Mataji 15
15
1-20: Mal. 7, 1-23.
1Neke baho ava-Fwalisaja navakagulihâte, avahuma-mu-Jelusaleme, neke vahegēlelage kwa Jesu neke vavudzage vatigilage:
2Avańigendwa vako vakudzidzumba dza kiki indzimbo, dze vatulekye avavaha visu; pakuva, pe vikōla mukulya ifilyo, vasikalava amavoko. Luk. 11, 38.
3Neke umwene apilusage atigilage: ka uńeńe ululagi lwa Nguluvi muludzumbye lwa kiki pandzimbo dzeńo,
4ndivwene lwe alagye Nguluvi ulwa kuta umuginyage udado nuńoko nulwa kuta: je akumuliga udadye nuńina, ujo je va kufwa.
5Neke uńeńe mwitigila: je ilonga kwa dadye na kwa ṅina itigila: vusembe fyonda ifihuma ukwangu neke mulidzage uńeńe (ńe vavaha), ujo ve ijavwe ulwa kumuginya nudadye nuṅina.
6Kwe kuva mulufufihidze pandzimbo dzeńo ululagi lwa Nguluvi.
7Uńeńe ńe vades’ ańe, agolwise Jisaja, lwe avilile, pe atigilaga:
8„Avanu ava vikunginikila gu mulomo, inumbula dzanavo ve dzidandamye.
9Nuvusembe vwanavo, vwe vitekela, vakwifwa-hidza hela, pakuva ulwiganidzo lwanavo, lwe vikwiganidza, mulomo gwa vanu.“
10Neke baho akilundasage ikipuga kya vanu neke atigilage: mupulihidzage ukwangu, dze ndikuvalongela:
11Mutane ukuta: twihulila umunu ilipumba, utwikwingila mumulomo, hamu utuhuma-mumulomo, twe twene utwihulila umunu ilipumba. 1. Tim. 4, 4; 12, 34.
12Neke baho avańigendwa vakwe neke vahe-gēlelage ukwakwe neke vatigilage: uvavwene ava-Fwalisaja pakukukalalila, uvye ulongile ilidzwi lila, pe valipulike?
13Neke umwene apilusage atigilage: imibiki gyonda, gye asogike udâda kukyâńa, gilakunamulwa.
14Mungavaleka! Vabofwe amîho, kangi visakula ukwilongola ilikasi vabofu navabofu. Neke ngana umubofu amîho akumulongolela ilikasi umubofu mujagwe, vigwila kwigēma ve vavīli. 23, 24; Luk. 6, 39; Lom. 2, 19.
15Neke Petele apilusage neke atigilage: uluhwananidzo ulu ungatuganulila.
16Neke umwene atigilage: humbi najuńe mwave, lusina lutema uluhala?
17Musina mulufika, lwe nigye: fyonda, ifikwingilila pamulomo, fikwikila mwileme, kangi fitagwa kwisoli?
18Neke idzidzovwa pamulomo, dze ńuma-munumbula, dze dzene, idzihulila umunu ilipumba.
19Pakuva amahodza amavîfu gihuma munumbula na ga vuvuladzi nukukina navadala vavene nuvugoni nuvuhidzi nuvudesi namaligo.
20Idzi dze dzilamya umunu, neke idza kulya kitakalava ve munu, idzo dzisilamya nambi.
21-28: Mal. 7, 24-30.
21Neke baho Jesu ukuhuma baho neke atyegelage kumibaka gya ńi ja mu-Tili na mu-Sidono.
22Neke vavonage huju umudala va va-Kenahana ihumila mwe dzibakanye ińi dzidzo ikūta itigila: ve mutw’ ave, ve mwâna va Davidi, ungamyanila; umwalivangu ipumuka kwa Setano.
23Neke umwene dzidzidzi, nambi apiluse limwi. Neke avańigendwa vakwe neke ve vene vahegēlelage ukwakwe neke vamugongolage vatigilage: ve mutw’ ave, ungamu-tavula umudala uju, pakuva, akutudzinga ukuke-mela mumbele.
24Neke umwene apilusage atigilage: nditumilwe hela ku kuṅolo dza muńumba ja Jisilahele, idzijagile. 10, 6.
25Neke baho umudala neke ahegēlelage neke agwidzage pasi neke atigilage: unange, ve mutw’ave.
26Neke baho Jesu apilusage atigilage: si kunofu nda ukutola ifŭka ja vâna neke ndisopelage imbwa.
27Neke umwene umudala neke atigilage: ulo hulo, mutw’ ave, napo kangi imbwa dza dzihola utuvuluvulu, utwilagala mufililo, fye vilila avatwa vadzo.
28Neke baho Jesu apilusage kwa mudala atigilage: ve mudal’ ave, ulufuvo lwako lukomi! Lwe ukagulwime ndikutavulye. Neke baho umwalive aponelage pasala jijo. 8, 10. 13.
29Neke baho Jesu ukuhuma baho neke ahelelage kuńandza ja mu-Galilaja, neke akînukilage kukidunda neke pe akikalage. Mal. 7, 31.
30Neke baho ifipuga ifyolofu neke fihegēlelage ukwakwe neke vamuletelage avakitagenda navalem’-imivili navabofu amîho navakitadzova navańa-fitamwa ifyolofu ifingi neke vagwidzage pasi mumagulu gakwe. Neke umwene avananyage vonda.
31Neke ililugu lya vanu neke lidzumage, pakuva lyavwene avakitadzova vidzova, avalem’-imivili vipona, avikwińīluka ukugenda vigenda, avabofu amîho vilola. Neke vamulumbage Nguluvi va vakina-Jisilahele. Mal. 7, 37.
32-39: Mal. 8, 1-10.
32Neke baho Jesu avakemelage avańigendwa vakwe neke atigilage: ulusungu luhevile unene pavanu ava. Ngita vahwe najo apangu apa ifigono fidatu kitalya kinu; sindikuvatavula kitahōswa, ene vuli gulatovaumusăle muṅasi. 14, 14.
33Neke baho avańigendwa vakwe vatigilage: tukufivona kwi ifilyo muluṅalaṅala muno ifya kuvahosehedza avanu ililugu ili?
34Neke Jesu avavudzage atigilage: uvugali muli navo vulingi? Neke avene vatigilage: vuli mufúṅàti nutusomba tumwi.
35Neke umwene alongage kulilugu atigilage: mwikale pasi.
36Neke baho inulage uvugali vuli mufúṅâti nutusomba tuto neke ahongedzage neke baho ameguliṅasage neke avapelage avańigendwa vakwe neke avene vapelanidzage kuvanu.
37Neke baho validzage neke vigutage. Neke baho valundasage utuvuluvulu, twe valagadzaga, neke tumemage ifihivi fili mufúṅâti.
38Neke avene, avalidzaga, pamivalile kitavala navadala navâna vali vańa-mbilima dzitaji (4000).
39Neke baho, pe avatavwe avanu ikipuga, neke ingilage muvwâto neke alungamilage ku-ńi ja mu-Magadala.
Právě zvoleno:
Mataji 15: II
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
New Testament in Bena © Bible Society of Tanzania, 1958.
