SEMPANHNAK 3
3
Minung Sualhnak
1Pathian bawnhnak hmuahhmuah lakah rulpui tu a hrokhrawl ber ramsa i. Rulpui in nupang hnenah, “Vuandum songai thingkung pakhatkhat ai a thai ai tuh lo i si tiin Pathian in ning ti peupeu awm?” tiin zawt i.#Thup 12:9; 20:2 2Nupang nu in, “Vuandum songai thingthai hinkhim heh ai thil i ing; 3ikhalselai vuandum laiteng ai umhnak thingthai cenin ai thil lo i ing, zaimantifangin cia thingthai heh ai mah ih; a dai khai dai tuh lo i si, ai le i sikhaw ning thi tuh i,” tiin Pathian in kin ti i,” tiin rulpui khiah ti i.
4Rulpui in, “Ciatihin i lo i, Ning thi tuh hrimhrim lo i. 5Ning ai fangin ning ai nia ah ning mit ning fim tuhai amah Pathian bangin ziang heh thupha le ziang heh thuhnawm ti thiathiamhnak nai tuh i si, ti khiah Pathian in ling manin ning ai siang lo i,” tiin nupang nu hnenah rel i.
6Ciamanin nupang nu in vuandum laiteng ai thingkung a mawidan le a thai ur ngatdan hmu ai fim heh zaitluk daihkul ini, tiin ruat i. Ciamanin thingthai heh loih ai ai i. Cia hnuaah a pasal hnenah pe ai ani inkhai ai ve i. 7Thingthai ai ben sawng fangin amahte mit var sungso ai lingthilhnak nai manin kawngkolh ai um khiah ling dun kawm i. Ciamanin thaihnah khuihnak in hup dun i.
8Cia zan lam ninem fangin Bawipa Pathian heh vuandum ah kawi i. A vak thawm anite in za kawm fangin a hnenin vuandum songai thingrul lakah relh kawm i. 9Ciafangin Bawipa Pathian in mi pa heh ko ai, “Akonah um isi? tiin ti i. 10Cia mipa in, “Vuandum ah na kawi thawm za ai kawngkolh in um manin thin i lau in relh ing,” tiin ti i. 11“Aisu in kawngkolh ai na um khiah na rel i? Thingthai ai malaw i tihnak ai zo isim?” tiin Pathian in zawt i. 12Mipa in, “Kaimah ca na bawnhnak nupang nu in thingthai i pe manin ai ing,” tiin ti i.
13Cen Bawipa Pathian in nupang nu hnenah, “Zaimanin hetihin thil bawn isi?” tiin zawt i. Cen nupang nu in, “Rulpui in i zawl manin ai ing” tiin ti i.#2Cor 11:3; 1Tim 2:14
Pathian Ai Thukhanhnak
14Cen rulpui hnenah Bawipa Pathian in,
“Nupang nu na zawl manin
cawhkuan na pe ing;
Ramsa hinkhim lakah nangmah lekin
he cukcamhnak tuar tuh isi.
Tunai panin a bok in vak tuhai,
Na nun song hmuahhmuah na ai
tuhhnak rong heh laivut tuh ihang.
15Nupang thawn ning raldunruai tuhai
Ning tesinfa tianin ral dun tuh isi.
Na lu na rial tuhai, nang in a kedo
cik tuh isi” tiin ti i.
16Cen Pathian in nupang hnenah,
“Nau na pai fangin harhnak pungzairuai tuh ing,
Nau na nai fangin a urhnak
khangruai tuh ing.
Ciacingin na pasal heh na daih tuh thotho ai,
Na uktu tuh i” tiin ti i.
17Cen Pathian in mipa hnenah,
“Na nupui thu ngai sawn ai,
Ai tuh lo i tihnak thingthai na ai manin,
lairam heh nangmah manin cukcamhnak
tuar zo i;
Na pumcawmhnak ah rimsu harsa in,
Na nunsong hmuahhmuah naper tuh isi.
18laipua in hlingkung hinkhim le
hampa hinkhim po tuh bialbo ai
cialak ai pohnak rong ai tuh isi.#Heb 6:8
19Laivut ai bawnhnak na imanin
laipua ah na cang leh tian,
Na nunhnak ca hlanpui bungkhum in
naper tuh isi. Laivut ai bawnhnak isi ai,
laivut ah na cang leh tuh i,” tiin ti i.
20Cen mipa in a nupui heh minung hmuahhmuah ai nu imanin Eve#3:20 Eve tihnak tu Hebrew in a nung ti thawn a bang dun i. tiin ko i. 21Cen Bawipa Pathian in Adam le a nupui ca saphaw hnikpon bawt ai silruai i.
Adam le Eve Vuandum Pua Ah
22Cen Bawipa Pathian in, “Minung tu a pha le a hnawm thiathiam zo manin kinmah bang cang zo i. Nunhnak thingkung#Thup 22:14ai a thai ai lala in kumzangza in nung mawh ngai,” tiin ti i. 23Ciamanin Bawipa Pathian in minung tu a semhnak laipua vai tuhin Eden vuandum an hnawt i. 24Pathian in minung tu hnawt teu ai nunhnak thingkung hiangah aisu khai kawi ngam thai tuh loin vuandum nisuah lamah Cherubim#3:24 Cherubim tihnak tu ramsa phunkhat, vancungmi bang i. le a tleu zutzo a her thai luihlo mai ralvang dah i.
Právě zvoleno:
SEMPANHNAK 3: RZB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Zanniat Bible © Bible Society of Myanmar, 2018.