Chɛ̄nɛ̍se̍ē 36
36
Pūlāle̍ I̍īsɔ̄le̍ŋ
(Ko̍lo̍ni̍kō Tāso̍o̍ 1:34-37)
1I̍īsɔ̄, ō nda̍ vēēlū vɛ̍lɛ̄ āā I̍dɔ̄m ndo̍, ko̍na̍a̍ cho̍ ho̍ō a̍ pūlālē ndɔ̄le̍ŋ o̍kɔ̄ɔ̄ ni̍. 2Mi̍ I̍īsɔ̄ chu̍ā lāāndūa̍a̍ Ke̍na̍na̍i̍tīi̍ya̍ tɛ̄ɛ̄ŋ. Nda̍ chō ha̍ā ni̍. A̍dā, E̍lɔ̄ŋ, Hi̍ta̍i̍tīi̍nɔ̍ɔ̍ chūā ndɔ̄ɔ̍, Ōhōlība̍mā, chu̍a̍ A̍dā wo̍. A̍dā yɛ̍ ndu̍ fi̍nyā ndɔ̍ cho̍ Si̍bīɔ̄ŋ Hi̍va̍i̍tīi̍nɔ̍ɔ̍ ni̍, 3a̍ Bāsīma̍tī, chu̍a̍ I̍si̍mɛ̄ɛ̄l wo̍. Bāsīma̍tī yɛ̍ yēma̍ ndɔ̍ cho̍ Nɛ̄ba̍yɔ̍tī ni̍. 4Mi̍ A̍dā vi̍a̍lū pōo̍ nda̍ I̍īsɔ̄, dīōla̍ŋ āā, Ɛ̄līfa̍a̍sī, ma̍ vīālū pōo̍ nda̍ Bāsīma̍tī, dīōla̍ŋ āā Lu̍ɛ̍i̍yū. 5Nda̍ Ōhōlība̍mā ma̍ vīālū Pūa̍a̍ nda̍ yāā. Chɛ̄yu̍sī, a̍ Cha̍lām, a̍ Ko̍lūā. Pūa̍a̍ I̍īsɔ̄ ve̍lū lɛ̄ŋndē Ke̍nāŋnde̍ŋ nda̍ cho̍ ka̍ŋ ni̍.
6O̍ ko̍ŋ kɔ̍ɔ̍lī, mi̍ I̍īsɔ̄ chu̍ā lāndāā ndūa̍a̍, a̍ pūa̍a̍ ndūa̍a̍ a̍ chūāūwāā ndūāā wa᷅ŋ lāāndūa̍a̍, wānā o̍ wāna̍ wa̍ ndu̍ o̍ bā, a̍ chɔ̄lūāā ndūa̍a̍, a̍ nyɛ̄ o̍ nyɛ̄ o̍ sɔ̍la̍ lɛ̄ŋndē Ke̍nāŋnde̍ŋ ni᷄ŋ, mbo̍ fāŋa᷄ŋ Che̍kɔ̍pū pɔ̍mbɔ̄ ndɔ̍ īkɛ̄i̍, mi̍ ndu̍ ku̍ā cha᷄lle̍ o̍ fo̍ndāŋ chēle̍ŋ. 7Kāni̍ fo̍ndōle̍, nda̍ nda̍ ŋi̍ɔ̍ɔ̍ŋ vēllāa̍ vēllē nda̍ a̍a̍ nɔ̍ chɔ̄lūa̍a̍ a̍ nyɔ̄ɔ̍ŋ ta̍u̍ ta̍u̍, nda̍ a̍a̍ su᷅l na̍a̍ pi᷅lɛ̍ le̍. Lɛ̄ŋndē nda̍ wa̍ īchāli̍ le̍ŋ le̍ ve̍ lɛ̍ lētūu̍ le̍ chɔ̄lūāā ndāa̍ vēllāa̍ vēllē le̍. 8Le̍ he̍ī, mi̍ I̍īsɔ̄ ndu̍ kɔ̍ cha᷅l o̍ lɛ̄ŋndē Si̍ɛ̍ɛ̄le̍ŋ ni᷄ŋ. I̍īsɔ̄ nɔ̍ vɛ̄lɛ̄ dīōla̍ŋ ni̍ āā I̍dɔ̄m.
9Mɛ̄ɛ̍ ko̍na̍a̍ cho̍ ho̍ō a̍ wānāa̍ fu̍la̍ o̍ pūlāle̍ I̍i̍sɔ̄le̍ŋ chōo̍ wa̍ o̍kɔ̄ɔ̄ ni̍. O̍ pūlālē ndɔ̄le̍ŋ chōo̍ I̍dɔ̄ma̍i̍tīi̍ya̍, a̍ cho̍ o̍ lɛ̄ŋndē īpēmbūle̍ŋ Si̍ɛ̍ɛ̄ wa̍, ā fūla̍ ni̍. 10Pūa̍a̍ I̍īsɔ̄ ve̍lū wa̍ cho̍ ha̍ā ni̍. Ɛ̄līfa̍a̍sī, ō nda̍ vēlū nda̍ A̍dā wo̍, a̍ Lu̍ɛ̍i̍yū, ō nda̍ vēlū nda̍ Bāsīma̍tī wo̍. 11Ɛ̄līfa̍a̍sī yɛ̍ ndu̍, pūa̍a̍ o̍ ve̍lū wa̍ cho̍ ha̍ā ni̍. Tɛ̍māŋ, a̍ O̍mā, a̍ Sɛ̍fō, a̍ Ka̍tām, a̍ Ke̍na̍sī. 12Po̍ I̍īsɔ̄ wo̍, Ɛ̄līfa̍a̍sī, la̍a̍ ndɔ̄ pɔ̍mbɔ̄ɔ̍ wa̍ Ti̍mi̍nā ni̍. Nda̍ Ɛ̄līfa̍a̍sī ma̍ vīālū pōo̍, dīōla̍ŋ āā, A̍ma̍lɛ̍kī. Pūa̍a̍ Ɛ̄līfa̍a̍sī ha̍ā, māmā nda̍ wa̍ A̍dā ni̍, o̍ ve̍lū Ɛ̄līfa̍a̍sī wo̍. 13Po̍ I̍īsɔ̄ wo̍, Lu̍ɛ̍i̍yū ndu̍, pūa̍a̍ o̍ ve̍lū wa̍ cho̍ ha̍ā ni̍. Nāha̍tī, a̍ Sɛ̍lūā, a̍ Si̍a̍māā, a̍ Mi̍sāā.
14I̍īsɔ̄ la̍nɔ̍ ndɔ̄ wa̍ Ōhōlība̍mā ni̍, chu̍a̍ A̍dā wo̍. A̍dā yɛ̍ ndu̍ fi̍nyā ndɔ̍ wa̍ Si̍bīɔ̄ŋ ni̍. Mi̍ I̍īsɔ̄ vi̍a̍lū Chūāūwa̍ ā yāa̍ nda̍ Ōhōlība̍mā nda̍ cho̍ ha̍ā ni̍. Chɛ̄yu̍sī, a̍ Cha̍lām, a̍ Ko̍lūā.
15Wānāa̍ fu̍la̍ o̍ pūlāle̍ I̍i̍sɔ̄le̍ŋ chōo̍ ma̍ sīmnu᷄ŋ bo̍līī lāyu̍ŋgu̍e̍i̍ ya̍ nda̍ cho̍ ha̍ā ni̍. Po̍ tāse̍ I̍īsɔ̄ wo̍, Ɛ̄līfa̍a̍sī, pūa̍a̍ ndūa̍a̍ a̍ si̍mnu᷄ŋ bo̍līī lāyu̍ŋgu̍e̍i̍ ya̍ cho̍ ha̍ā ni̍. Tɛ̍mā, a̍ O̍mā a̍ Sɛ̍fō, a̍ Ke̍na̍sī 16a̍ Ko̍lūā, a̍ Ka̍tām, a̍ A̍ma̍lɛ̍kī. Pūa̍a̍ E̍li̍fāā wa̍ a̍ si̍mnu᷄ŋ bo̍līī lāyu̍ŋgu̍e̍i̍ nāa̍ nda̍ wa̍ īchāli̍ I̍dɔ̄m nda̍, nda̍ cho̍ ka̍ŋ ni̍. Bōlīī kēŋ ki̍nɛ̍i̍ māmā nda̍ wa̍ A̍dā ni̍ la̍nɔ̍ tāse̍ I̍īsɔ̄ wo̍.
17Po̍ I̍īsɔ̄ wo̍, Lu̍ɛ̍i̍yū, chūāūwāā ndūa̍a̍ a̍ si̍mnu᷄ŋ bo̍līī lāyu̍ŋgu̍e̍i̍ ya̍ cho̍ ha̍ā ni̍. Nāha̍tī, a̍ Sɛ̍lūā, a̍ Si̍a̍māā, a̍ Mi̍sāā. Pūa̍a̍ Lu̍ɛ̍i̍yū wa̍ a̍ si̍mnu᷄ŋ bo̍līī lāyu̍ŋgu̍e̍i̍ nāa̍ nda̍ wa̍ īchāli̍ I̍dɔ̄m nda̍, nda̍ cho̍ ka̍ŋ ni̍. Nda̍ nda̍ māmā ndā wa̍ Bāsīma̍tī ni̍, la̍nɔ̍ ya̍a̍ ndɔ̍ I̍īsɔ̄ wo̍.
18Pūa̍a̍ I̍īsɔ̄ ve̍lū nda̍ la̍a̍ ndɔ̍ Ōhōlība̍mā chu̍a̍ A̍nāā wo̍, ma̍ sīmnu᷄ŋ bo̍līī lāyu̍ŋgu̍e̍i̍ ya̍, nda̍ cho̍ ha̍ā ni̍. Chɛ̄hu̍sī, a̍ Cha̍lām, a̍ Ko̍lūā. 19I̍īsɔ̄, ō nda̍ vēēlū vɛ̍lɛ̄ āā I̍dɔ̄m ndo̍, bōlīī lāyu̍ŋgu̍i̍i̍ fu̍la̍ o̍ pūlālē ndɔ̄le̍ŋ chōo̍ ve̍ cho̍ ke̍ŋ ni̍.
Pūlāle̍ Si̍ɛ̍ɛ̄le̍ŋ
(Ko̍lo̍ni̍kō Tāso̍o̍ 1:38-42)
20Si̍ɛ̍ɛ̄, o̍ fu̍la̍ o̍ ku̍ndā Ho̍lu̍a̍tīi̍ya̍ chōo̍ wo̍, pūa̍a̍ o̍ ve̍lū ma̍ wā īchāli̍ o̍ būŋgɛ̄ī Si̍ɛ̍ɛ̄ve̍ ni᷄ŋ nda̍, nda̍ cho̍ ha̍ā a̍ yu̍ŋgu̍la̍ yɛ̍ yɛ̍la̍ŋ ni̍. Lo̍tāŋ, a̍ Si̍o̍bāl, a̍ Si̍bīɔ̄ŋ, a̍ A̍dā, 21a̍ Di̍sīɔ̄ŋ, a̍ E̍sɔ̄, a̍ Di̍sīāŋ. Pūa̍a̍ Si̍ɛ̍ɛ̄ wa̍ ha̍ā nda̍ wa̍ bōlīī lāyu̍ŋgu̍e̍i̍ o̍ yu̍ŋgu̍la̍ ndāla̍ŋ chōo̍ ni̍.
22Lo̍tāŋ yɛ̍, ndu̍ pūa̍a̍ ndūa̍a̍ cho̍ Ho̍lūī nda̍ Ho̍mām ni̍. Lo̍tāŋ yēma̍ ndɔ̍ wa̍ Ti̍mi̍nā ni̍.
23Si̍o̍bāl yɛ̍, pūa̍a̍ ndūa̍a̍ cho̍ ha̍ā ni̍. Ālīva᷅ŋ, a̍ Mānāha̍tī, a̍ Ɛ̍bā, a̍ Si̍ɛ̍fō, a̍ O̍nām.
24Si̍bīɔ̄ŋ pūa̍a̍ ndūa̍a̍ cho̍ E̍yā nda̍ A̍dā ni̍. A̍dā ko̍ŋ, ndu̍ sa̍a̍lu̍ŋ pe̍e̍ mɛ̄ŋmā būūlūmā tūūwa̍ŋ o̍ po̍llo̍ ni᷄ŋ bo̍o̍ndi̍i̍ o̍ wa̍ sōfɛ̍li̍a̍a̍ Si̍bīɔ̄ŋ fi̍nyā ndɔ̄ wa̍ māndāa̍ o̍ po̍llo̍ ni᷄ŋ nde̍ ni̍. 25A̍dā chūāūwāā ndūa̍a̍ cho̍ ha̍ā ni̍. Wānā pɔ̍nɔ̍ɔ̍ wa̍ Di̍sīɔ̄ŋ ni̍, wānā la̍nɔ̍ɔ̍ wa̍ Ōhōlība̍mā ni̍. 26Pūa̍a̍ Di̍sīɔ̄ŋ ve̍lū wa̍ cho̍ ha̍ā ni̍. Hɛ̍mi̍dāŋ, a̍ Ɛ̄si̍bāŋ, a̍ I̍tu̍lūāŋ, a̍ Kɛ̍lūāŋ.
27Pūa̍a̍ E̍sɔ̄ ve̍lū wa̍ cho̍ ha̍ā ni̍. Bi̍li̍hāŋ, a̍ Sa̍a̍vāŋ, a̍ A̍kāŋ.
28Pūa̍a̍ Di̍sīāŋ ve̍lū wa̍ cho̍ U̍sī nda̍ A̍lūāŋ ni̍.
29-30Pūa̍a̍ Ho̍lu̍a̍tīi̍ya̍ a̍ wa̍ bōlīī lāyu̍ŋgu̍e̍i̍ o̍ yu̍ŋgu̍la̍ yɛ̍ yɛ̍la̍ŋ chōo̍ wa̍ nda̍ cho̍ ha̍ā ni̍. Lo̍tāŋ, a̍ Si̍o̍bāl, a̍ Si̍bīɔ̄ŋ, a̍ A̍dā, a̍ Di̍sīɔ̄ŋ, a̍ E̍sɔ̄, a̍ Di̍sīāŋ. Bōlīī lāyu̍ŋgu̍e̍i̍ he̍ī ki̍nɛ̍i̍ a̍ yu̍ŋgu̍la̍ nda̍la̍ŋ Si̍ɛ̍ɛ̄ nda̍ wa̍ īchāli̍ ni̍.
Māsāa̍ wa̍ I̍dɔ̄m nda̍
(Ko̍lo̍ni̍kō Tāso̍o̍ 1:43-54)
31-39Lɔ̍ɔ̍pa̍ bɛ̍ɛ̍ mī I̍sɔ̄lūɛ̍i̍ya̍ ā hu᷄ŋ cha᷅l lɛ̄ŋndē I̍dɔ̄mnde̍ŋ, wānāa̍ wa̍ īchāli̍ lo̍ŋ nda̍ māsāa̍ ke̍e̍ku̍ nda̍ chōo̍ a̍ te̍le̍ŋnda̍ yɛ̍ yɛ̍la̍ŋ nda̍, nda̍ cho̍ ha̍ā lēpūlā ni̍.
Bɛ̍lā, po̍ Bi̍yɔ̄ɔ̄ wo̍, wānā wa̍ā Dīnīha̍bā chi̍e̍e̍, a̍
Cho̍ba̍bī, po̍ Sɛ̍lūā wo̍, fūlāa̍ Bōsi̍lūāā, a̍
Hu̍sām wānā wa̍ā o̍ būŋgɛ̄ī Tɛ̍māŋnde̍ ni᷄ŋ, a̍
Ha̍da̍dī, po̍ Bɛ̍da̍a̍dī wo̍, fūlāa̍ A̍vi̍tī chīe̍e̍. Māsāa̍ ho̍ō ndu̍ ye᷅m Mīdīāna̍tīi̍ya̍ o̍ chɔ̄ūwo̍ lɛ̄ŋndē Mo̍wa̍bīle̍ŋ ni̍, a̍
Sa̍mi̍lā wānā wa̍ā Māsīlu̍ɛ̍kā, a̍
Si̍ɔ̍ɔ̄l fūlāa̍ Lūɛ̄hōbo̍tī chi̍e̍e̍, o̍ Pīo̍o̍ Yūfi̍lu̍a̍tī hōlnɔ᷄ŋndo̍, a̍
Ba̍a̍l Ha̍dāŋ, po̍ A̍chi̍bɔ̄ɔ̄ wo̍, a̍
Ha̍da̍dī, fūlāa̍ Pa̍ū. Ndu̍ la̍a̍ ndɔ̍ wa̍ Mɛ̄hīta̍bɛ̄l ni̍, chūa̍ Mātīlu̍ɛ̍dī wo̍, Mɛ̄sāha̍bī chūā ndɔ̄ ma̍māa̍.
40-43O̍ pūlāle̍ I̍i̍sɔ̄le̍ŋ chōo̍ kāa̍le̍ I̍dɔ̄ma̍i̍tīi̍ya̍ lē fūla̍ ni̍. Bōlīī lāyu̍ŋgu̍e̍i̍ o̍ kāa̍le̍ I̍dɔ̄mnde̍ŋ chōo̍ nda̍ cho̍ ha̍ā ni̍. Ti̍mi̍nā, a̍ A̍li̍vā, a̍ Chɛ̍tɛ̄ɛ̄, a̍ Ōhōlība̍mā, a̍ Ɛ̍lāā, a̍ Pi̍nɔ̄ŋ, a̍ Ke̍na̍sī, a̍ Tɛ̍māŋ, a̍ Mi̍bi̍sāā, a̍ Ma̍ka̍dīɛ̄l, a̍ I̍lūām. Dīōlā bōlīī lāyu̍ŋgu̍e̍i̍ he̍ī ki̍nɛ̍i̍, la̍ŋ ko̍ni̍ nda̍ a̍a̍ ve̍e̍lū fo̍ndāŋndā yɛ̍ yɛ̍la̍ yu̍ŋgu̍la̍ la̍ŋ lā wa̍ īchāli̍ la̍ŋ ni̍.
Právě zvoleno:
Chɛ̄nɛ̍se̍ē 36: YM
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Kisi Bible © Bible Society in Liberia, 2015.