MAWOOKIONYI 10
10
Oshari lo Noe
(1Mbo 1:5-25)
1Iki nkyo kishari kya wana wa Noe, Shemu, Hamu na Yafeti. Na kiidi kyawo kukafeo wana wa kisoṟo numa ya mfu fo mṟinga.
2Wana wa Yafeti nyi Gomeri, na Magogu, na Madai, na Yavani, na Tubali, na Mesheki, na Tirasi. 3Wana wa Gomeri nyi Ashkenazi, na Rifati, na Togama. 4Wana wa Yavani nyi Elisha, Tarshishi, Kitimu na Wadodani. 5Kowo njoruka tsa mbai ya mṟinga tsa mkambo ya wandu tsilehawikana tsikawa njoruka tsawo, orio umu kui mdedie foke, kui mbaṟi tsawo, chandu mkambo iya iwekeri.
6Wana wa Hamu nyi: Kushi, na Misri, na Putu, na Kanaani. 7Na wana wa Kushi nyi Seba, na Havila, na Sabta, na Raama, na Sabteka. Na wana wa Raama nyi Sheba na Dedani. 8Kushi kafee Nimrodi, kawooka iwa mndu ai ngohoda orukenyi. 9Nawei ngohoda yelasa mando ha ngeṟenyi, oshangunyi lo Mndumii. Ko ikyo wandu wekehamba, “Cha Nimrodi, ngohoda molasa mando ha ngeṟenyi oshangunyi lo Mndumii.” 10Mawokyonyi ha wuchili woke nyi wokia Babeli na Ereku na Akadi orukenyi lo Shinari. 11Kakure kulya orukenyi kashika Ashuru, kawika mṟi fo Niniwe, na Rehobothiri, na Kala; 12na Reseni, makidi hawi ha Niniwe na Kala, nafo nyi mṟi fung'anyi. 13Misri kafee Waludi, na Waanami, na Walehabi na Wanaftuhi, 14na Wapathrusi, na Wakasluhi, mpfo kundu Wafilisti na Wakaftori wawukie.
15Kanaani kafee Sidoni, mana oke mmbe na Hethi. 16Na Myebusi; na Mwamori na Mgirgashi, 17na Mhivi na Mwarki, na Msini, 18na Mwarvadi, na Msemari na Mhamathi. Numa mbaṟi ya Wakaanani wakahawanyika. 19Mṟasa fo Wakaaanani fuwewokie Sidoni kya wohenda Gerari tane Gaza; na kya wohenda Sodoma, na Gomora na Adma, na Seboimu, tane Lasha. 20Iwo nyiwo wana wa Hamu kui mbaṟi tsawo, na mdedie yawo, orukenyi lowo, kui mkambo yawo.
21Nao Shemu ichu ai ndee o wana wose wa Eberi, na wawaye o Yafeti kafee wana. 22Wana wa Semu nyi Elamu, na Ashuru na Arfaksadi, na Ludi, na Aramu. 23Na wana wa Aramu nyi Usi, na Huli, na Getheri, na Mashi. 24Arfaksadi kafee Sela, Sela kafee Eberi. 25Kukafeo wana wawi wa kisoṟo ipfo, ko Eberi; rina lya ulya mmbee nyi Pelegi, kyamba mafiri halya hake oruka lulehaukana; na rina lya manomae nyi Yoktani. 26Yoktani kafee Almodadi na Shelefu, na Hasarmawethi na Yera, 27na Hadoramu, na Uzali, na Dikla, 28na Obali, na Abimaeli, na Seba 29na Ofiri, na Havila, na Yobabi. Iwo wose nyi wana wa Yoktani. 30Wakakaa wokia Mesha njienyi yehenda Sefari, fumvunyi lya ora lo ngamenyi. 31Iwo nyiwo wana wa Shemu kui mbaṟi tsawo, na mdedie yawo, orukenyi lowo, kui mkambo fowo.
32Itsi nyitso mbaṟi tsa wana wa Noe, kui wufee wowo, mkambonyi yawo, na kipfa kyawo mkambo ikahawikana orukenyi ili numa ya mfu fo mṟinga.
Právě zvoleno:
MAWOOKIONYI 10: KIM2
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Kimochi Bible © Bible Society of Tanzania, 2016.