GENESE 10
10
Lesika la bara babararo ba Nowe.
1Ke tsema ditloholo tsa bara ba Nowe: Sema, Kama le Jafeta ba tswala bara kamorao ho morwallo.
2Bara ba Jafeta ke Gomere, le Magogo, le Madai, le Javane, le Tubale, le Mesheke, le Tirase. 3Bara ba Gomere ke Ashkenase, le Rifate, le Togarma. 4Bara ba Javane ke Elisha, le Tarshishe, le Kittime, le Dodanime. 5Dihlekehleke tsa ditjhaba di ne di arohane ka mafatshe a tsona ke batho bao, mong le mong ka puo ya hae, ka mefuta ya bona, le ka ditjhaba tsa bona.
6Bara ba Kama ke Kushe, le Mitsraime, le Puthe, le Kanana. 7Bara ba Kushe ke Saba, le Havila, le Sabta, le Raema, le Sabteka. Bara ba Raema ke Seba, le Dedane.
8Kushe a tswala Nimrode; ke yena ya qadileng ho ba matla lefatsheng. 9Ke yena eo e bileng setsomi sa senatla pela Jehova; ke moo ho yeng ho thwe: E ka Nimrode, setsomi sa senatla pela Jehova. 10Qalo ya mmuso wa hae ya eba Babele, le Ereke, le Akkade, le Kalne, fatsheng la Shineare. 11Ha tswa fatsheng leo Assure, mme a haha Ninive, le motse wa Rehobothe, le Kala, 12le Resene pakeng tsa Ninive le Kala: ke wona motse o moholo.
13Mitsraime a tswala Baludime, le Baanamime, le Balehabime, le Banaftuhime, 14le Bapatrusime, le Bakasluhime, bao Bafilesta ba tswileng ho bona, le Bakaftorime.
15Kanana a tswala Sidone, mora wa hae wa matsibolo, le Hethe, 16le Bajebuse, le Baamore, le Bagirgashe, 17le Baheve, le Baarke, le Basine, 18le Baarvade, le Batsemare, le Bahamathe; mme kamorao mefuta ya Bakanana ya saballa. 19Moedi wa Bakanana o ne o qala Sidone, ho leba Gerare ho isa Gasa, mme o leba Sodoma, le Gomorra, le Adama, le Tseboime ho fihlela Lesha. 20Ke bona bao bara ba Kama, ka mefuta ya bona, ka dipuo tsa bona, ka mafatshe a bona, ka ditjhaba tsa bona.
21Ha tswalwa bana le ho yena Sema, ntata bara ba Hebere kaofela, moholwane wa Jafeta. 22Bara ba Sema ke Elame, le Assure, le Arpaksade, le Lude, le Arame.
23Bara ba Arame ke Utse, le Hule, le Getere, le Mashe.
24Arpaksade a tswala Shela, Shela a tswala Hebere. 25Ha tswalwa bara ba babedi ho Hebere; lebitso la e mong e le Pelege, hobane lefatshe le nnile la arohanngwa mehleng ya hae; lebitso la ngwanabo e le Jokthane. 26Jokthane a tswala Almodade, le Shelefe, le Hatsaremavethe, le Jerake, 27le Hadorame, le Usale, le Dikla; 28le Obale, le Abimaele, le Seba; 29le Ofire, le Havila, le Jobabe: bao kaofela ke bara ba Jokthane. 30Ho aha ha bona e ne e le ho tloha Mesha ho isa Sefare, thaba ya Botjhabela. 31Ke bona bao bara ba Sema, ka mefuta ya bona, ka dipuo tsa bona, ka mafatshe a bona, ka ditjhaba tsa bona.
32Ke yona eo mefuta ya bara ba nowe, ka meloko ya bona, le ka ditjhaba tsa bona, mme ditjhaba tse sabaletseng lefatsheng kamora morwallo di tswile ho bona.
Právě zvoleno:
GENESE 10: SSO61-SO
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© Bible Society of South Africa 1961. Used with permission. All rights reserved.