GENESIS 8
8
Pagliit ng tubig.
1At #Gen. 19:29; Ex. 2:24; 1 Sam. 1:19.naalaala ng Dios si Noe, at ang lahat ng may buhay, at ang lahat ng hayop na kasama niya sa sasakyan: #Ex. 14:21.at nagpahihip ang Dios ng isang hangin sa ibabaw ng lupa, at humupa ang tubig;
2 #
Gen. 7:11. Natakpan din ang mga bukal ng kalaliman at ang mga dungawan ng langit, at napigil ang ulan sa langit;
3At humupang patuloy ang tubig sa lupa; at kumati ang tubig pagkaraan ng isang #Gen. 7:24.daan at limang pung araw.
4At sumadsad ang sasakyan nang ikapitong buwan, nang ikalabing pitong araw ng buwan, sa ibabaw ng mga bundok ng #2 Hari 19:37; Is. 37:38; Jer. 51:27.Ararat.
5At ang tubig ay nagpatuloy ng paghupa hanggang sa ikasangpung buwan: nang ikasangpung buwan, nang unang araw ng buwan, ay nakita ang mga taluktok ng mga bundok.
Ang uwak at ang kalapati.
6At nangyari, pagkaraan ng apat na pung araw, na binuksan ni #Gen. 6:16.Noe ang dungawan ng sasakyan na kaniyang ginawa:
7At siya'y nagpalipad ng isang uwak, at ito'y nagparoo't parito hanggang sa natuyo ang tubig sa lupa.
8At nagpalipad siya ng isang kalapati, upang tingnan kung humupa na ang tubig sa ibabaw ng lupa.
9Datapuwa't hindi nakasumpong ang kalapati ng madapuan ng talampakan ng kaniyang paa, at nagbalik sa kaniya sa sasakyan, sapagka't ang tubig ay nangasa ibabaw pa ng buong lupa: at iniunat ang kaniyang kamay at hinawakan, at ipinasok niya sa sasakyan.
10At naghintay pa ng muling pitong araw; at muling pinalipad ang kalapati sa labas ng sasakyan;
11At ang kalapati ay nagbalik sa kaniya ng dakong hapon; at, narito't may dalang isang dahong sariwa ng olivo sa tuka: sa gayon ay naunawa ni Noe na humupa na ang tubig sa lupa.
12At naghintay pang muli siya ng pitong araw; at pinalipad ang kalapati; at hindi na muling nagbalik pa sa kaniya.
13At nangyari, nang taong ikaanim na raan at isa, nang unang buwan, nang unang araw ng buwan, ay natuyo ang tubig sa ibabaw ng lupa: at inalis ni Noe ang takip ng sasakyan at tumanaw siya, at, narito't ang ibabaw ng lupa ay tuyo.
14At nang ikalawang buwan nang ikadalawang pu't pitong araw ng buwan, ay natuyo ang lupa.
15At nagsalita ang Dios kay Noe, na sinasabi,
16Lumunsad ka sa sasakyan, #Gen. 7:13.ikaw at ang iyong asawa, at ang iyong mga anak, at ang mga asawa ng iyong mga anak na kasama mo.
17Ilabas mong kasama mo ang bawa't may buhay na kasama mo sa lahat ng laman, ang mga ibon, at ang mga hayop, at ang bawa't nagsisiusad na umuusad sa ibabaw ng lupa; upang magsipanganak ng sagana sa lupa, at #Ex. 1:22.magpalaanakin, at mangagsidami sa ibabaw ng lupa.
18At lumunsad si Noe, at ang kaniyang mga anak, at ang kaniyang asawa, at ang mga asawa ng kaniyang mga anak na kasama niya:
19Ang bawa't hayop, bawa't umuusad, at bawa't ibon, anomang gumagalaw sa ibabaw ng lupa ayon sa kanikaniyang angkan ay nangagsilunsad sa sasakyan.
Naghandog si Noe.
20At ipinagtayo ni Noe ng isang dambana ang Panginoon; at kumuha sa lahat na malinis na hayop, at sa lahat na malinis na ibon, at nagalay ng mga handog na susunugin sa ibabaw ng dambana.
21At sinamyo ng Panginoon ang masarap na #Ex. 29:18, 25, 41; Lev. 11:9; Ezek. 16:19; 20:40; 2 Cor. 2:15; Ef. 5:2; Fil. 4:18.amoy; at nagsabi ang Panginoon sa sarili, #Gen. 3:17; 6:17.Hindi ko na muling susumpain ang lupa, dahil sa tao, sapagka't ang #Gen. 6:5; Awit 51:5; Mat. 15:19; Rom. 1:21.haka ng puso ng tao ay masama mula sa kaniyang pagkabata; #Gen. 9:11; Is. 54:9.ni hindi ko na muling lilipulin pa ang lahat na nabubuhay na gaya ng aking ginawa.
22Samantalang ang lupa ay lumalagi, ay hindi maglilikat ang paghahasik at pagaani, at ang lamig at init, at ang tagaraw at taginaw, #Jer. 33:20, 25.at ang araw at gabi.
Právě zvoleno:
GENESIS 8: ABTAG
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ang Biblia © Philippine Bible Society, 1982