Gyenesise 2
2
1 #
Ɛks 20.11
Yiti sɔ yeɛ Nyameɛ bɔle anwuro ne aseɛ ne bɛ nu nningyein mukoraa yiele ɔ. 2#Heb 4.4, 10 Kyẽa bɔ ɔtɔ so nzoo nen, né Nyameɛ ayie ye adwuma bɔ ɔyɔle ne yɔ; na kyẽa bɔ ɔtɔ so nzoo ne, olili afofi wɔ ye adwuma bɔ ɔyɔle amukoraa nwo. 3Yiti Nyameɛ yirale kyẽa bɔ ɔtɔ so nzoo ne, na ɔyɛle ye krongron, ofikyɛ ye adwuma bɔ ɔyɔle ye wɔ nningyein bɔlɛ nu ne, sɔ kyẽa ne yeɛ olele ye nwome ɔ.
Eden turo ne
4 #
Yer 10.11
Kyɛbɔ Ɛdangama si bɔle anwuro ne aseɛ ne, ye nwo dwirɛ ɛhe. Mmerɛ bɔ AWURADE Nyameɛ bɔle aseɛ ne anwuro ne, 5né bakaa biala nne aseɛ so, yeɛ né ndire biala onnya offifili, ofikyɛ né AWURADE Nyameɛ onnya ɔttɔle nzue ogguale aseɛ so, yeɛ né sona biala nne berɛ bɔ ɔkɔyɔ so boo koso ɔ. 6Nakoso nzue fili aseɛnwo loaloale aseɛ so amukoraa. 7#Yob 34.14; 1 Kor 15.45-47 Na AWURADE Nyameɛ fale aseɛnwo nnɛterɛ nwone kuro sona, na olele ngoa nwomeɛ guale ye bonyi anu, na kuro sona ɔɔyɛle teasefoɛ. 8Afei AWURADE Nyameɛ yɔle turo bie wɔ Eden, bɔ ɔwɔ eyia afiteleɛ, na ɔmane biaa bɔ ɔnwone ye ne tenane berɛ. 9#Nye 2.7; 22.2, 14, 19 Na AWURADE Nyameɛ mane mmakaa mukoraa bɔ bɛyɛ nyemene ná ɔte paa kyɛ bedi ɔ fifili aseɛnwo wɔ turo ne anu; ɔmane ngoa bakaa fifili turo n’afia, yeɛ paa ne bɔne nwo nimdeɛ bakaa koso fifili nu.
10Né asue bie tengyɛ fi Eden ba doadoa turo ne anu berɛ, na asue ne fi berɛ a, nu pakyepakye yɛ asue sa nna. 11Bɔ oli moa ne li Pisɔn; na ɔtengyɛ pɛ Hawila aseɛ mukoraa, bɔ sikaa kɔkorɛ wɔ so ne nwo bra yia. 12Sɔ aseɛ ne aso sikaa kɔkorɛ te paa paa; na berɛ yeɛ ayirefona bɔ bɛfrɛ ye bedelɔm ne onike wɔ ɔ. 13Asue bɔ ɔtɔ so nyɔ ne li Gihon; na ɔtengyɛ pɛ Kuse#2.13: KUSE: anaa Yitiopia. aseɛ nwo amu bra yia. 14Asue bɔ ɔtɔ so nza ne li Tigrise, na ɔtengyɛ wɔ Asiria eyia afiteleɛ. Asue bɔ ɔtɔ so nna ne li Yufreti.
15Na AWURADE Nyameɛ fale biaa ne ɔɔtenane Eden turo ne anu, kyɛ ɔyɔ nu adwuma ná ɔnea so. 16Na AWURADE Nyameɛ kanzole biaa ne kyɛ, “Ɛkora di turo ne anu bakaa mmaa biala; 17nakoso paa ne bɔne nwo nimdeɛ bakaa ne de, nnɛdi bie, ofikyɛ kyẽa bɔ ekoli bie ne, ewue yeɛ ekowu ɔ.”
18 #
Any 31.10-31
Na AWURADE Nyameɛ sele kyɛ, “Ɔtte mayee kyɛ sona ne ngome kɔtena ɔ; ngɔyɛ bokafoɛ bɔ ɔfata ye ɔ ngɔma ye.” 19Yiti AWURADE Nyameɛ fale aseɛnwo nnɛterɛ nwone eburo ngaka mukoraa ne ewienu nnomaa mukoraa, na ɔfale bɛ wale sona ne berɛ neane dumaa bɔ ɔkɔfa kɔtoto bɛ ɔ. Na dumaa biala bɔ sona ne ɔfa tole abɔdeɛ biala bɔ ole ngoa ne, sɔ ala yeɛ ɔyɛle ye dumaa ɔ. 20Sona ne totole nyɛmmoa mukoraa ne ewienu nnomaa mukoraa ne eburo ngaka mukoraa dumaa. Nakoso sona ne de, né onnyane ye sɛso bokafoɛ biala. 21Yiti AWURADE Nyameɛ mane sona ne lafele hatee. Na ɔlale nen, ɔyele ye mvenu mbaleɛ ko, na ɔfale anwoɔnaen tuale ye boso. 22#1 Kor 11.8-9; 1 Tim 2.13 Na mbaleɛ bɔ AWURADE Nyameɛ ye fili sona ne anu ne, ɔfa yɛle brasua, na ɔfale ye brɛle sona ne. 23Na sona ne sele kyɛ,
“Afei de, me mmowue nu bowue
ne me nwonaen nu anwoɔnaen ɛhe;
bɛkɔfrɛ ye Brasua,
ofikyɛ Bienzua nu yeɛ bɛyele ye befili ɔ.”
24 #
Mal 2.15; Mat 19.5; Mak 10.7; 1 Kor 6.16; Ɛfe 5.31 Yiti bienzua kofi ɔse ne oni anwo, ná waafa ye nwo wabata ɔye, na bayɛ anwoɔnaen ko. 25Né biaa ne ne ɔye ne bɛ nwo la so, nakoso né ɔnyɛ bɛ nya.
Právě zvoleno:
Gyenesise 2: EBP
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Esahie Bible © Bible Society of Ghana, 2018.