Jénesii̱s 5
5
Kuí bí xi xota̱ tji̱e̱ xi kisꞌiee̱ Andaa̱n
1-2Néná katsꞌénda xota̱ nga̱sondiee̱ xikó má kjiꞌi kui, bo̱a̱ má kjiꞌi katsꞌén. Xi xi̱ꞌin ko̱jo xi chjo̱on katsꞌénda, sꞌe̱ katsꞌénchikonñé, kó «xota̱ nga̱sondie» katsoó. Kꞌi̱e̱ kjitꞌa kꞌi̱e̱e̱ xota̱ tji̱e̱e̱ Andaa̱n.
3-4Andaa̱n kisꞌiee̱ ngo ndí xí xikó má kjiꞌi ko̱jo xikó má tsꞌén tjíjii̱n kui, bo̱a̱ má kisꞌie, kó See̱t ítꞌa jaꞌén, kó kisꞌie ngasee̱ ndí xí xi̱ꞌin ko̱jo ndí xí ínchjín. Úchán ko̱jo kantié noó Andaa̱n nga katsen See̱t, kó ngui jin úchán nó kisꞌijña nga̱sondie. 5Kó Andaa̱n nijan úchán ko̱jo kantié noó nga kꞌien.
6Kjiꞌa nga kamá úchán ko̱jo ún noó See̱t, kisꞌiee̱ ngo ndí, kui xi Enoo̱ kiꞌmí. 7Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan nguije katsen Enoo̱, See̱t ngui jin úchán ko̱jo yito nó kisꞌijña nga̱sondie. 8Kó See̱t nijan úchán ko̱jo tiejó noó nga kꞌien.
9Kjiꞌa nga kamá ichítié ko̱jo yichán noó Enoo̱, kisꞌiee̱ ngo ndí xí kiꞌmí Kainaa̱n. 10Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan nguije katsen Kainaa̱n, Enoo̱ ngui jin úchán ko̱jo tjiꞌún nó kisꞌijña nga̱sondie. 11Kó Enoo̱ nijan úchán ko̱jo ún noó nga kꞌien.
12Kjiꞌa nga kamá ichítié ko̱jo kan noó Kainaa̱n, kisꞌiee̱ ngo ndí xí kiꞌmí Maalalee̱l. 13Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan nguije katsen Maalalee̱l, Kainaa̱n ngui jin úchán ko̱jo yichán nó kisꞌijña nga̱sondie. 14Kó Kainaa̱n nijan úchán ko̱jo tie noó nga kꞌien.
15Kjiꞌa nga kamá ichítié ko̱jo tjiꞌún noó Maalalee̱l, kisꞌiee̱ ngo ndí xí kiꞌmí Jaree̱d. 16Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan nguije katsen Jaree̱d, Maalalee̱l ngui jin úchán ko̱jo kantié nó kisꞌijña nga̱sondie. 17Kó Maalalee̱l jin úchán ichítié ko̱jo yichán ún noó nga kꞌien.
18Kjiꞌa nga kamá úchán ichítié ko̱jo tiejó noó Jaree̱d kisꞌiee̱ ngo ndí xí kiꞌmí Enoo̱k. 19Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan nguije katsen Enoo̱k, Jaree̱d ngui jin úchán nó kisꞌijña nga̱sondie. 20Kó Jaree̱d, nijan úchán ichítié ko̱jo tiejó noó nga kꞌien.
21Kjiꞌa nga kamá ichítié ko̱jo tjiꞌún noó Enoo̱k kisꞌiee̱ ngo ndí xí kiꞌmí Matusalee̱n. 22-24Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan nguije katsen Matusalee̱n, Enoo̱k ngui ján úchán nó kisꞌijña nga̱sondie. Kó nga Enoo̱k ꞌniú tsintꞌiéꞌeén Néná, kichajá ngu̱i̱jinꞌa̱sien ngatꞌa̱ Néná kijíjo̱ tikón. Kó Enoo̱k ján úchán ichítié ko̱jo tjiꞌún nó kisꞌijña kui nga̱sondiee̱.
25Kjiꞌa nga kamá úchán ichítié ko̱jo kantjiꞌún jó noó Matusalee̱n kisꞌiee̱ ngo ndí xí kiꞌmí Lamee̱k. 26Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan nguije katsen Lamee̱k ngui yito úchán ichítié ko̱jo kantié jó nó kisꞌijña ngase Matusalee̱n. 27Kó Matusalee̱n nijan úchán ichítié ko̱jo tjiꞌún nijón noó nga kꞌien.
28Kjiꞌa nga kamá úchán ichítié ko̱jo kantié jó noó Lamee̱k kisꞌiee̱ ngo ndí. 29Kó kui ndií Noe̱ ítꞌa jaꞌén nga bi̱ katsó: «Néná atíjeé nga̱sondiee̱ kó tsie kjo̱a̱ni̱ma̱ ndyi̱bitjatió nga ndyi̱niꞌánxájin tꞌananguii̱, ta̱nga kui ndií, kuí boá xi sa̱ꞌín nga ka̱maxtja̱ chií xáná ko̱jo nga ka̱ma si̱ꞌankjaꞌyá chií». 30Kó Lamee̱k kisꞌie ngasee̱ ndí xí xi̱ꞌin ko̱jo ndí xí ínchjín. Jaskan nguije katsen Noee̱, Lamee̱k ngui ún úchán ichítié ko̱jo yichán ún nó kisꞌijña nga̱sondie. 31Kó Lamee̱k yito úchán ichítié ko̱jo kan yito noó nga kꞌien.
32Kjiꞌa nga kamá ún úchán noó Noee̱ kisꞌiee̱ ján ndí, ngo xi kiꞌmí See̱n, ngo xi kiꞌmí Kaa̱n, sꞌe̱ ngo xi kiꞌmí Jafee̱t.
Právě zvoleno:
Jénesii̱s 5: MAIX
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014