Yʉanɨ 'Ʉtʉ wʉ moni
'Ʉtʉ wʉ moni
Ɨtaɓʉ ngiakɛ Yʉanɨ kʉ a꞉tɨndakɨa. A꞉faniso ɨtaɓʉ ngiangɔ tʉkʉ nʉ pananiso ɓɔ Yeso a « Moni », iya i꞉nye kʉ akʉ 'ʉkpanganɨa ɨzɔ nʉ Asʉɓɨɨ. Nʉ Asʉɓɨɨ a꞉kyɨa kumbo kʉ 'uɓomu 'upi akʉ Ɛyɔ. Moni a꞉nɨtanaka tiga mombi iya a Yeso. Ɨtaɓʉ ngia ɓa꞉ɨtɨndakɨa a꞉ka ekoo ngia ɓɔ mombi ngia a꞊kɔ ɨsaʉ ngiangɔ ʉbaya ɓɔ Yeso Klisito a Mwana ʉ Asʉɓɨɨ nʉ a Muhiiso. Mombi ngia amʉbaya ʉnyɨa nʉ ʉɓɨɨ wʉ mɨtʉ yɨ ɨpá nʉ mɨtʉ yɨ ɨpá (Yʉanɨ 20:31).
Nʉ a꞉ngaka moni ekoo ɓamoni ɓɔɔ ɓʉmbangɛ ʉmalɨa ngiɓa Yeso a꞉kyɨa, kʉpananiso ɓɔ Ɛyɔ a kingono Asʉɓɨɨ. Yeso a꞉sigo ɓɔ a:
Mukati wʉ ʉɓɨɨ (6:35)
Wanga wʉ ʉɓɨɨ (8:12; 9:25)
Umongu (10:7,9)
Mʉpɨmakɨa wʉ ɓakɔndɔlɔ wɔɔ uɗo (10:11,14; 11:25)
Ɨngbaa, ingono nʉ ʉɓɨɨ (14:16)
Ɓʉtɨ ɓʉ mujabibo ngiɓa ɓʉ ingono (15:1)
Amati ʉ wagba ngua wʉ 'upipio wʉ ɨtaɓʉ ngiakɛ, Yʉanɨ a꞉ngakanakiso moni ekoo ʉ ɓʉka‑ɓʉkaɨ ngiɓa Yeso a꞉dya, nayɔ kʉɓakaka ekoo ʉ mʉsalaba, ingyo nʉ jʉkana akʉ ingyo ngiangɔ, nʉ aka i꞉nye‑ɔɔ kʉɓwanakɨa ɓakpataka ngiɓangɔ mbise ʉ jʉkana akʉ ingyo.
Moni kɔɔ mʉkpɔkpɔ
'Ʉtʉ wʉ moni 1:1-18
Yʉanɨ ngia i꞉nye ɓatiso ɓombi nʉ ɓakpataka ngiɓa ɓʉ pɛɛ 1:19-51
Kuu ngia yɨ Yeso ati ʉ ɓombi 2:1—12:50
Maɓisi kʉ 'upipio ngika kʉ Yeso anʉ Yelusalɛma 13:1—19:42
Jʉkana ngia yɨ Yeso akʉ ingyo nʉ ɓwanakɨa ngiangɔ ati ʉ ɓakpataka 20:1-31
Moni kʉ 'upipio nʉ ɓwanɨa ɓata ati ʉ ɓombi anʉ Galilaya 21:1-25
Právě zvoleno:
Yʉanɨ 'Ʉtʉ wʉ moni: BudKoya
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2021, Wycliffe Bible Translators, Inc.