GENESIS 11
11
Ang tore ni Babel.
1At ang buong lupa ay iisa ang wika at iisa ang salita.
2At nangyari, na, sa kanilang paglalakbay sa silanganan, ay nakasumpong sila ng isang kapatagan sa #Gen. 10:10; 14:1, 9; Dan. 1:2; Zac. 5:11.lupain ng Sinar; at sila'y nanahan doon.
3At nagsangusapang, Halikayo! tayo'y gumawa ng mga laryo, at ating lutuing mabuti. At inari nilang bato ang laryo #Gen. 14:10; Ex. 2:3.at ang betun ay inaring argamasa.
4At nagsipagsabi, Halikayo! Magtayo tayo ng isang bayan natin at ng isang moog, #Deut. 1:28.na ang taluktok niyaon ay aabot hanggang sa langit, at magtaglay tayo ng isang ngalan; baka tayo'y mangalat sa ibabaw ng buong lupa.
Pagkakaroon ng iba't ibang wika.
5 #
Gen. 18:21. At bumaba ang Panginoon upang tingnan ang bayan at ang moog, na itinayo ng mga anak ng mga tao.
6At sinabi ng Panginoon, Narito, sila'y iisang bayan at silang lahat ay may isang wika; at ito ang kanilang pinasimulang gawin: at, ngayon nga'y walang makasasawata sa anomang kanilang balaking gawin.
7Halikayo! tayo'y #Gen. 1:26; Awit 2:4.bumaba at diyan din ay ating guluhin ang kanilang wika, na anopa't sila'y huwag magkatalastasan sa kanilang salita.
8 #
Luc. 1:51. Ganito pinanabog sila ng Panginoon mula riyan, sa #Gen. 10:25, 32.ibabaw ng buong lupa; at kanilang iniwan ang pagtatayo ng bayan.
9Kaya ang pangalang itinawag ay Babel; sapagka't doon ginulo ng Panginoon ang wika ng buong lupa: at mula roon ay pinanabog sila ng Panginoon sa ibabaw ng buong lupa.
Mga inanak ni Sem.
10 #
Gen. 10:22; 1 Cron. 1:17. Ito ang sali't saling lahi ni Sem. May isang daan taon si Sem at naging anak si Arphaxad, dalawang taon pagkatapos ng bahang gumunaw,
11At nabuhay si Sem, pagkatapos na maipanganak si Arphaxad, ng limang daang taon, at nagkaanak ng mga lalake at mga babae.
12At nabuhay si Arphaxad, ng tatlong pu't limang taon, at naging anak si Sala.
13At nabuhay si Arphaxad pagkatapos na maipanganak si Sala, ng apat na raan at tatlong taon, at nagkaanak ng mga lalake at mga babae.
14At nabuhay si Sala ng tatlong pung taon, at naging anak si Heber:
15At nabuhay si Sala pagkatapos na maipanganak si Heber, ng apat na raan at tatlong taon, at nagkaanak ng mga lalake at mga babae.
16 #
1 Cron. 1:19. At nabuhay si Heber ng tatlong pu't apat na taon, at naging anak si Peleg:
17At nabuhay si Heber pagkatapos na maipanganak si Peleg, ng apat na raan at tatlong pung taon, at nagkaanak ng mga lalake at mga babae.
18At nabuhay si Peleg ng tatlong pung taon, at naging anak si Reu:
19At nabuhay si Peleg pagkatapos na maipanganak si Reu, ng dalawang daan at siyam na taon; at nagkaanak ng mga lalake at mga babae.
20At nabuhay si Reu ng tatlong pu't dalawang taon, at naging anak si Serug:
21At nabuhay si Reu pagkatapos na maipanganak si Serug, ng dalawang daan at pitong taon, at nagkaanak ng mga lalake at mga babae.
22At nabuhay si Serug ng tatlong pung taon, at naging anak si Nachor:
23At nabuhay si Serug pagkatapos maipanganak si Nachor, ng dalawang daang taon, at nagkaanak ng mga lalake at mga babae.
24At nabuhay si Nachor ng dalawang pu't siyam na taon, at naging anak si Thare:
25At nabuhay si Nachor pagkatapos na maipanganak si Thare, ng isang daan at labing siyam na taon, at nagkaanak ng mga lalake at mga babae.
26At nabuhay si Thare ng pitong pung taon, #Jos. 24:2; 1 Cron. 1:26, 27.at naging anak si Abram, si Nachor at si Haran.
Ang sangbahayan ni Thare.
27Ito nga ang mga lahi ni Thare. Naging anak ni Thare si Abram, si Nachor, at si Haran; at naging anak ni Haran si Lot.
28At namatay si Haran bago namatay ang kaniyang amang si Thare sa lupaing kaniyang tinubuan, sa Ur ng mga Caldeo.
29At nagsipagasawa si Abram at si Nachor: ang pangalan ng asawa ni Abram ay #Gen. 17:15.Sarai; at ang pangalan ng asawa ni Nachor, ay #Gen. 22:20.Milca, anak ni Haran, ama ni Milca at ama ni Iscah.
30 #
Gen. 16:1, 2. At si Sarai ay baog; siya'y walang anak.
31At ipinagsama ni Thare si #Gen. 12:1.Abram na kaniyang anak, at si Lot na anak ni Haran, na anak ng kaniyang anak, at si Sarai na kaniyang manugang, asawa ni Abram na kaniyang anak; #Gen. 15:7; Jos. 24:2; Neh. 9:7; Gawa 7:4.at samasamang nagsialis sa Ur ng mga Caldeo upang magsipasok sa lupain ng Canaan, at nagsidating sila sa Haran, at nagsitahan doon.
32At ang mga naging araw ni Thare ay dalawang daan at limang taon: at namatay si Thare sa Haran.
Právě zvoleno:
GENESIS 11: ABTAG
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ang Biblia © Philippine Bible Society, 1982