Mataji 10
10
1-16: Mal. 6, 7-13; Luk. 9, 1-5.
1Neke baho avomolage avańigendwa vakwe avańikyumi navavili neke avapelage uvutavulilwe nuvwa kulosehedza imibepo imikali nuvwa kuho-sehedza ifitamwa fyonda nuvutenda vonda.
2-4: Mal. 3, 14-19; Luk. 6, 13-16; Joh. 1, 40-49; Apos. 1, 13.
2Agene amatavwa ga v-Apositili, avali vańikyumi navavili, ge aga: umulongodzi je Simono, je itambulwa Petele ilipelwa, na Andeleja, umunuṅuve, na Jakovo umwa-Sebedaja na Johana, umunuṅuve, Apos. 1, 13.
3na Filipu na Balatolomaja, na Toma na Mataja, umuhakipembe, na Jakovo umwa Alifwaja na Lebaja, je itambulwa nilya Tadaja,
4na Simono uvamu-Kana na Juda u-Jsikalyoto, je amudumukye pambele umutwa.
5Neke avańikyumi navavili ava neke Jesu avatumage ilikasi neke avalagilidzage atigilage: mutane ukulegukila kwikasi ilingi ilihelye kuva-pivala, mutane ukudzikwingila muńumba ja va-Samaliti,
6muhelelage kuṅolo idzijagile idza muńumba ja Jisilahele. 15, 24; Apos. 13, 46.
7Muhelelage neke mukadalikage lu lwa kuta: uvutwa vwa kukyâna vuhegēlye. 4, 17; Luk. 10, 9.
8Mukavahōsage avatamwa mukavadzulubusage navafwe, mukavatele-dzage navańa-kińa-muvili, mukagilosage nimibepo imikali. Lolage mwanukye hela uńeńe, nukupēla mupēlage hela. Apos. 20, 33.
9Mutane uvusafi vwa sahabu nuvwa fesa nuvwa fidzĕlu, ukuta muvikage mubukuli.
10Mutane nukufuka ifuka ja pikasi, nimisopeka gyeńo gitane ukuva givili, mutane nukufwala indāto uńeńe nulukwêgo mutane ukukolela. Ndivwene umuńa-malimo pavagye vamupelage nifilyo fya kuponela. Luk. 10, 4; 1. Tim. 5, 18.
11Ngana mudzifikile mukâja jimwi, nde jivedze ngomi nde jivedze naṅi, mwe mukatandzage mumo, ngana mwali je avagye, apo mugonedzage pa pakwe ukufika pamihegele gyeńo.
12Pe mwikwingila muńumba, muvahungilage avańa-ńumba. Luk. 10, 5. 6.
13Neke ngana vavagye, apo ulutengamaso lweńo, lwe muvahungilye, luku-vagwilaga avańa-ńumba jijo. Neke ngana vasivagye, apo ulutengamaso lweńo lulapilukilaga kwe ńe yenenalo.
14Ngana muvwene vasikuvanukila nukupulika vasikudzipulika, dze mwilonga, apo mukahume na muńumba janavo mukajepe na ji kâja jonda, mukapumune na ka kafuna ka mundzaho dzeńo. Luk. 10, 10-12; Apos. 13, 51; 18, 6.
15Ndakyene ndikuvavula unene nditigila: pakigono kila, pe jilava jihigwa, apo idza va mu-Sedomo nidza va mu-Hamola dzilavedza ṅefu ku dza kâja jijo. 11, 24; Luk. 20, 47.
16Lolage lino, pe ndi-kuvatuma, ndikuvatuma ngita ṅolo, idzihandziṅana namakekeva. Muvedzage nuluhala ngita ndzoka, kangi muvedzage muli vagaja-lunu ngita ngundya. Luk. 10, 3; Lom. 16, 19; Ef. 5, 15. 17-22; Mal. 13, 9-13; Luk. 21, 12-17.
17Mwilembage avanu, ndivwene valavasevulila kululundano lwa vahĭdzi, valavatovela ulufîmbo muńolanilo dzanavo. 24, 9.
18Valavakwegela na kuvandzigila na kuvatwa, valavakwegela lulo, ulwa kuva muli vangu june. Dzilavedza dza kuvolelela navavo nava-pivala. 24, 14; Apos. 25, 23; 27, 24.
19Neke ngana muvwene vikuvafunga ndesi, apo mutane ukwiganya, ukuta tulalonga vuli, tulalonga luki? Ndivwene umutwa alavapēlelela pasala jijo idza kulonga. Luk. 12, 11. 12.
20Ndivwene uńeńe musilalonga, hamu ju Mubepo va dadeńo, je alalongela umweńo. 1. Kol. 2, 4.
21Neke navali kyanamunu valikwegela vavo vene mukwisindika kuvuvuladzi neke udadye alamutegulila umwâna kuko ndesi neke navâna valavagalukila avavaha vanavo pakuvavŭlaga. v. 35.
22Vonda avanu valavanuńa uńeńe ulwa litavwa lyangu. Neke umunu, ngana akwigugumihidza mulidzwi lyangu ukufika kuvwapulilo, ujo alapona. 24, 9. 13.
23Neke ngana muvwene vakuvafwima mukâja iji, mukimbilile mukâja ijingi, pakuva unene ndikuvavula ndakyene nditigila: umwâna va munu aladzila, na pe musina mwapula ikâjadza vakina-Jisilahele idzi. 16, 28.
24Umwîgila asilutila kwa mwiganidzi vakwe uvukomi na ju muvanda asilutilauvukomi kwa mutwa vakwe. Luk. 6, 40; Joh. 13, 16; 16, 20.
25Neke ngana umwîgila ategine numwiganidzi vakwe, apo ve apedzidze, neke ngana na ju muvanda vategine numutwa vakwe, apo ve mupedze nave. Neke ngana umuńa-ńumba vikumutambula ilya Belesebulu, apo vavangidzage ndavuli avali muńumba jakwe? 12, 24.
26-32: Luk. 12, 2-9.
26Neke uńeńe mutane ukogopa, ndivwene tonda utuvilatile tulavilatulwa neke tonda utwa kińele tulasevulilwa pavuvalafu. Mal. 4, 22; Luk. 8, 17.
27Dze ndikuvalongela mukîsi, idzo mudzilongelage palumuli, na dze mwipwepelwa mumatwi, idzo mukole pakudzidalika, pe mudegembye pakyâńapa-ńumba.
28Neke avivŭlaga umuvili gwene, umutima gu-valemile pakuguvŭlaga, avo mutane ukuvogopa; le mumogopage je adzelye nukufitipulila kumôto fyonda numutima na gu muvili. Jak. 4, 12.
29Umunu asigula isodzi dzivili nakahela kamwinga? Napo jisilagwa nambi jimwi, pe asina ajitavula udadeńo kukyâńa.
30Neke uńeńe kwa mwene na dzi fwili dza kumutwe dzivalilwe.
31Apo mutane ukogopa uńeńê, mulutye na kusodzi indzolofu pavutalamu uńeńe.
32Neke je akwilonga ukwangu, pe vipulika avanu, itigila: ndimukagwe, apo najune ndililonga ukwakwe, pe ipulika udâda kukyâńa, ndilatigila: ndamudzelye najune.
33Neke ngana idumuka ukwangu, pe vipulika avanu, apo najune ndila-dumuka ukwakwe, pe ipulika udâda kukyâńa. Luk. 9, 26.
34-36: Luk. 12, 15-53.
34Mutane ukuta unene ndadzile mukuleta ulutengamaso kwen’eńi kuno; sindadzile mukuleta ulutengamaso, hamu ndiletile amagoha.
35Pakuva ndadzile pakuvagalusa avanu: umuswamuve ndikumugaluhidza kwa dadye, umwalive kwa ṅina, umukamwanave kwa ńinafyala.
36Neke navifugwa muńumba ja mwene, vihambukaga vatavangwa vakwe.
37Neke je avendile udadye nuṅina neke aluti-dzage na lwe andzendile unene pakuvenda, ujo ukwangu asivagye lukasila. Kangi na je avendile numuswamuve numwalive, ngana alutidze pakuvenda na mwe andzendile unene, ujo ukwangu asivagye lukasila. Luk. 14, 26. 27.
38Neke je asińamula ikipindulihidzo kyakwe neke abihile ukuninīla ukwangu, ujo ukwangu asivagye lukasila. 16, 24. 25.
39Neke je akugunanya umutima gwakwe, alambudza umutima gwakwe; neke je ikwambuhidza umutima gwakwe apangu, ujo aiagunanya. Luk. 17, 33; Joh. 12, 25.
40Kwe mwikwanukilwa uńeńe, ndanukilwe june, kwe ndikwanukilwa unene, anukilwe, je anumile unene. 18, 5; Luk. 10, 16; Joh. 13, 20.
41Neke je akumwanukila umuvidzi ulwaitavwa lya muvidzi, je alahombwa uluhombo lwa muvidzi; neke na je ikumwanukila umugolofu ulwa itavwa lya mugolofu, je alaho-mbwa uluhombo lwa mugolofu.
42Neke ngana jumwi amuńwesidze umunaṅi jumwinga ululenga uludzi-dzimu mukahava, ngana amuńwesidze hela ulwa itavwa lya muńigendwa, ndakyene ndakyene unene ndikuvavula nditigila: ifya kuhombwa asilalemwa umwene. 25, 40; Mal. 9, 41.
Právě zvoleno:
Mataji 10: II
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
New Testament in Bena © Bible Society of Tanzania, 1958.
