Mwa 2
2
1Kwoou ũu nĩw'o ĩtu na nthĩ na syĩndũ ila syĩ nthĩnĩ wasyo syaminie kũmbwa. 2#Aevl 4.4,10 #Kuma 20.11 Mũthenya wa mũonza ũivika, Ngai nĩwaminĩte wĩa w'onthe ũla watethasya, na kwoou nĩwathũmũie mũthenyanĩ ũsu wa mũonza ĩtina wa kũtethya wĩa ũsu w'onthe. 3Ngai nĩwaathimie mũthenya wa mũonza na aũvatha wĩthĩwe wĩ mũtheu, nũndũ mũthenyanĩ ũsu nĩwathũmũie ĩtina wa kũtethya wĩa wake w'onthe wa kũmba syĩndũ.
Ũelesyo ũngĩ wa ũndũ Nthĩ na Syĩndũ Syoombiwe
4Ũũ nĩ ũelesyo wa ũndũ ĩtu na nthĩ syoombiwe. Ĩvindanĩ yĩla Mwĩai Ngai woombie ĩtu na nthĩ, 5vayaĩ mũmea o na ũmwe ĩũlũ wa nthĩ, na vayaĩ mbeũ yaĩ ĩnamba kũmea, nũndũ Mwĩai Ngai ndaĩ anamba kusya mbua. O ta ũu vayaĩ mũndũ wa kũĩma. 6Ĩndĩ kĩw'ũ nĩkyaumaa na nthĩ kĩkanyithya kĩla vandũ ĩũlũ wa nthĩ.
7 #
1Ako 15.45
Mwĩai Ngai nĩwoosie mũthanga kuma nthĩ na oomba mũndũ-ũme kuma mũthanganĩ ũsu. Nĩwamũveveeie manyiũũnĩ veva wa thayũ na mũndũ-ũme eethĩwa thayũ.
8Mwĩai Ngai nĩwaseũvisye mũũnda ngalĩko ya wumĩlonĩ wa syũa vandũ vetawa Eteni, na vau nĩvo waiie mũndũ ũsu woombie. 9#Ũvu 2.7; 22.2,14 Mwĩai Ngai nĩwatumie mĩtĩ ya kĩla mũthemba ĩmea ĩũlũ wa nthĩ; mĩtĩ myanake ĩsyaa matunda maseo ma kũya. Katĩ wa mũũnda ũsu vaĩ mũtĩ wa kũnengane thayũ, na mũtĩ ũngĩ ũnenganae ũmanyi wa kũmanya ũseo na ũthũku.
10Ũsĩ nĩwaumĩte Eteni na nĩwanyithasya mũũnda ũsu, na kuma vau ũsĩ ũsu nĩwaanĩkĩte ũkatw'ĩka mbũsĩ inya. 11Ũsĩ wa mbee wĩtawa Visoni. Nĩw'o ũthyũlũlũkĩte nthĩ ya Avila, kũndũ kwĩ thaavu. 12Thaavu wa nthĩ ĩsu nĩ mũseo, mauta me mũuke mũseo metawa veteliamu na mavia ma thooa mũnene metawa onekisi nĩmonekaa kũu. 13Ũsĩ wa kelĩ wĩtawa Ngioni, naw'o ũthyũlũlũkĩte Kusi#2.13 Kusi: Kana Mesovotamia kana Ethiovia 14Ũsĩ wa katatũ wĩtawa Tingilisi ũla wĩsĩlĩte ngalĩko ya wumĩlonĩ wa syũa wa nthĩ ya Asuli. Ũsĩ wa kana wĩtawa Euvalati.
15Mwĩai Ngai nĩwoosie ũla mũndũ-ũme na amwia mũũndanĩ ũsu wa Eteni nĩ kana awũĩmae na kũũsũvĩa. 16Nĩvo ĩndĩ Mwĩai Ngai wamwĩaĩe aimwĩa atĩĩ, “Nũtonya kũya ũndũ ũkwenda matunda ma mũtĩ o na wĩva ũla wĩ mũũndanĩ wa Eteni, 17ĩndĩ ndũkaye matunda ma mũtĩ ũla ũtumaa mũndũ amanya ũseo na ũthũku, nĩkwĩthĩwa mũthenya ũla wĩmaya oou, ũkakw'a.”
18Mwĩai Ngai nĩwaisye atĩĩ, “Ti ũseo mũndũ-ũme ũũ kwĩkalaa e weka. Nĩngũmba kwondũ wake mũtetheesya ũmwaĩlĩte.” 19Kwoou kuma mũthanganĩ Mwĩai Ngai aĩ anoomba nyamũ na nyũnyi. Nĩwaietie kũla kwĩ ũla mũndũ-ũme nĩ kana mũndũ ũsu amanye einenga masyĩtwa meva. Ĩsyĩtwa yĩla mũndũ ũsu wanengie kĩla nyamũ noyo yatw'ĩkie ĩsyĩtwa ya yo. 20Mũndũ ũsu nĩwanengie nyamũ sya mũsyĩ, nyũnyi, na nyamũ sya kĩthekanĩ syonthe masyĩtwa. Ĩndĩ vai ĩmwe yasyo yaĩ ĩtonya kwĩthĩwa mũtetheesya ũmwaĩlĩte.
21Mwĩai Ngai nĩwakomethisye mũndũ-ũme too mũito, na ĩvindanĩ yĩu mũndũ-ũme ũsu wakomete Mwĩai Ngai aumya wau ũmwe wake. Nĩwakwatanisye nyama vala waumisye wau ũsu. 22Nĩvo ĩndĩ Mwĩai Ngai woombie mũndũ mũka kuma waunĩ ũsu na amũete kũla kwĩ mũndũ-ũme ũsu. 23Nĩvo ĩndĩ mũndũ-ũme ũsu waneenie asya atĩĩ,
“Yu ĩndĩ vaa ve ũmwe ũilyĩ takwa,
ĩvĩndĩ kuma mavĩndĩnĩ makwa, na nyama kuma nyamanĩ syakwa.
Ĩsyĩtwa yake nĩ, ‘Mũndũ mũka’
nũndũ aumw'a mwĩĩnĩ wa mũndũ-ũme.”
24 #
Mat 19.5; Mk 10.7-8; 1Ako 6.16; Aev 5.31 Kĩu nĩkyo kĩtumaa mũndũ-ũme auma kwa ĩthe na nyinyia, na kũlũmany'a na mũka wake, na elĩ makĩtw'ĩka kĩndũ kĩmwe.
25Mũndũ-ũme ũsu na mũka wake maĩ athei, ĩndĩ mayeew'aa nthoni.
Právě zvoleno:
Mwa 2: KAMBA
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
BIBLE SOCIETY OF KENYA © 2011