Johana 3
3
1Neke lino baho ali pwali umunu jumwi umu-Fwalisaja, u-Nikodeme, umundzagila va nôngwa va va-Juda. 7, 50; 19, 39.
2Neke adzage kwa Jesu pakilo neke atigilage: ve labi, tukudzelye ukuta vwi mwiganidzi vwi muhuma kwa Nguluvi, tuvwene vonda vilemwa ukuvonesa ifilŏle, fye vwa vwivonesa uveve, ngana asitangwa kwa Nguluvi.
3Neke baho Jesu apilusage atigilage: ndakyene ndakyene unene ndikukulongela nditigila: umunu, j’asiholwa kangi, ilemwa ukuvuvona uvutwa vwa Nguluvi. 1. Pet. 1, 23.
4Neke Nikodeme alongage atigilage: iholwa ndavuli umunu, ngana mugogolo? Asilemwa pakupilukila kangi mwileme lya ṅina neke aholwage?
5Neke umwene Jesu apilusage neke atigilage: ndakyene ndakyene unene ndikukulongela nditigila: ngana umunu asiholwa na kululenga na kwa Mubepo, apo ilemwa ukwingila muvutwa vwa Nguluvi. Ef. 5, 26; Tit. 3, 5.
6Ikiholwa kuńama ja muvili nakyo ńama ja muvili ndesi, neke ikiho-lwa kwa Mubepo nakyo mubepo. 1, 13.
7Utane ukudzuma, lwe nigye: mwi vańa-kuholwa kangi.
8Imepo jipula ponda, pe jikelye ji jene, ve munu vwipulika ki kyujililo, neke kwe jihumile na kwe jikŏla, usikujikagula nda. Neke navaholwa kwa Mubepo vali ndesi vonda.
9Neke baho Nikodeme apilusage neke atigilage: idzi ndihodza ndilemwa.
10Neke umwene Jesu apilusage neke atigilage: ve mwiganidzi va va-Jisilahele uveve, kangi usi-kudzifika idzi?
11Ndakyene ndakyene unene ndikukulongela nditigila: unefwe twilonga, lwe tuludzelye, twikōlela, dze tupulike. Kangi uńeńe, dze twikōlela, musikudzanukila. 7, 16; 8, 26. 28.
12Neke lino ulwene ngana musifuvwa, pe ndikuvalongela idza mu-ńi muno, apo muladzifuvwa ndavuli, pe ndilava ndivalongye idza kukyâńa?
13Asinwike jungi kukyâńa hamu, jujo je ikile kukyâńa, umwâna va munu, [j’agendaga kukyâńa]. Ef. 4, 9.
14Ndevye Mose inusaga indzoka muluṅalaṅala, na ju muswamuve va munu muńa-kwinuswa ndesi,
15ukuta vonda, avifu-vwa, vavuvonelage apakwe uvûmi vwa mbêpali.
16Ndivwene Nguluvi ajendile mbandu ińi, kye alesile atavulage umuswamuve umuńa-kimwinga, ukuta vonda, avakumufuvwa, vatanage ukujaga, nda hamu, vavedzage nuvûmi vwa mbêpali. Lom. 5, 8; 8, 32; 1. Joh. 4, 9.
17Ndivwene Nguluvi asimutumile umuswamu-ve mukuta ajihigage ińi, nda amutumye lu lwa kujipoka ińi. 12, 47.
18Neke umuńa-kufu-vwa ukwakwe, nukuhi-gwa asilahigwa; neke je asikumufuvwa, ujo ahigilwe lulo, lwe asikuli-fuvwa ilitavwa lya muswamuve va Nguluvi umuńa-kimwinga. v. 36; 5, 24.
19Avanu, pe vavwene lwadzile ulumuli ku-ńi kuno, neke valutilage ukukikyenda ikîsi na kulumuli, lwe luhigilo lulo, vavwene amalimo ganavo mahaluka. 1, 5. 9-11.
20Ndivwene vonda, avilima ińa-vuhulo, ve vene avakulusula ulumuli, nukuhelela vasihelela kulumuli, ukuta lutane ukutugomedza ulumuli, lwe twilima. Ef. 5, 13.
21Neke avene, avilima ukoluli, ve vene, avihelela na kulumuli, ukuta amalimo ganavo gasikukage, pakuva galimililwe mu mwa Nguluvi.
22Neke kumbele ku idzi neke baho Jesu navańigendwa vakwe neke vahelelage ku-ńi ja mu-Judaja, neke akadzōvelage kuko neke avadzabikage navanu. 4, 1. 2.
23Neke na ju Johana nave ali pel’adzabika mu-Enono, ijifudiṅine nija Saleme, pakuva ululenga lwali lolofu kuko. Neke avanu neke vakuludzu-kilage kuko mukudzabikwa.
24Avwene u-Johana asana adindilwa mundinde. Mat. 14, 3.
25Neke baho vakananilage ulukani lwa luhogofyo navańigendwa va Johana numugosi umuhuma-ku-Judaja.
26Neke baho vitegulage kwa Johana neke vatigilage: ve labi, umunu jula, je mwavedzise imwambu kula ku-Jolodana, jula je vwamolekaga, lolage lino nave idzabika neke vonda vikamila ku kwakwe. 1, 26-34.
27Neke apilusage u-Johana neke atigilage: umunu ilemwa ukwanukila ulunu, nga asipelilwe uluhuma-kukyâńa. Heb. 5, 4.
28Ulo mukuṅanila najuńe, lwe ndatigye: unene si ndili Kilisiti, unene numilwe hela, ukuta ndimu-longolelage ju mwene. 1, 20. 23. 27.
29Je ali nave umufu-ndīlile, je muńa-mudala jujo; neke lino umwibasi va muńa-mudala, pe imile pe ipulika, apo ikēla mbandu, pe alipulike ilidzwi lya muńa-mudala. Neke ulukēlo ulu, lwe lwene lwe lududzidze najune lino. Mat. 22, 2.
30Umwene avagye akage, unene mbagye ndzengēlelage.
31Neke je ahumile kukyâńa, je alutye kuvonda. Neke lino je ahumile ku-ńi kuno, ujo va mu-ńi hela. Neke umwene, je ahumile kukyâńa, alutye kuvonda. 8, 23.
32Neke umwene, na dze adzivwene na dze apulike, dze dzene dze ikolela. Neke pehela umunu, je akuvwanukila uvolesi. v. 11.
33Neke ngana ikwanukila uvolesi, ujo aluka-ngidze ulwa kuta, Nguluvi va koluli.
34Ndivwene je atumilwe kwa Nguluvi, na pakulonga ilonga indzovo dza Nguluvi. Ndivwene u-Mubepo asigelela ikigelelo pakutavula. 1, 33. 34
35Udadye amwendile umuswamuve neke amutavulye fyonda mwivoko lyakwe. 5, 20; Mat. 11, 27.
36Neke je ifuvwa kwa muswamuve, ujo ali navo uvûmi vwa mbêpali; neke je ibeda kwa muswamuve, ujo asilavuvona uvûmi, hamu ujo iṅaladzi dza Nguluvi dzilikalaga pa pakwe. v. 18.
Právě zvoleno:
Johana 3: II
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
New Testament in Bena © Bible Society of Tanzania, 1958.
