Mateo 6
6
Kulava nhosa
1“Teganyeni, sikumtende unovu wenu hameso ga iwanhu, giladi mloligwe na hewo; kilumbo muhasanghana kamba higo, hondampate kitumetume kwa Tata wenu yali Kuulanga.
2Bali gweye mana ulava nhosa yako, sikuulave bwato behi na wanhu, kamba waja kina kizenzeleganye vuwotenda muna zingʼanda za nhambiko Mulungu na muna zinzila, giladi watunizwe na wanhu! Ihoko nomulongelani: Wamala kwibokela miyawi yawo. 3Bali gweye uhalava vya nhosa vyako, hata mkono wako wa ukumoso sikuuvitange vija viutenda mkono wako wa ukulume! 4Komu nhosa yako iwe ya ubadagi, na heyo Tata wako yolola zili muubadagi, kokumemezela.”
Kumpula Mulungu
5“Kabili mana mpula Mulungu, sikumuwe kamba walonda nhogolwa, kilumbo hewo wonogelwa mana wopula, kuno wemile wima mzingʼanda za nhambiko Mulungu hebu mnzila mhanda, giladi wonekege na wanhu. Ihoko nomulongelani: wamala kwibokela miyawi yawo. 6Bali gweye mana upula, ingila mngʼanda kugati jako, uhamala kuhinda lwivi lwako, upule hayali Tata wako yali haimbandamo, na heyo Tata wako yali haimbandamo kokumemezela.
7“Na mweye muhawa muna ukupula, sikumuwegesewegese kokwagiza waja hawamtangile Mulungu vuwotenda, wogesa kamba wohulikwa na Mulungu, malonga gawo vigali bwando! 8Avo sikumwigambe na hewo, kilumbo Tata wenu kagamanya gomulonda mweye, hamnagesa kumpula. 9Bali mweye puleni vino:
Tata wetu uli Kuulanga,
tagwa jako ditunizwe,
10undewa wako wize!
Manogelwa gako gavikizwe mwiisi kamba kuulanga!
11Utugwelele lelo mandiya getu!
12Utusegezele matozo getu kamba na tweye vutuwasegezele watutozele!
13Kabili sikuutugele mkugezwa bali utuhonye na ija Mndumu.
Kilumbo undewa uwo wako, na mhiko na iyenzi milongo na milongo.
14Kilumbo muhawasegezela wanhu matozo gawo, na Tata wenu wa Kuulanga komsegelezani na mweye. 15Bali kamba hamuwasegezele wanhu matozo gawo, vivo na Tata wenu hamsegezelani na mweye matozo genu.”
Kuleka ukuja
16“Kabili mana muleka ukuja, sikumwigambe na wazenzeleganye wene vihanga vya kusinalika, kuno wokigalula vihanga vyawo giladi woneke na wanhu, kamba waleka ukuja. Ihoko nomulongelani: wamala kwibokela miyawi yawo. 17Bali gweye uhaleka kuja, ibakaze mavuta mditwi, unawe ikihanga! 18Giladi sikuwoneke na wanhu kamba kuleka kuja, bali na Tata wako yali haimbandamo; na heyo Tata wako yolola haimbandamo, kokumemezela.”
Bikilo ja moyo
19“Sikumwike mabikilo mulumwengu, vimungwi na nghangaga zobananga, na wabavi wotula na kubokonya! 20Bali ikeni mabikilo kuulanga, kuli bule ubananzi wa kinhu, kuduhu vimungwi hebu nghangaga, kuduhu wabavi watulaga hebu kubokonya! 21Kilumbo bikilo jako hadili, baho hondaukale na moyo wako.”
22“Kimuli cha lukuli dijo disiso. Kamba siso jako dihanoga, lukuli lwako lose lokuwa na mlangaza. 23Bali siso jako dihatulika, lukuli lwako lose lokuwa na ziza. Uja umulangaza uli mumo mgati mmwako, uhawa ziza, kaa! baye si ziza hijo!”
Mabwana wabili; kwigaza
24“Haduhu munhu yodaha kuwasanghanila mabwana wabili. Kumbe komwihila ino, yamnogele yuno, bule koigoga na ino, yamuleme yuno. Hamdaha kumsanghanila Mulungu na Mhiya.
25Vilemelaga nomulongela, sukumgaiye upile wenu, mje choni bule mungʼwe choni bule nghuli zenu mvale choni. Ugima hambwe haubanzile mandiya, na lukuli halubanzile zinguwo? 26Waloleni iwandege wali uchana vuwali: hawadahile kuhanda hawahunaga, hawalundizaga kukano, bali Tata wenu wa Kuulanga kowengha na hewo ndigwa. Chei, amweye si wakulu kubanza hewo? 27Yuyo yalihi kumwenu yadahile kwigaza yadahe kwinyusula mwenyego, yabanze mkono umonga?
28Na nguwo habali mzigaiya. Loleni maluwa gali mmigunda avija vigokula: hagasanghana unghulima bule kufyogosa nguwo. 29Nomulongelani, kumbe hata Salomo muna iyenzi yake yose havazigwe vinogile, igambile dimonga ja higo. 30Ihawa Mulungu koivaza hiyo imilolo ili mmigunda yokala lelo, na mayo yokwasigwa hamoto, chei habanza nghani kumvazani mweye wene nhamanilo ndodo? 31Sikumwigaze avo molonga, ‘Tuje choni? Tungʼwe choni? Tuvale choni?ʼ 32Kwa mzoko ago gose wamizimu wogazahila; kilumbo Tata wenu wa Kuulanga kavimanya kamba mogazahila ago gose. 33Bali uzahileni tanhu undewa wake na ihoko yake, na ago gose momemezelwa. 34Avo sukumwigazile ga mayo, kilumbo ga mayo gokigaiya genyego. Kilumbo kila siku na wiho wake.”
Právě zvoleno:
Mateo 6: ZAM75
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
New Testament in Zaramo © United Bible Societies, 1975.
