Mataji 12
12
1-8: Mal. 2, 23-28; Luk. 6, 1-5.
1Pamwâka gugo pakigono kimwi Jesu neke ahumanidzago ilikasi lya pamigunda gya vuledzi, pali pańwabaha, neke avańigendwa vakwe vavonage vadagine neke vapululage ińodzo neke validzage.
2Neke pe valuvwene ulu ava-Fwalisaja neke vatigilage: lolage avańigendwa vako vigendela ululi mwî-ko pakulugendela pańwabaha.
3Neke umwene apilusage atigilage: musiluvwene ponu muhâte lula, lwe agendye Davidi, pala pe avye adagine indzala na ju mwene na ve fyali lumwinga?
4Pe ingilaga muńumba ja Nguluvi neke alidzage uvugali uvutekele, uvwali mwîko ukuvulya na jujo na ve fyali lumwi, uvwa-iivwaga ku kuvatekedzi vene?
5Neke uńeńe musidzi-vwene pahâte ja milagililwe idza kuta: sijivedza nôngwa kuvatekedzi pańwabaha, nde vavedzage vidzumba ińwabaha?
6Neke unene ndikuva-vûla nditigila: pwali baha, je alutye na kuńwabaha!
7Neke mukali mulukagulage ulwitigila: unene ndisakula lu lupyana, sindisakula amasembe, apo musikali muvalonga fivi avadzila-nôngwa ava. 9, 13.
8Na kuńwabaha mutwa vajo ju mwâna va munu.
9-14: Mal. 3, 1-6; Luk. 6, 6-11.
9Neke ukuhuma baho neke ingilage muluholanilo lwanavo.
10Neke amuvonage mumo umunu umuńa-livoko ilyabodzine; neke baho avene vamuvudzage vatigilage: mwîko vona ukumunanya urnunu pańwabaha? Pakuva vatigilaga, mwe tuluvonelage ulwa kumuvulilila. Luk. 14, 3.
11Neke umwene apilusage neke atigilage: uńeńe ndevye muvye vuli, nani umunu, je ali najo iṅolo jakwe jimwinga, neke ngana jigwilye muvwina pańwabaha, vona akujileka mumo muvwina? Asihelela mukujihumya ikigono kikyo?
12Neke umunu asilutye uvutalamu na kuṅólo? Neke lino unene nditigila: si mwîko hamu, ukulima inofu pańwabaha. Luk. 14, 5.
13Neke baho amuvūlage umuńa-livoko neke atigilage: ugolosage ilivoko lyako! neke umwene aligolosage. Neke baho ilivoko lyakwe lidzukage lino. fu, ndevye lyali ilijagwe.
14Neke baho ava-Fwalisaja neke vahumilage pivala neke viganisage ulwa kumuvulagila. Joh. 5, 16.
15Neke Jesu, pe aluvwene ulu, neke atyegage baho. Neke vamuninilage avanu ikipuga, neke umwene avahōsage avatamwa vonda. Mal. 3, 7-12.
16Neke adzidzage mbandu ukuta mutane ukumŭlisa unene. 8, 4.
17Kwali kwe kuta lwivonesage, lwe avilile umuvidzi Jisaja, je itigila:
18„Lolage, je mwâna vangu umuhāgulidze, umwênde vangu, je gumukelye na gu mutima gwangu, ndivika umubepo vangu apakwe, je aladalika kuva-pivala imihigile. 3, 17.
19Umwene asilalwa na jungi, asilajōjaga, nilidzwi lyakwe asilapulika nambi jumwinga paluva-lagati.
20Nuludete ulufŭdzwike umwene asilakungula, nakôto akajengelye asiladzimya; tândi umwene alagifisa imihigile kuluteludzo.
21Ilitavwa lyakwe valalihuvila nava-pivala.“
22-45: Mal. 3, 22-30; Luk. 11, 14-26. 29-32.
22Neke baho vamuletage ukwakwe umunu, je ali numubepo umukali, na ga mîho ali mubofu, nukudzova ali kitadzova, neke baho amunanyage umwene Jesu. Neke baho umunu, je ali kitadzova, neke adzovage, neke nukulola alolage.
23Neke baho avanu vonda neke vogopage neke vatigilage: muswamuve va Davidi vona mwen’uju?
24Neke avene ava-Fwalisaja vatigilage: mutane ukutigila umunu uju ikugilosa hela imibepo imikali, ndâla, ikugilosehedza mwa Belesebulu, umamavo va mibepo imikali. 9, 34.
25Neke baho Jesu, avye aluvwene, lwe vahodzaga mwileme, neke avalongelage neke atigilage: vonda uvutwa, ngana vwigalukye vu vwene, apo vukwitilanga. Fyonda ṅani, nde jivedzage kâja, nde jivedzage ńumba, ngana jigalukye ji jene, apo sijivedza kâja nda.
26Neke na ju Setano, ngana akumuhedza u-Setano umujagwe, apo vivedza vigalukye va vene ṅani, apo uvutwa vwakwe vulîma ndavuli?
27Neke ngana unene ndilosehedza imibepo imikali mwa Belesebulu, apo uńeńe avâna veńo vilose-hedza mwitavwa lya nani? Kye valaleka vavakĕlelage va vâna veńo.
28Neke ngana unene imibepo imikali ndikugi-losehedza mwa mubepo va Nguluvi, apo uńeńe kwe kuva uvutwa vwa Nguluvi vuvafikile ndakyene. 1. Joh. 3, 8.
29Nani je akali ingile muńumba ja muńangufu mukupupa ifyakwe, pe asina āvikwa umutendzi? Kiba ngana āvikwe, apo nifyakwe, ifili muńumba, filapupwa.
30Je tusili pamwi nani, ujo tuli vukava, neke je asikunanga pakuholasa, ujo ipalanga. Mal. 9, 40.
31Kye ndilesile nditigilage: nindzanangifu nidza vulongafivi, idzo valavodzwa, neke idza kumulonga fivi umubepo, idzo avanu vasilavodzwa. Heb. 6, 4. 6; 10, 26; 1. Joh. 5, 10.
32Neke je akumuliga umwâna va munu, idzo dzili vuvodzo, neke je akumuliga limwi u-Mubepo umwîmike, idzo dzisili vuvodzo nabaha nakula. Luk. 12, 10; 1. Tim. 1, 13.
33Umubiki, gwe vitigila muńofu, na fye gwivele-ka finofu, neke ngana mwitigila umubiki muvîfu, na fye gwiveleka fivedza fivîfu; ndivwene imibiki gyonda umunu akugika-gulila fye giveleka. 7, 17.
34Ńe kipelela kya ndzok’ańe, muka mudzilonga ndavuli inofu, kuno uńeńe ve muhalwike. Ndivwene umunu pakulonga umulomo, ikeledza idzimemile munumbula. Luk. 6, 45.
35Umunu umunofu isakula inofu, kwe alundahidze inofu, neke umunu umuhaluka isakula vu vuhaluka, kwe alundahidze ińaluka.
36Unene ndikuvaviila nditigila: amadzwi gonda amavîfu, ge vilonga avanu, galadădālulwa limwi-limwi pakigono kya ktihigwa.
37Ndivwene ulapugulila mumadzwi, ge vwalongile juve, ve munu, neke nukudădila uladădilila mumadzwi, ge vwalongile juve.
38Neke baho avakagulihâte nava-Fwalisaja neke vapilusage kwa Jesu vatigilage: ve mululem’ ave, tugulwime ukwako kilóle. 16, 1.
39Neke Jesu apilusage atigilage: avanu ava avahaluka ava, avańa-vugoni ava visakula kilóle. Vasikivona kilóle nambi kimwi, ki kila kyene, ikyali na Jona umuvidzi, kye vakukivona kikyo.
40Ulwa kuva ndevye Jona agonile mwileme lya somba imbina ifigono fidâtu nifya mûńi nifya kilo, na ju mwâna va munu alagitwa ndesi, alavedza mwileme lya ńi ifigono fidatu nifya mûńi nifya kilo.
41Neke avanu avamu-Ninive valimanila navanu avalino ava pakigono ikya kuhigwa neke valavadădidza, pakuva avene vapelile, pe avye Jona avadalikye inôngwa; pakuva je ăli baha, je mukomi na kwa Jona.
42Umutwa umudala jula, je ahumile kuńi ja kuvwêhe, alimanila navanu avalino ava, alavadădidza pakigono kya kuhigwa, pakuva umwene ahumile kuvwapulilo vwa ńi, adzile mukupulika uluhala lwa Salomo; vonage je ălibaha, je mukomi na kwa Salomo.
43Neke ngana umubepo umukali guhumile kwe munu, apo gwisela ponda-ponda na pandzila-lulenga gwisakula pavupo-lelo, neke ngana gusiku-pavona nambi ponu,
44apo swe gwitigila: ndipilukile, kwe ndikahe-gile kuńumba jangu, je ngivujila. Neke ngaua gupilwike, gwivona munofu, mufyagile, munodze.
45Apo swe gwihelela mukwinula imibepo imikali imijagwe gihanu nagivili, igilutye uvukali na kugwene. Neke ngana gingye, apo givujila mumo, neke umunu jujo pakugaluka alutilage na lwe agendelaga pamwandi. Lulavedza ndesi nakuvanu avalino ava avahaluka ava. 2. Pet. 2, 20.
46-50: Mal. 3, 31-35; Luk. 8, 19-21.
46Neke baho, pe ali mukulonga nikipuga kya vanu, avalundine baho, neke baho vavonage nuṅina navanakwavo vimile kumigongo gya fipuga, vatigye tulongane nave. 13, 55.
47Neke amuvūlage umunu jumwi neke atigilage: nuńoko navanakweńo nga hava vimile baha, vatigye mulongane naveve.
48Neke umwene apilusage kwa je amuvūlaga neke atigilage: je nani ujûva, je nani umuńa-lukolo? Luk. 2, 49.
49Neke baho asonage kuvańigendwa vakwe neke atigilage: unene ava pano nujûva navańa-ṅolo vangu.
50Ndivwene je igendela, lwe akelye udâda kukyâńa, apo je munuńu-vangu, je muhadzavangu, je jûva unene jujo. Lom. 8, 29.
Právě zvoleno:
Mataji 12: II
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
New Testament in Bena © Bible Society of Tanzania, 1958.
