Matthew 12
12
KETH WOANGLËTING, XII.
1TRIM tre, yeh Jesus u ka gbettin ah hehl kë sabbath, ahperren ah woa ndrick ma cheh ngha, ngha trip kenty bencheh yicky hallë dyo.
2Kereh ahpharisëë ah tre ngha kyo la, ngha nghaleh ko ko woa; nlehly ahperren ah moa ngha nghah dyah ma la nghah lan kë sabbath.
3Jesus nghaleh, nkarangahn ë Davy u ka nghah nu aniah woa ah?
4U loirë ko killeh Foy, nu dyo ëgboh trunky u ka chehn hallë won hallë dyo, n ka chehn hallë aniah woa; kereh ahpriest ah tre gbo.
5Nkarangahn ë kë troang tre ë nghon ahpriest ah tre ngha yettyehn sabbath ke temple u tre ngha ngha bëan chëërah.
6Kereh ah moa fohm, kakë u loi nopokan tre nghono chang ah temple u tre.
7Lo nshee la gbo, ah moa kehkeh sinobull, ah yehmahn sataka, ngha ma na gbitty nghan nsele.
8Traak nopokan tre u bë sabbath.
9Yeh u ka kon kë, u loi ko killeh karang ngha tre.
10Nlehly nopokan, pëah woa seckle u cheh kull, ngha yëë woa nghaleh, yenkeleng ë hallë shunky no kë sabbath ë? ngha yehmah chëë chëërah ko ko woa.
11U nghaleh ko ko ngha, Lo nopokan u bë lonkobeh bull gbo, lonkobeh tre u looll u firreh kë sabbath aniah ngha boaehn ë koh hallë yetty woa nu foke woa ah?
12Mbah; yehpeh nopokan u chandy lonkebeh yenkeleng; anin ngha nghah yenkeleng kë sabbath.
13U nghaleh kë nopokan tre mwicky pëah moa; u wicky ukunt woa, woa shunky yehkeleng kin pëah poom tre.
14Ahpharisëë ah tre ngha fun, ngha fohla wayling, ngho ngha woa dyë ah.
15Kereh yeh Jesus shee la u wëën; aniah ëgbir ngha lim woa wayling, u shunky ngha buleing.
16Nu fohm nghaleh, ngha ma la fohm anin.
17Peh kissyeh la, lanah Isaiah ka foh yeo, nghaleh,
18Nlehly boy më woiky, won ah hetty yeo; chung më woiky won ah marrah trim o trim. Ah hun beh pomul më ko ko woa atook, woa trunky cherryeh kë anin.
19Woa pokehn; woa pehnyehn; no o no ma tui lum woa ko kambah.
20Woa kentyehn kutt u bumtyehn u tre, woa nymmyehn dyom tre nghene kin trenkehn, mendeh kung ah tramo.
21Aniah buleing ngha yetty kë ilillë woa.
22Peh chëë nopokan ko ko woa u bë pomul mbang, u chehn keh, u cheh boboh; u nghah woa shunk kë mbonkah nkeleng; nopokan tre kyo oh, u foh oh.
23Aniah buleing ngha kaban, nghaleh, chehn traak u Davy woiky ë?
24Kereh yeh ahpharisëë ah tre ngha tui la ngha nghaleh, no yaë to u foke pomul mbang n tre kë Beelsebub, bay pomul mbang n tre.
25Jesus u shëë utrennin ngha nu nghaleh ko ko ngha, lo aniah baily tre ngha marrahn nin baily tre ko shinny dyom; lo aniah turr tre oh, kill tre oh ngha marrahn nin, turr tre oh, kill tre oh ngha boaehn sem.
26Lo pomul u bang bull u toh pomul u bang ah poom tre, ngha boaehn marrahn nin; ngho baily woa leh boa sem eh?
27Lo ah toh pomul mbang n tre kë Beelsebub, ahpomah no ngho ngha choe too ah? mbah; ngha choe mbett tunkah ko ko no.
28Kereh lo ah toh mpomul mbang ntre kë pomul u Foy, baily Foy tre leh hundy ko ko no.
29Nghene boa nloi kill no fossoh tre nu purr nyërick n woa n tre, mpehnkeh woa pant nopokan fossoh tre, woa nkoh purr.
30Wonno chehn më uborr ubull yeo, ngha pinkin ko ko më; wonno chehn më marrah dery oh woa secket ë.
31Mbah; yah no fohm, dyah bang ah buleing, nu mfoh yeh mbang kë Foy peh lap kë anin; kereh mfoh yeh mbang kë pomul u Foy peh lapahn kë anin.
32Wonno fohrë lum kë traak nopokan, peh moa lap; kereh wonno foh kë pomul u Foy tre peh lapah won, chehn kë upock u to; chehn kë upock u poom tre.
33Lo nthoh rum keleng ëgbimang woa nkeleng; lo nthoh rum mbang ëgbimang woa rë bang pehreh, peh shëë rum tre kë ëgbimang n woa.
34Oh! uborr u kirr, ngho ngha boa foh dyah keleng ngha cheh aniah bang? lanah ugboll ngho pay yeo, nyeng ngho foh la.
35Nopokan keleng woa foke nyërick nkeleng kë ayin ah tongulloh ugbolleh woa; nopokan bang n tre u foke nyërick mbang kë ayin ah tongulloh ugbolleh woa tre.
36Kereh yah no fohm, lokoh tunkah bomu tre anin buleing ngha dimdah lumtë tre buleing lanah ka cheh foh yeo sele.
37Kë lumtë moa peh gbetteh tunkah moa tre; kë lumtë moa peh gbittyeh moa.
38Mbah; ahgball ah poom tre nu ahpharisëë ah poom ah tre ngha yoom nghaleh, papah hë yehmah kyo yempy sannah tre ko ko moa.
39Kereh u yoom nghaleh ko ko ngha, aniah bang n tre ngha tun hallë yempy sannah, peh ta kahn nghan yempy sannah, mendeh yempy prophet Jonas tre.
40Kë manleh Jonas u ka cheh kë ëyou ë bomung kureh pall ë rah nu chull ë rah, traak nopokan tre u choe ko kë lehly tre ayain.
41Aniah Niniveh ngha poh lokoh tunkah bomu tre kë aniah tre nghanaky uborr ubull, nu ngha gbittyeh ngha, yehpeh ngha keh sinobull yeh Jonas u foh yeo; nu nlehly wonneh ngha yeo u chandy Jonas.
42Lakan bay tre kë south woa poh kë lokoh tunkah bomu tre kë aniah to uborr ubull, nu gbitty ngha yehpeh woa hinkeh rë ayin ah will hallë tui cherry Solomon; nlehly, gbo, wonneh ngha yeo u chandy Solomon.
43Yeh pomul noko tre u fundy kë nopokan, woa gbeh yin a seckle; woa tun ufoll, nu keh lan.
44Mbah, u nghaleh u moony ko më killeh ko loa ah hinkeh kull; yeh u moi rë u kyo kill ë ping oh, peh kung bass oh, peh kung yehsy oh.
45Woa loi, nu kui pomul mainëting woa uborr ubull ngha changah woa mbang, nu ngha loi, ngha cheh loa. Nopokan tre woa chang mbang wonno ka cheh oh. Kë manleh peh hun choe kë aniah mbang n to nghanaky.
46Yeh Jesus u fohm kë aniah tre, nlehly yah woa oh pintre woa oh ngha sem ko ëpall ngha yehmah woa fohm.
47Nopokan bull nghaleh ko ko woa, nlehly yah moa oh, ëpintre moa oh ngha sem ko ëpall ngha yehmah moa fohm.
48Kereh u yoom nghaleh wonno foh la rë yeo, ngheneh leh yah më oh, ngheneh leh pintre më oh?
49Mbah, u wicky pëah të woa kë ahperren ah woa tre nu nghaleh, nlehly yah më oh, pintre më oh.
50Wonno nghah yempy tre papah më wonno ko kë foy u yoomoi rë, woa cheh pintre më oh, wanteh më oh.
Právě zvoleno:
Matthew 12: BUY1816
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
First published by the Church Missionary Society in 1816.
