Mathiu 3
3
1An loanian ka Jon ierem ramol nebaptisoan neterua mametikun leluan le ten i Judia, moma,
2Alelegra, mero in ka niko le neai reknua iwaket.
3Mero in ka inuk ierem kamameni le Aiseia profeta, moma,
Nakaran te ierem ramasak leluan,
Takarol ut suatu te Ieremera,
Takarol etuatu suatu tahan.
4An Jon rameviu le nemami kamel, mametoat le nevigen, an ramkin piru mene hani lemehnamera.
5An netakarier maruan ton nerim i Jerusalem mene nerem i Judia petum mene neremim kamairik min le Jordan mene iken min ka.
6An netakaros nebaptisoan ton le nu Jordan, mamani tehwaga tat tenilar.
7Mero neterahm Farisi min mene Sadiusi min rapus kamarua to nebaptisoan, netereni to ilar, Kamiar nereri tagalua, pehe rameni to kamiar moma tenakaikam ita le niehma rakava?
8Mero in ka tenakarol nowa nik ut to nelelegan.
9Nekimiar tereshoan moma tenakani le nekimiar, Ebraham remitar; mero in ka tiakani to kamiar, Wuhgin resanen to nolan nereri Ebraham le kapiel min uk.
10Inuk towe kepas rakamel pen le nokanik, an nik min teresowean in nowa nik ut tokaraluaralu an kafepen le nekam.
11Io iakamol nebaptisoan le kamiar le nu to nelelegan, mero ierem teroatisig in io iresanen kama io, io iesavitan moma tiakos shus tahan. In terepol nebaptisoan le kamiar le Nanumun Ausim mene le nekam.
12Ierem nar kamilil ramarik le nelimin, an terepilil nowa nimwa tahan, an terephwafugen hwit le nimwa, an terepuanakru nemusmusin le nekam lilen.
13Loanian ka Iesu netersipen i Kalili neterua le Jordan to Jon moma teros nebaptisoan ton.
14Mero Jon ramenhiau in, moma, Ravit io tiakos nebaptisoan tonik, an ik nekua tonio?
15Mero Iesu neteraram menipen ton, moma, Pas am, mero in ka ravit to katar takarol etahun tehwaga ut.
16An neterapas mol. An Iesu neteros nebaptisoan, an ihwe am neteret le nu, an ahm ru, neai kametita ton, an neterahm Nanumun taha Wuhgin ratite kama menuk mua ton.
17Ah rhm ru, nakaran netersipe le neai mameni moma, Inuk Neruk keikei, ierem nekiuk ragienipus lan.
Právě zvoleno:
Mathiu 3: LEN1902
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Published by the British and Foreign Bible Society in 1902, reprinted in 1935.
