मत्ती 4
4
शैतान द्वारा यीशु मसीह गा अंदजो
(मरकुस 1:12-13; लूका 4:1-13)
1मेटे डी टेमो पवित्र आत्मा नी यीशु के सुनसान जगान साईय्येनेच ताकी शैतान गा वोजीटे यीशु के अंदाजोएच लक्के डा। 2देटेन चालीसो दिन, एठा चालीसो रातो, बिना आटा जोजोम गा उपासो थंदळके, मेटे दियेन आटा रांगेन। #निर्ग. 34:28
3मेटे शैतान नी हेंडो डीचके मंडीके, “अगर आम परमेश्वर गा कोण होय, मेटे इनी घोटाके सोकळा आरु गा हुकूम जे एठा डीके जोमे एठा साबित डे।” 4यीशु नी डीचके जवाब जीके, “पवित्र ग्रंथ गेन ओल्के होय, कोरोनी बस सोकळा टेका बाने, पेनो हर म्या वचन टे जो परमेश्वर गा चाभु टे ओटबा होय, डीके मनातिंजटे जीटाका थंदळवा।” 5मेटे शैतान डीचके चोखरा शहर गेन सैय्येनेच एठा यरूशलेम गा मंदिर गा ठुम्बी लिंजेन टेगेनकेनेच। #लूका 4:9
6एठा दियाटे मंडीके, “अगर आम परमेश्वर गा कोण टासो, मेटे आपना खुदके इटान बोचोटे साबित डे, आमेन घाई बाने चोयाकी पवित्र ग्रंथ गेन ओल्के होय, परमेश्वर हेजा स्वर्गदूतकु के आमके ससाम्भालातिंज गा हुकूम जेबा। एठा दिकु आमके इकुगा टी टे ठुलकोम्बा, ताकी येनोगो बाकी डाऊ कि अमा नंगान घोटा घैय्यु बाकी।” #भजन. 91:11,12 7यीशु नी दियाटे मंडीके, “पवित्र ग्रंथ गेन येनोगो भी ओल्के होय, आम प्रभु आपना परमेश्वर के अंदाजोएच बाकी।” #व्यवस्था. 6:16
8डाबोलटे शैतान डीचके म्या ठायका खाट टुक्की लिंजेन सैय्येनेच एठा सेबाई दुनिया गा राज्य एठा महानता टिपीके। 9एठा डीचनी दियाटे मंडीके, “अगर आम झुकातिंजटे इंजा आराधना डाके टासो, मेटे इंज येटेन सेबाईका आमके जेबा।”
10मेटे यीशु नी डीचके मंडीके, “हे शैतान लेंक्कीन सेने, चोयाकी पवित्र ग्रंथ गेन येनोगो ओल्के होय, आम प्रभु आपना परमेश्वर के नंगा साब्बे, एठा बस दियाका आराधना डाए।” #व्यवस्था. 6:13 11मेटे शैतान यीशु गा मेराटे ओले, एठा डोगे, स्वर्गदूत दियागा सेवा दडा लज्जे।
यीशु गा इथू गा सुरुवात
(मरकुस 1:14-15; लूका 4:14-15,31)
12मेटे यीशु नी इनी आजुम्के कि यूहन्ना बपतिस्मा जिऊमिठाच उठायेन मेना, मेटे देटेन यहूदी जिल्हा के आराटे डीच गलील जिल्हान ओले। 13एठा नासरत शहर के आराटे कफरनहूम पुरान जो समुद्रा गा धुरान डी वोटेनके जो जबूलून एठा नप्ताली गा पीढी टे मिलातिंजके डा ओलेडो थंदळ लज्जे।
14दिकु इनिघल्जी डाएन ताकी यशायाह जो परमेश्वर गा कोनेटे मंडीमिठाच वोजीटे मंडीके डा, देटेन पुराएन होय। 15आपे जो जबूलून जाटो गा हाकगेल्ला मिनी जगान एठा नप्ताली जाटो गा हाकगेल्ला मिनी ओटेन थंदळवा। जो डी कोरान होय, जो गलील समुद्र गा मेरान एठा यरदन गडा पूर्व गा धुरान होय। इनी गलील जिल्हा गा येनोगो जगा होय, येटेन यहूदी जाटो गा बाऊ मिंकू थंदळवा।
16आपे कुरकू जो पापो गा अंधरान सुबानके होय, मसीह गा उजाला चमकातिंजू डोगेवा। मसीह गा उजाला दिकु लिंजेन चमकातिंजे होय, जो डी देशोन थंदळवा, देटेन कुरकू गुजू गा टेमोन के होय। 17डी टेमो यीशु नी अच्छा खाबोर गघाल एठा इनी मंडी सुरुके, “आपे-आपेगा पापो टे मन बदलाए चोयाकी स्वर्ग गा राज्य मेरान हेन होय।”
कास चेलाकूके हाकोके
(मरकुस 1:16-20; लूका 5:1-11; यूहन्ना 1:35-42)
18मेटे यीशु गलील जिल्हा गा समुद्र गा धुराटे इखाट लठ्ठाका बरी डाईकिंज यानेकी शमौन के जो पतरस मंडीवा होय। एठा दियागा डाईटे अन्द्रियास के समुद्रान जाली येंडाटे डोकेनेच। चोयाकी दिकु भूईकु डा।
19एठा यीशु दिकिंजके मंडीके इंजा टाऊटे हेजे, इंज आपेके इथूकोम्बा कि टोनोंगो कुरकू के इंजा मेरान चेलाकू सा होना। 20तुरुटो दिकिंजनी जाली आराटे एठा यीशु गा चेलाकिंज आरोएन।
21यीशु नी थोळासा एठा सम्मान ओले, मेटे डीचनी एठा बरी डाईटे ताकिंज के डोकेकिंज, दिकिंज जब्दी कोंटे याकूब एठा दियागा डाईटे यूहन्ना डा। दिकिंज बार्खिंज इंकिंज बाटे जब्दी गा सेंग्गोन डोंगान जली सुसीटी लक्के डा। 22यीशु नी दिकिंजके हाकोलेकिंज एठा दिकिंज तुरुटो डोंगा इंकिंज गा बाटे के आराटे दियागा टाऊटे चेला आरु घल्जी ओले।
गलील गेन बिमरीकु के ससाजा
(लूका 6:17-19)
23मेटे यीशु एठा दियागा चेलाकू गलील जिल्हा गा घोनेच पुरान ओले एठा दिकुगा आराधना जगान इथू लज्जे, एठा परमेश्वर गा राज्य अच्छा खाबोर गघाल लज्जे। एठा कुरकू का हार रोंगो गा बिमारी एठा लोकोमके लेंक्की नेवा।
24एठा सीरिया देशो गा घोनेचका पुरान दियागा बारेन खाबोर फैलातिंजे, एठा कुरकू नी घोनेच बिमारी कुरकू के सालेकु, जो अलाग्गो रोंगो गा बिमारी एठा कासून पासातिंज्के डा, एठा डेननी भूतोकु डा, एठा मिर्गीमिंकू एठा लाखवा गा रोंगो मिंकूके दियागा मेरान सालेकु, एठा यीशु नी दिकु सेबाईकु के साजाकेकु।
25एठा गलील जिल्हा एठा दिकापुलिस जिल्हा एठा यरूशलेम शहर एठा यहूदिया जिल्हा टे एठा यरदन गडा गा हुधेळेटे कुरकू गा म्या खाट गर्दी दियागा टाऊटे ओले।
Právě zvoleno:
मत्ती 4: GOKNT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
