yalli lel, ten kabbaatem akah yishhideyaako, tamaa nottah akah yoxoyekah Quddus kin Ufaye akah yoxoye. 9Ten afcaado imaanah yiysiffiyeh lel notta kee tenhi fanadde barhsa maabinna. 10Amaydo, amaa ni abbub yakko nanu naaqhaco tanna arcot katattaynitti fillak hayteenih, Yalla aymih acikkinuk taniini? 11Nanu laakin tena balih Maddara kin Yeesus nicmah gargeerimno kinomuh naamine” akko yerhxe.
12Amaa akotta lel inkoh sik-terhxeyaako, Barnabas kee Bawlos Yalli ten araxah Aki-marahi fanadde abe ishaarar kee bexsishsham akah caddoyshak ten yoobbin. 13Usun waani baken gedda, Yacqoob: “Saculo, yi oobbaanta. 14Yalli ishi migacalle xiyaw abo ciloh, yookomeh Aki-mara aaginah gufem Simcoon caddoysheh yane. 15Tayim nobowat waaniilih tamseeneem kinni, taginah lel yunkuttubeh yane:
16 #
Caamoos 9:11-12
‘“Taymik sarrah gaxo kiyo,
tamaa raddeh tane Dawud tenda lel cusubih siraaxo kiyo;
tee coona cusubih siraaxeh
tee ascassabo kiyo.
17Tayim lel xiyawko ractem
kee inkoh yi migacah decsimte Aki-mara
Maddara wagiyoona ciloh kinni,
yarhxe Maddari tayim aba”,
18tayim lel kalxaako timidhdhigem kinni.’
19Amaydo, inni mablolle ta Yallalle gaxeh yane Aki-mara waqhaaqhacishno nolle mitane. 20#Muuca 34:15-17; Leewiiti Sheekhino 17:10-16; 18:6-23Laakin jawaab alle nuktubeyaako asnaamah masxittem kee uma-xibar, amaye balih tibtikem kee biilooko sinni yabbarhoona akah warishno. 21Amayim lel Moosat sercat umman daafolle warroyishsham kalxaako luuk yinemhi sabbatah Sambat Sambatah ten sunagoogedde anqirruuk yine” akko yerhxe.
Akottat jawaab yaamine Aki-maralle
22Sarrah amaa fartottit kee kaniisat naba mara, umbuka kaniisaalih yekkiinih, Bawlos kee Barnabaslih Anthaakiya fanah faran xiyaw sinni fantaako dooroona abayshen. Saculti fanadde lel manabottitih Yahuuda akko yarhxin Barsabbaas kee Silas dhirhiyen. 23Tenlih lel ta jawaab dhirhiyen: “Fartottit kee kaniisat naba mara, sin saculko, Anthaakiya, Suuriya kee Kilikiyalle geytimta Aki-mara kin sacul kee sacoolak, salaamta sin gufto! 24Nanu farinnixino mari ni fantaako yedeyinyaako, waanih sin waqhaaqhacisheenim kee afcaadooko sin gobbisheenim noobbe. 25Ni yinkixxine Barnabas kee Bawloslih, inki afcaado nekkeh, doorneyaako xiyaw sin fanah farno abayishneh nane. 26Ta xiyaw ni Maddara kin Yeesus Masiix migacah sinni aniina camazadde sayishshem kinon. 27Amaydo, ta gondo atin sinneh ten afko taabboona ciloh Yahuuda kee Silas sinalle farak nane. 28Quddus kin Ufaye kee nottah, ta fadhdhishimtamko bextih, naba cuuka sinalle haye waynam meceh nodde timmingide, 29amaye lel, asnaamah tumruxxudemhi xazo, biilo, tibtikem kee uma-xibarko sinne tabbirhiinim kinni. Tayimko sinne dhawudhdheenimko, mecem abtoona kitin. Nagaa tika.”
30Amaa mara ten dhirhiyen gedda, Anthaakiyalle oobenyaako amaa yaamine marih filco inkidde yeskettiinih amaa jawaab akah yoxoyin. 31Wac-yerhxinyaako yiqhriin gedda, amaa fartohi aydukumusnanah xedenen. 32Yahuuda kee Silas sinneh nobowa kuuk yininyaako, amaa sacul mango waanih ten aydukumuseenih ten yeysheedeyin. 33Dago waqhte tenlih sugeenik sarrah lel amaa sacul tamaa ten fareh yine mara fanah maaxiyodde ten sukuukuwen. [34Silas laakin amalle raaco farhe.] 35Bawlos kee Barnabas lel Anthaakiyalle raaceenih aki mango maraalih yekkiinih Maddari waanitta aydurusuk kee warroyshak yinin.
Bawlos kee Barnabas barhsiman
36Dago maxak leddelle Bawlos Barnabasak: “Hayyaa gaxneyaako tamaa Maddari waanitta alle warroyishne umman daafofulle yane sacul gufneh, aaginah yaniinim ten nabloo” akko yerhxe. 37Kado, Barnabas Yohannis akko yarhxin Markos sinneelih beyoona farhe. 38#Fartottit hi Abittot 13:13Bawlos laakin Bamfiliyalle anuk ten xabeyaako, amaa ciyyodde lel ten gor akke waye tiya sinneelih beyaanam mecem tekkeh akah mamballayinna. 39Amalle sirii zagaxa tekke, amaymih lammalle sittiyaako barhsimen. Barnabas Markos isheelih beyeh badah Qobros yedee. 40Bawlos laakin Silas dooreyaako Yallih nicmah dhawrhumoona amaa saculko dhaaco kabbaateenih sarrah amakkeeko yedee. 41Usuk Suuriya kee Kilikiyaako tillaabak amaa kanaayis yeysheede.
Právě zvoleno:
Fartottit hi Abittot 15: SCC
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©2024 Wycliffe Ethiopia