Fartottit hi Abittot 13
13
Barnabas kee Shaa-uul farritiman
1Amaa Anthaakiyalle tine kaniisadde lel ta nobowa kee mudarrisiin yinin, usun lel Barnabas, Dattiya akko yarhxin Simcoon, Kureeneeko kin Luukiyos, affara zoobah manabotta kin Heerodeslih cindhiikoh cadhdhe kuuk yine Menaxeem kee Shaa-uul kuuk yinin. 2Usun Maddarah acbuduk kee asoomuk anuk, Quddus kin Ufayi: “Barnabas kee Shaa-uul tamaa anu akah ten deece ciyyoh yoh barhisha” akko yerhxe. 3Sarrah yosoomiinih dhaaco abeenik sarrah sinni gabub alle hayeenih ten dhirhiyen.
Barnabas kee Shaa-uul Qobrosulle
4Kado, Barnabas kee Shaa-uul Quddus kin Ufayi ten dhirhiyeh, Selewkiya fanah oobeenih, amakkeeko Qobros doonikih yedeyin. 5Salamisille yemeetin gedda lel Yallih waanitta Yahuud sunagoogedde warroyshoona erherhishen. Yohannis lel ten xate. 6Amaa jaziirah addaako inkoh tillaabeenih Baafos gufen gedda, wuli sharraax kin xiyawto, zirabti nabii kinya, Bar-Yeesus akko yarhxin Yahuuddo geyen. 7Usuk Sergiyos Bawlos akko yarhxin wuli kas-le Roomaati zoobah masxadaadaraalih yine. Amaa xiyawti lel Yallih waanitta yaabbo farheh Barnabas kee Shaa-uuluh ishelle akah deecime. 8Laakin amaa Elimas akko yarhxin sharraax (tayim kinni kaa migac hi macna), amaa masxadaadari yaaminemko ciloh ten yaqhaawamo farhe. 9Laakin Shaa-uul, Bawlosuh yakkeedo amidhdhiguk yineya, Quddus kin Ufayeh yemmeegeyaako rig-yerhxeh kulux adde yerhxeyaako: 10“Umbuka siixo kee umaaniiko yemmeege ko ibliis barhaw, ko umbuka xaqqehi cange, rig-yarhxe Yallih arux makishaanam xabto malito? 11Kado lel, taykinna, Maddari gaba bukalle kok tane, intit wayteh lel wuliidhdha ayro tablo makito” akko yerhxe. Akkanih lel awaa kee dite alle raddeh, tuula kee tawlalle hel-arhxuk gabadde hel kaa isha mara wagiye. 12Sarrah amaa masxadaadari tekkem yuble gedda, Maddari aydaras hi zacabah bexsiitemhi sabbatah yeemene.
Bawlos kee Barnabas Anthaakiyaati Bisidiyalle
13Sarrah, Bawlos kee kaa zoobit Baafosko uguteenih doonikih Bamfiliyaati Bergelle yemeetin. Yohannis laakin ten xabeh Yerusaalem gaxe. 14Usun lel Bergeeko tillaabeenih Bisidiyalle geytimta Anthaakiyalle yemeetin. Sambatah lel sunagoogedde orobeenih defeyen. 15Nobowa kee Sercatko yiqhriinik sarrah sunagoogeeti naba mari: “Saculo, aydukumusnan waanitta ta xiyawah teelliinimko erhexa” akko yerhxin. 16Amaymih Bawlos uguteh sik-yarhxoona ishi gabah alle kinishak: “Israa-eel xiyaw kee Yalla mashshittamak oobbaanta. 17#Muuca 1:7; 12:51 Israa-eel xiyawhi Yalli ni abbub dooreh, Masriiti baarholle yinin gedda naba xiyaw akko abeh, ishi xayla-le agadah lel amakkeeko ten yeyyeece. 18#Cadad 14:34; Gabbaacime Sercat 1:31Marootom iggidiya takkem lel saxralle ten cure. 19#Gabbaacime Sercat 7:1; Yehooshuca 14:1Kancaan baarholle malxina wathan yeyleemko sarrah ten baarho ten yiywirishe. 20#Yaxkume mara 2:16; 1 Saamiyeel 3:20Inkoh tayim tekkem affara bool kee kontom iggidiyadde kinni. Amaymik sarrah nabii Saamiyeel fanah Yaxkume mara akah yoxoye. 21#1 Saamiyeel 8:5; 10:21Amaymik sarrah nugus akah yaxaw kaa esseren, Yalli lel Benjamiin kishooko kin Qiish barha yakke Shaa-uul marootom iggidiyah akah yoxoye. 22#1 Saamiyeel 13:14; 16:12; Zaabur 89:20Amaymik sarrah Yalli kayya asac-isheyaako ten nugus yakko Dawud reezisheh: ‘Yi afcaado balih yakkeh, anu farhinnannim aba Yishxay barha kin Dawud geyeh aniyo’ yerhxeh akah yishhide. 23Yalli tamaa wacde akah sayeekah, ta xiyawtih zaraako, Israa-eelih Gargeereena kin Yeesus baahe. 24#Markos 1:4; Luukas 3:3Kaa mumutko basolle, Israa-eel xiyawah inkoh toobat anthammaq Yohannis warroyshe. 25#Maatiyos 3:11; Markos 1:7; Luukas 3:16; Yohannis 1:20,27Yohannis ishi ciyyo abayshak: ‘Anu miyatto kiyomuh sinalle higgida? Anu Masiix makiyo. Maale, laakin taykinna, anu kaa ibahi kabellat ragad akko aftaxo yoh eede waytati yi sarralle amiituk yane’ yerhxe.
26Saculo, Abraahim dik hi cindham kee ten addadde tane Yalla mashshittamak, ta gargerti farto nottalle kinni farritimteh tanem. 27Tamaa Yerusaalemille martam kee ten manabottit yekkemko, Yeesus maysharhaarhaginnooni, laakin rabih kaa yifridiinih tamaa Sambat Sambatah yaqhriin nobowat waani yiskimilin. 28#Maatiyos 27:22-23; Markos 15:13-14; Luukas 23:21-23; Yohannis 19:15Rabih kaa yafride cagab adde migeyinnooni hanuk, kaa yagdafo Bilaatos esseren. 29#Maatiyos 27:57-61; Markos 15:42-47; Luukas 23:50-56; Yohannis 19:38-42Kaa sabbatah tunkuttubem inkoh yiskimiliinik sarrah amaa masqal camiddaako kaa ulluseenih qabredde kaa oobishen. 30Yalli laakin rabaako kaa uguse. 31#Fartottit hi Abittot 1:3Tamaa Galiilaako kaalih Yerusaalem yemeetiinih kado lel xiyawah shaahid akkuk yane marah mango max yumbulluwe. 32#Zaabur 2:7Nanu lel tamaa Yalli ni abbubuh sayeh yine wacdehi mece ware sinah bahna. 33Tayim lel Yalli Yeesus rabaako uguseh, ten cindham kin nottah noh yiskimileh yane. Malammit zaaburudde lel tahe yaanam tunkuttubeh tane:
‘Atu yi Barha kito,
kaafa lel ku dhaleh aniyo.’
34 #
Isayas 55:3
Tamaa:
‘Quddus kee imaan-le baraka Dawudiya koh axawo kiyo’
yerhxeh akah waanisheekah, malammih yamishmishemko rabaako kaa uguse. 35#Zaabur 16:10Amayim balih aki zaaburudde:
‘Ku Quddus kinti yamashmasho kaa xabto makito’
yarhxe. 36Dawud ishi ijolle Yallih farhi yukhdumek sarrah ishi xaqqe geyeh ishi abbublih yumuccugeyaako yimishmishe. 37Yalli rabaako uguseti laakin maamashmashinna. 38Amaydo, saculo, tatiyahi araxah zambi xabbot sinah warrishimeh yanem irhiga, 39kayyah aamininnanti ummannimko yatxiqqiqhe, amayimko Moosat sercat sin yasxaqqaqho mirhiica. 40Amaydo, ta nobowa yerhxiinim sinalle takkek, selita:
41 #
Xabaqquq 1:5
‘Ko ilaaceenito, ubula,
bexsitteenih eleyaa!
Wuliti sinah warisha hanuk,
aamininnixitin ciyyo,
sin waqhtedde ciyyo abo kiyo’” akko yerhxe.
42Bawlos kee Barnabas awcuk lel kataa Sambatah ta waani akah gabbaacoona amaa xiyaw ten dhaacimen. 43Amaa sunagoogeeti akotta bakitte gedda, mango Yahuud kee Yahuud diin kabbaate Yalla mashshiita mari Bawlos kee Barnabasadde katayenyaako, tenlih waanisheenih Yallih nicmadde yasbatoona ten aydukumusen.
44Malammit Sambatah lel amaa daafo Maddari waanitta taabbo inkoh takkemik tekette. 45Yahuud laakin amaa tekette xiyaw yublin gedda mangum ashshiineenih, amaa Bawlos arhxuk yinem yeceerediinih akah waatimen. 46Bawlos kee Barnabas laakin yifdibinyaako tahe yerhxin: “Yallahi waanitta erherhih sinah warishno nolle tine. Atin xinteenih umman geedit aniina sinah meeddam sinnelle bakteenik sarrah, taykinna, nanu Aki-maralle afkuninuk nane. 47#Isayas 42:6; 49:6Amaymih Maddari tahe arhxuk ni yaamire:
‘Baarhot abayshima fanah gargar guddusso ciloh
Aki-marahi ifo kok abeh aniyo.’”
48Aki-mari tayim yoobbin gedda, xedenoona kee Maddari waanitta yaynaboona erherhisheenih, amaa umman geedit aniina-le maraako yekkiinih yeemenin. 49Yallahi waanitta lel umbuka zoobälle faax-arhxuk tine. 50Yahuud laakin amaa Yalla mashshitta xishma-le sayyo kee naba labha amaa daafohiya, Bawlos kee Barnabas diddeh hadaanoh ten uguuguseenih amaa zoobäako irolle ten yeyyeecin. 51#Maatiyos 10:14; Markos 6:11; Luukas 9:5; 10:11Usun laakin sinni ibih dorona alle urgufeenih Ikooniyon yedeyin. 52Katattaynit lel xeden kee Quddus kin Ufayeh yemmeegin.
Právě zvoleno:
Fartottit hi Abittot 13: SCC
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©2024 Wycliffe Ethiopia