Matthew 10
10
KETH WOANG, X.
1YEH Jesus u kung veal ahperren ah woa woanglëting, u kah ngha fossoh kë mpomul mbang n tre hallë foke ngha, nu hallë shunky ahlalbah buleing.
2Ilillë ahperren ah woanglëting ma kë, nseh n tre peh ka veal Peter, Andrew pintre woa Jemy traak Sebedee, John pintre woa;
3Philip oh Bartholomew, oh Thomas, oh Matthew publican tre oh; Jemy traak Alpheus oh; Lebbeus ilillë woa poom tre Taddeus;
4Simon ko kana oh, ngha Judas Iskariot nghono trunky Jesus oh.
5Woanglëting woiky, Jesus wum ngha, nu fohm ko ko ngha, nghaleh m ma ko kë naë ahkafree ah tre, m ma loi kë turrtë ah Samaritan:
6Kereh nkoh ko lonkobehsë tre ha Israel nghana dendy.
7Lo ngha koh, mfoh, nghaleh upock u Foy tre u trehnt.
8N shunky ahlalbah, n nghah room tre ngho shunk, m poh aniah woo ah tre; n foke mpomul mbang n tre. No ka sotoh la hallë yin o yin; nkah pehreh hallë yin o yin.
9Ngha ma bë long oh, silber oh, ukem oh:
10Ngha ma bë bamfah oh, coat ë ting e oh, nkorrkah oh, ëtock ë gbehkeh oh. Wonno nghah mpant yeo peh kah yeh dyo.
11Lo ngha loi turr bomung, turr pomoh, n yëë, lo peh loa no keleng; n sheh loa behleh ngha kon.
12Lo ngha loi killeh, nlenghe.
13Lo kill tre ngho keleng maneh Foy ngho hun kë kill tre, lo chehn, keleng maneh n tre ma tull ko ko no.
14Nghono yehmahn no loi killeh, nghono tuiehn lumtë no tre; yeh ngha hinkeh loa kë kill lan, kë turr lan oh n kungkung pote u tre kë bengtë no tre.
15Urondong yah no fohm, kë lokoh tunkah tre, upock u Sodom oh, Gomorrah oh, peh sheh yeh nkeleng peh changah turrtë nghonoky.
16Nlehly. Ah wum no kin sëlonkobeh kë gbilsë tre ayaing; ncherry eh kin sëkirr, n nghah yin o yin mbang kin mprum.
17Kereh baykeh aniah tre ntrehn; ngha no konth ngha yuck u no ko barry loh, ngha no bung ko ngha killtë karang.
18Peh ngha yuck kë ahsukoh ah tre, kë ahbay ah tre hallë hallë më, hallë tamasery ko ngha oh, ko ahkafree oh.
19Yeh peh yuck ngha, m ma trennin hallë foh chëërah tre, peh moa kah dyah tre la moa foh yeo trim tre.
20Chehn moa ma foh yeo; kereh pomul papah moa, woa foh ko ko moa ayëë.
21No u kah pintre woa peh dyë, papah u kah ahpomah woa peh dyë; ahpomah ngha poh kë papah ngha, nu nghah aniah tre ngha dyë woa.
22Aniah buleing ngha moa sarrah hallë hallë më; kereh wonno semy yenkeleng mendeh ma kung, woa koh ko kë foy.
23Yeh peh tun moa kë turr tre nghono, nkoh kë turr poom tre; urondong ah no fohm, ngha ma chang kë turrtë Israel buleing behleh traak nopokan tre woa hun.
24Perrenno woa changahn papah woa; ahboy ah tre ngha changahn yeome ngha.
25Peh sëëchoe hallë perrenno hallë choe kin papah woa; peh sëëchoe hallë boyah tre hallë choe kin yeome woa. Lo peh vealeh papah kill tre. Beelsebub, peh veal aniah woa tre ilillë bull.
26M ma ngha wui, peh gbuntukehn yin o yin katt, peh boarë yëëry; yin o yin peh chehn soyëë anin ngha hun hallë shëë la.
27Lanah ah moa fohm rtilleh oh, mfoh la anin ëboll; yempy tre ntui ko moa nui oh, mfoh la, ko kill tre atook.
28M ma wui nghana boa dyëë dyall moa; kereh u boaehn dyë soul moa; m wui woa wonno boa rë shinny dyall moa oh, soul moa oh nu pong ngha ko kë dyomly tre.
29Peh wungulleh ugbehl nting hallë fatding bull ë? bull boaehn looll ko leh mendeh papah moa.
30Kereh ndëring moa buleing peh ka trum ngho rë.
31M ma wui; moa chandy keleng ugbehl n tre egbir.
32Wonno foh yeh nkeleng ko kë aniah tre ëboll hallë hallë më, yah fohm yeh nkeleng pehreh ko kë papah më ëboll wonno cheh ko kë foy.
33Kereh wonno hiam më ko aniah ëboll, yah ko pehreh hiam woa ko kë papah më ëboll, wonno cheh ko kë foy.
34M ma trennin yah hun pomm kë upock u tre, ah hunehn hallë wong upomm; kereh ah hun hallë wong gbattoh.
35Ah hundy hallë gbokoss nopokan ko kë papah woa, nu wanta tre ko kë yah woa, nu nashin ko kë nickereh woa.
36No mpunthur nopokan tre nghana cheh ko woa killeh.
37Wonno marr papah woa oh, yah woa oh chang ah më oh, woa chehn hallë yang; wonno marr traa woa oh wang woa oh peh chang ah më rë u chehn hallë yang.
38Wonno kuiehn kross woa tre nu lim më wayling u chehn hallë yang.
39Wonno trennin hallë sheekeh woalong ë woa, u din ngho; kereh wonno din woalong ë woa tre hallë hallë më, woa nghe kyo.
40Wonno marrah moa, woa marrah më; n u wonno më marr yeo, woa marr nghono wum më oh.
41Wonno marr prophet yeo ko kë ilillë prophet gbo, nghono sotoh packah prophet tre; wonno marr no keleng gbo, wonno sotoh packah no keleng.
42Wonno kah kull kë ahpomah nghanaky men bossle gbo, kë ilillë disciple gbo, urongdon ah moa fohm, woa hun sotoh packah woa.
Právě zvoleno:
Matthew 10: BUY1816
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
First published by the Church Missionary Society in 1816.
