MAWOOKIONYI 23
23
Opfu lo Sara
1Kyasia ohendo lo moo fo Sara nyiwe maaka ihana na makumi hawi na mfungade, nyilo ohendo lo moo fo Sara. 2Sara kapfiia kulya Kiriath-arba, nyipfo Hebroni, orukenyi lo Kanaani 3Abrahamu kakure alya handu mnying'a foke fui, kadeda na Wahiti kehamba. 4 “Inyi njii mhenu, njiichumia kunu konu; njiinengenyi handu heṟika wandu kunu konu, hawe nyi hako, njiṟikepfo mnying'a fu foko funjiwuke.”
5Wahiti wakahaluo Abrahamu, wechihamba, 6“Kyeluadanyie wo, Hoi mndumii, nyi iyo ui mndu mnene kiidi kyadu, kekuṟikie mnying'a fo fopfo kiidi kya ṟungu lyo lyose ochikusambuṟia kunu mademenyi hadu heṟika. Kuipfo mndu echikuima dema lyake lyeṟika, ulechiṟikaho mnying'a fo fopfo-pfo.” 7Abrahamu kakure kaarama oshangunyi lo wandu wa oruka lulya, oshangunyi lo wo ko Wahiti. 8Nao kadeda nawo kechihamba, “Kokoya mukundi njiṟike mnying'a fu foko funjiwuke, kenjiadanyienyiwo mukenjiterewia ko Efroni mana o Sohari, 9ke nakunjiinengie opanga lo Makipela lui mṟasenyi fo dema lyake, na nanjiinenge kui wuhuru wucha kiidi kyanu, hawe nyi handu hako heṟika.” 10Nahong'u Efroni nawedamie kiidi kya Wahiti. Efroni Mhiti kahaluo Abrahamu, na Wahiti wechiadanyia, na wandu wose weida na ipfo mongonyi fo mṟi, kechihamba 11“Chi wudopfo, mndumii oko, kenjiadanyia. Dema lilya ngakuinenga, na opanga lulya luiho ngakuinenga; oshangunyi lo wana wa wandu wa wako ngakuinenga, noṟikepfo mnying'afo fopfo.” 12Abrahamu kaarama oshangunyi lo wandu wa oruka lulya. 13Kawia Efroni, na wandu wa oruka lulya wechiadanyia, kahamba, Hoi nonjiadanyie; njechilekia wuhuru wo demalyi, na iyo nowuambie koko, na inyi njechiṟikapfo mnying'a fu foko. 14Efroni kahaluo Abrahamu kambia, 15“Mndumii oko, kenjiadanyia. Kipeṟengu kya teri kya wuhuru wo shekeli tsa pesa mahana haana, nkiki ikyo kiidi kyapfo na inyi? Nahong'u kuṟikiepfo mnyinga-fo fopfo.”
16Abrahamu kaidikia madedo ha Efroni. Abrahamu kainengia Efroni pesa tsilya alemsendia madunyi ha Wahiti, shekeli tsa pesa mahana haana tsa mbaṟi iya wekapa mbucha wekekapa natso mbucha. 17Nahong'u dema lya Efroni liwei kulya Makipela liambuyanyi na Mamre, dema na opanga luweipfo na mashidi hose haweiipfo, shiwei ipfo mṟasenyi njora, shose shikaṟingishio 18ke nyi masaa ha Abrahamu, oshangunyi lo Wahiti, oshangunyi lo iwo wose wekeida kiidi kya mongo fo mṟi foke. 19Kyasia isho shameida Abrahamu kaṟika mka oke Sara kulya opangenyi lo dema lya Makipela iambuyana na Mamre, nyiyo Hebroni orukenyi lo Kanaani. 20Na dema lilya na opanga luipfo shikaṟingishio nyi Wahiti, kee nyi masaa ha Abrahamu handu heṟika.
Právě zvoleno:
MAWOOKIONYI 23: KIM2
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Kimochi Bible © Bible Society of Tanzania, 2016.