Itanguriro 23
23
Sara apfuye, Aburahamu agura isenga yo kumuhambamwo
1Sara yamaze imyaka ijana na mirongwibiri n’indwi: iyo ni yo myaka Sara yamaze. 2#Ita 13:18.Sara araheza apfira i Kiriyati‐Araba (ari ho Heburoni), mu gihugu c’i Kanani: Aburahamu aza kuririra Sara, no kumuborogera. 3Aburahamu ava hasi, ava i ruhande y’ uwo muvyimba, abgira Abaheti, 4#Zab 105:12; Ivyak 7:5; Heb 11:9.ati Jewe ko nd’akavantara n’inyambukīra muri mwebge; none ni mumpe i wanyu aho nokwīzīzira ho guhamba, kugira ngo mpambe umuntu wanje amve mu maso. 5Abaheti bishura Aburahamu, 6#Ita 13:2; 14:14.bati Mugenzi, n’utwumve: ur’ umuntu ahambaye cane muri twebge; mu masenga yacu duhambamwo, iyo wohitamwo yose abe ari yo uhambamw’ umuntu wawe: nta wo muri twebge yokwima isenga yiwe, ngo woye guhamba umuntu wawe. 7Aburahamu ava hasi, yikubita imbere ya ben’ igihugu, ari bo Baheti. 8Arababgira, at’ Asangwa mwemeye ko mpamba umuntu wanje ngw amve mu maso, ni muntabare, munyingingire Efuroni mwene Sohari, 9ampe isenga y’i Makipela afise, iri ku mpera y’itongo ryiwe; ayingurire hagati yanyu ibiguzi bikwiranye biyiciye, habe aho nīzīziye, ho guhamba.
10 #
Ita 34:20; Rus 4:1, 4. Nuko Efuroni yari yicaye hagati mu Baheti: Efuroni Umuheti abarira Aburahamu, Abaheti bumva, bo n’abariko baraca mw irembo ry’igisagara cabo bose, 11#2 Sam 24:20-24.ati Mushingantahe, oyaye, enda umviriza: iryo tongo ndariguhaye, bo n’isenga irimwo ndayiguhaye; mbiguhereye imbere y’ubgoko bgacu: hamba umuntu wawe. 12Aburahamu yikubita imbere ya ben’ igihugu. 13Abarira Efuroni, ben’ igihugu bumva, at’ Enda se ndakwinginze, nyumviriza! ndaguha igiciro c’iryo tongo; emera nkiguhe, mpahambe umuntu wanje. 14Efuroni yishura Aburahamu, 15#Kuv 30:13.ati Mushingantahe, ni wumve: non’ agatongo gaciye shekeli z’ifeza amajana ane konteranya nawe? nuko hamba umuntu wawe. 16#Yer 32:9.Aburahamu yumvise ivya Efuroni, amugerera ku munzane za feza yaciriye, Abaheti bumva, shekeli amajana ane z’ifeza, kimwe n’izo abadandaza bācurūza.
17Nukw iryo tongo rya Efuroni ryar’ i Makipela, aharābana n’i Mamure, bo n’isenga yarimwo, n’ ibiti vyose vyari mur’ iryo tongo birizengutse impande zose, vyegukira Aburahamu 18kuba aho yīzīziye, imbere y’Abaheti no mu maso y’abaca mw irembo ry’igisagara cabo bose. 19Ivyo biheze, Aburahamu aca ahamba Sara umugore wiwe mur’ iyo senga yo mw itongo ry’i Makipela, aharābana n’i Mamure, (ari ho Heburoni), mu gihugu c’i Kanani. 20#Rus 4:7-10; Yer 32:10, 11.Nukw iryo tongo n’iyo senga irimwo, Abaheti barabirundura ngo Aburahamu ahegukire kuba aho yīzīziye ho guhamba.
Právě zvoleno:
Itanguriro 23: RUN1967
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bibliya Yera © Société Biblique du Burundi, 1967