Matthew 4
4
KETH HEWL, IV.
1KEHKEHTOO pomul u tre u yuck Jesus ko tofeh hallë nghehl woa.
2Yeh ubëan yempy dyo mpall ë woanghewl nu ë chull ë woanghewl, ndrick ma woa rë.
3Nghehlno tre u hundy ko ko woa, nu nghaleh, lo moa rë traak u Foy gbo mpinkin paytë tre ëgboh.
4Kereh u yoom nghaleh, peh gball la rë, nopokan u boachn cheh kë ëgboh wonëken; kereh kë lumtë tre buleing tana foke kë Foy nyengeh yeo,
5Pomul u tre yuck woa kë turr yahmung tre nu trang woa ko temple atook,
6Nu nghaleh, lo moa rë gbo traak u Foy, n shook ko leh, hallë peh ka gball u ka fohrë kë angel woa ngha yuck moa kë peahtë ngha, m ma peh ka pellun ko kë pay tre.
7Jesus nghaleh, peh ka gball, m ma nghehl yeome moa Foy.
8Peh pomul u bang u tre yuck woa kë ërong ë bomu atook, nu tunkeh woa baily upock u tre buleing nghono bë nyërick nlippy;
9Nu nghaleh, ndërick n tre buleing manah ah moa kah yeo lo nyoo moa gbo hallë bang nloonk nu chum oh më pëah.
10Jesus nghaleh, nkoh nkull Satan: peh gballah rë, n chum pëah hallëpapah, Foy moa nu boiah woa wonëken.
11Yeh pomul bang u tre u kon, nlehly, angel ha Foy ngha hundy ngha boi woa.
12Yeh Jesus tui la rë, leh peh ka kui John nu beh woa kill rtilleh, u ka koh rë kë Galilëë;
13U hinkeh ko Nasareth nu kon ko Kapernaum, nghene ka cheh leh ke heleh ntrent, kë bellung Sabulon oh, Nephtalin oh;
14Leh kissy eh la, prophet Esaias lanah ka foh yeo, nghaleh,
15Upock u Sabulon, upock u Nephtalin oh, kë nah ë ko heleh, ko lill Jordan, Galilëë aniah tre;
16Aniah tre nghana chall kë rtilleh ngha kyo ëkehny bomu tre; nu aniah tre nghana chall kë bossleh lëwoo ëkehny tre ngho pung.
17Trim tre Jesus u tripeh hallë foh nu hallë kunan, nghaleh, m pinkin; upock u Foy tre ntrent.
18Jesus u gbeh ko heleh Galilëë ntrent nu kyo ëpintre nting, Simon peh ka peal eh Peter, nu Andrew pintre woa ngha pong upell u tre ko heleh; yeh peh ngha ka cheh leh hottno.
19Jesus nghaleh, nhun më wayling, ah ngha nghah ahhott anin.
20Ngha loirë upell u tre kehkehtoo, nu lim woa wayling.
21Nu kon ko loa kull, u ka keh ëpintre nting nchillang, James traak Sebedëë nu John pintre woa ngha cheh ko womeh kë Sebedëë papah ngha uborr ubull, ngha bempah npell ngha: Jesus veal ngha.
22Kehkehtoo ngha loirë wom tre nu papah ngha nu lim woa wayling.
23Jesus gbeh ko kë Galilëë buleing nu fohm kë killtë karang të ngha, woa foh Gospel u tre hallë upock u foy tre nu nghah shunk aniah nack ah tre buleing.
24Ilillë woa gbeh ko Syria buleing, nu aniah tre ngha chëë eh ahlalbah buleing ko ko woa; aniah nghana bë pomul mbang yeo; aniah nghana loirë min yeo; aniah nghana tittkeh yeo, nu nghah shunk ngha buleing.
25Runiah bomu tre lim woa wayling ko Galilëë oh, ho Dekapolis oh, ko Jerusalem oh, ko ko lill Jordan oh.
Právě zvoleno:
Matthew 4: BUY1816
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
First published by the Church Missionary Society in 1816.
