Fartottit hi Abittot 11
11
Bithroos Kaniisah ware baaha
1Kado, fartottit kee umbuka Yahuudiyalle tine sacul gantah Aki-mari Yallahi waanitta kabbaateenim yoobbin. 2Amaymih Bithroos Yerusaalemille yewce gedda, askok-kalum abe yaamine mari tayim yerhxiinih kaa cadalen: 3“Atu askok-kalum abinnixe maralle tedeyaako tenlih bette.” 4Bithroos laakin cara-carah taginah akah caddoysho erherhishe: 5“Anu Yobbaati daafolle dhaaco abitak anuk, himma xabeh wuli mablo uble. Wuli naba xalagah higgidam lel caranko ishi affara nukuruh obteh, yottalle temeete. 6Kab-erhxeh uble gedda lel affara miila-le ufayle, alluula, mexeltam kee zibi kimbir macalsiite. 7‘Ugut, Bithroos, urxudaaki bet’ yarhxe dhaw lel oobbe. 8Anu laakin: ‘Mitakke, Maddara, najaasa lem kee xaraame kinam caduruh yi afadde orobteh maarhige’ akko erhxe. 9Amaa dhaw laakin carsheeko malammit waqhte: ‘Yalli xalaale akko abeh yanemik xaraame akko marhxin’ yerhxeh yolle yedebbe. 10Tayim adooxa gedda tekke, inkoh lel hirgiimeh malammih caranalle gaxe. 11Taykinna lel, amaa geddadde wuli adooxa xiyawti Qayseeriyaako yi fanah farritimeya tamaa nanu adde nine carelle yemeetin. 12Amaa Ufayi lel lammaa-garbitekkah ten goorisho yoh warishe. Ta lixa sacal lel yi goorisheenih amaa xiyawtih caredde orobne. 13Usuk lel amaa malaykatti kaa caredde aaginah daw-arhxuk kaa yublem kee: ‘Yobba fanah farteyaako Simcoon akko yarhxin Bithroosuh akah deecim. 14Usuk lel koo kee ku xawaz inkoh akah gargeerimtoona kitin waanitta koh warisho kinni’ akko yerhxem noh warishe. 15Anu waanishah anuk lel tamaa erherhih nottalle akah oobeekah Quddus kin Ufayi alle oobe. 16#Fartottit hi Abittot 1:5 ‘Yohannis layeh kinni yaythimmiqhem, atin laakin Quddus kin Ufayeh tanthammaqhoona kitin’ yerhxe Maddari waanitta izzikkire. 17Amaydo, nanu Maddara kin Yeesus Masiixih neemene gedda akah noh yoxoyeekah, Yalli lem kin muttuxuwa akah yoxoyek sarrah, anu miyatto ekkeh kinni Yalla deeso liyom?” 18Tayim yoobbin gedda, sik-yerhxin. “Amaydo Yalli Aki-marah gantah aniina akah taxaye tooba akah yoxoyeh yane” arhxuk Yalla faylishiten.
Anthaakiyah kaniisa
19 #
Fartottit hi Abittot 8:1-4
Tamaa Istifaanos rabek sarrah tekke hadaanoh faax-terhxeh tinem lel Finqiya, Qobros kee Anthaakiya fanah yedeynih Yahuudko bextih ta farto walaa inkettah miwarishinnooni. 20Laakin Qobros kee Kureeneeti xiyawko gari Anthaakiyalle temeeteya, Giriiklih gantah waanisheenih Maddara kin Yeesus zacabah mece ware warroyshen. 21Maddari gaba lel tenlih tine, yeemene maraako mango mari lel Maddaralle gaxen. 22Tayimhi wari Yerusaalemille tine kaniisah cokka gufeyaako, usun Anthaakiya fanah Barnabas faren. 23Usuk amalle yemeete gedda, Yallih nicma yubleyaako mangum xedene, inkoh Maddaradde imaan yaalloona kee afcaadooko aalih yakkoona ten aydukumuse. 24Amayim lel usuk mece xiyawto kee Quddus kin Ufaye kee imaanah yemmeege tiya kuuk yinemhi sabbatah kinni. Mango xiyaw lel Maddaralle gaxen. 25Sarrah, Barnabas Shaa-uul goronisho Tarsus fanah yedee. 26Kaa geye gedda lel, Anthaakiya fanah kaa baahe. Iggida kaamil amaa kaniisaalih sitta geyak lel mango xiyaw yuydurusin. Amaa katattaynitik lel Anthaakiyalle erherhih masiixiin akko yerhxin.
27Amaa ayyamadde lel nobowaako gari Yerusaalemko Anthaakiya fanah ooben. 28#Fartottit hi Abittot 21:10Tenko inketti Agabos akko yarhxinya lel uguteh umbuka Roomaati giz-atalle naba culul yakko kinam Ufayeh abeh takko lem waanishe. (Tayim lel Kilawdiyosti nigsinnah waqhtedde tekke). 29Amaymih amaa katattaynit ummanti ishi dhicille Yahuudiyalle geytima saculuh xato dhirhiyoona abayshen. 30Amaa xato lel Barnabas kee Shaa-uululle yoxoynih kaniisat naba maralle dhirhiyen.
Právě zvoleno:
Fartottit hi Abittot 11: SCC
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©2024 Wycliffe Ethiopia