MATTHAI 4
4
Jesu heema a umna
1Hu nungin Jesu chu diabol heema um diingin gamdai ah Hagau puiluut in a umta a. 2Huleh suun sawmli leh jan sawmli an ngawla a um nungin a gil ahung kialta a. 3Huin heemtu chu a hung a, a kawmah, Pathian Tapa na hih leh hi suang te tanghou suaah diingin thu pia in," a chi a. 4Hizongleh ama’n a dawng a, Mihing tanghou chauh in a hing sih diing a, Pathian kama thu chin pawt in a hing zaw diing chih gelh ahi, a chi hi 5Huin diabol in amah chu khopi siangthou ah a puitou a, Pathian biahinn siipzum ah a koih a, 6Huleh a kawmah, Pathian Tapa na hih leh kikekhesah in; ajiahchu hichibanga gelh ahi, Ama’n na tungtaang thu ah a angelte thu a pe diing a, a khut un ahung dom diing uh; huchilou inchu na keeng in suang khat na suikha zenzen diing, a chi a. 7Jesu’n a kawmah, Lalpa na Pathian ze-et sin chih gelh ahi jel hi, a chi a. 8Huleh diabol in amah chu taang saangpi khat tungah a pui kiit a, khovel lalgam zousiah leh a loupina uh a ensah a; 9Huleh a kawmah, Khupbohin hung be lechin hite zousiah ka hung pe diing hi, a chi a. 10Huin Jesu’n a kawmah, Hitah apatin chiah mang in, Setan; Lalpa na Pathian chu na biah diing a, amah nna chauh natoh diing ahi, chih gelh ahi, a chi hi. 11Huzohin diabol in a nuseta a, huleh ngai in, angelte a hung va, a nna a tohsahta uhi.
Jesu Galili gam a Kapernaum khua a, a teen
12Huchi'n John ankuang ah a khum uh chih Jesu’n a jah tahin Galili gam lamah a chiahta a. 13Huleh Nazareth khua nusia in, Zebulon leh Nephthalim gamkaih sunga um tuipi gei a um Kapernaum khua ah a va teengta hi. 14Zawlnei Isaiah in hichibanga ana thusoite ahung taangtun theihna diingin ahi, 15Tuipi lama Jordan gaal a, Zebulon gam leh Nephthalim gam, Jentelte Galili; 16Mial a tou mite’n vaah loupitah a mu uh; huleh sihna gam leh liima toute tungah vaah ahung suaahta hi, a chih chu, chi'n.
Jesu’n thusoi apatna leh nungjui masate a kouhna
17Hu huna kipanin Jesu in, Kisiih un; ajiahchu vaan lalgam a naita hi, chi'n thusoi a panta a. 18Huleh Jesu’n, Galili tuipi geia a vaah laiin, Peter kichi Simon leh, a sanggampa Andru tuipi a leensep a um a mu a; ajiahchu amahuh ngaman mi him ahi uhi. 19Huleh ama’n a kawmvah, Hung jui un, mihing mantuin ka hung siam diing, a chi a. 20Huleh amahun a leente uh nusepahin amah a juita uhi. 21Huleh hu a kipana chiah jelin, unau dang nih Zebedi tapate Jakob leh a sanggampa John chu a pa uh Zebedi toh kuang sunga a leente uh phoh a um a mu a; huleh amahuh a kou hi. 22Huleh amah un kuang leh a pa uh a nusepah va, amah a juita uhi.
Galili gam a Jesu natohna
23Huleh Jesu chu Galili gam pumpi ah a vaah lehleh a, a kikhopna inn bang vah thu a hilh a, lalgam tanchinpha soi in, mite laha natna chinteng leh damlouhna chinteng a sudam jel hi. 24Huleh Syria gam pumpi ah a min a thangta a; huleh amahun natna chi tuamtuam a damlou zousiah leh dawi matte, sibup veite leh zengte a kawmah ahung pui va, ama’n ana sudam jel hi. 25Huleh Amah chu Galili apat bang, Dekapoli apat bang, Jerusalem apat bang, Judia apat bang leh Jordan gallam apat banga hung mipi nasatahin a jui uhi.
Právě zvoleno:
MATTHAI 4: SIMTBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.
