Лука 23
23
ГЛАВА 23
(Зачало 110)
1И сето мноштво стана, па Го поведоа кај Пилата,
Крај на вторникот од Сирната седмица
2и почнаа#Четврток од Сирната седмица: Во она време, првосвештениците, книжниците и старешините народни Го поведоа Исуса кај Пилата, и почнаа да Го обвинуваат, говорејќи: – Го најдовме Овој како го бунтува народот наш и забранува да се дава данок на царот, и вели за Себе дека Он е Христос – Цар.
3А Пилат Го праша, велејќи: – Ти ли си Царот Јудејски? Он одговори и му рече: – Ти велиш.
4Пилат им рече на првосвештениците и на народот: – Јас не наоѓам никаква вина кај Овој Човек.
5Но, тие и понатаму велеа, дека Он го изопачува народот и поучува по цела Јудеја, почнувајќи од Галилеја па довде.
6А Пилат штом чу за Галилеја, праша: – Зар Овој Човек е Галилеец?
7И кога разбра дека е Он од областа Иродова, Го испрати при Ирода, кој во тие денови, исто така, беше во Ерусалим.
8Ирод, кога Го виде Исуса, се зарадува многу, бидејќи одамна имаше желба да Го види, зашто беше слушал многу за Него, па се надеваше да види некое чудо направено од Него,
9и Му поставуваше многу прашања, ама Он ништо не одговараше.
10Но, првосвештениците и книжниците стоеја и постојано Го обвинуваа.
11А Ирод, со војниците свои, кога Го понизи и Му облече светла облека, повторно Го испрати при Пилата.
12И во тој ден Пилат и Ирод станаа пријатели, оти порано беа скарани помеѓу себе.
13А Пилат ги повика првосвештениците и управниците, и народот,
14па им рече: – Ми Го доведовте Овој Човек како бунтовник на народот; а еве, јас пред вас Го испитав и не најдов кај Него никаква вина во она, за што Го обвинувате;
15и Ирод исто така, бидејќи Го испратив и кај него; и ете, Он не направил ништо, за што би заслужувал смрт;
16па, затоа ќе Го казнам и ќе Го пуштам.
17А тој требаше за празникот да им ослободи еден затвореник.
18Но сиот народ повика, говорејќи: – Земи Го Овој, а пушти ни го Варава!
19Варава беше фрлен во затвор, поради некаква буна во градот и убиство.
20Пилат одново извика гласно, дека сака да Го пушти Исуса.
21Но, тие викаа, велејќи: – Распни Го, распни!
22Тој, и по третпат им рече: – Та какво зло направил Овој? Јас не најдов во Него ништо, за што заслужува смрт; па затоа ќе Го казнам и ќе Го пуштам.
23Но тие постојано навалуваа со голем повик и бараа да биде распнат; и надвладеа нивниот вик и оној на првосвештениците.
24И Пилат пресуди да им биде според желбата нивна,
25и им го пушти затворениот, којшто беше во темница за бунт и убиство, за кого што молеа; а Исуса им Го предаде на нивната волја.
26И кога Го поведоа, го фатија некојси Симон Киринеец, кој се враќаше од нива, и му го кладоа крстот, за да го носи по Исуса.
27А по Него одеа многу луѓе и жени, кои плачеа и ридаа за Него.
28Но Исус, кога се заврти кон нив, им рече: – Ќерки ерусалимски, не плачете за Мене, туку плачете за себе и за своите деца;
29зашто, ете, наближуваат деновите кога ќе се рече: – блазе на неплодните и на утроби што не родиле, и на гради што не доеле.
30Тогаш ќе почнат да им велат на планините: – паднете врз нас; и на ридиштата: – покријте нѐ!
31Зашто, кога ова го прават со зеленото дрво, што ќе биде тогаш со сувото?
(Зачало 111)
32Водеа и двајца#Евангелие осмо за св. страданија Христови: Во она време, водеа со Исуса и двајца (Ова и на 6-от час на Вел. Петок). злосторници, за да ги погубат со Него.
33И кога дојдоа на местото, наречено Черепница, Го распнаа таму Него и злосторниците, едниот оддесно, а другиот одлево.
34А Исус рече: – Оче, прости им, оти не знаат што прават!
Изостави во четвртокот од Сирната седмица
И кога ги делеа алиштата Негови, фрлија ждрепка.
35А народот стоеше и гледаше; се потсмеваа заедно со народот и началниците, велејќи: – Други спаси, нека се спаси и Себеси, ако е Он Христос, избраникот Божји.
36Исто така и војниците се подигруваа со Него; приближувајќи се, тие му принесуваа оцет,
37и велеа: – Ако си ти Царот Јудејски, спаси се Самиот!
38А над Него имаше натпис, напишан на грчки, латински и еврејски: Овој е Царот Јудејски.
Читај на Вел. Петок, вечерта
39Еден од распнатите злосторници хулеше на Него, велејќи: – Ако си Ти Христос, спаси се Себеси и нас!
40А другиот, кога одговори, го искара и рече: – Зар и од Бога не се плашиш, кога си веќе и самиот осуден?
41Ние сме праведно осудени, зашто примивме заслужена казна според нашите дела; но, Он ништо лошо не направил.
42Па Му рече на Исуса: – Сети се на мене, Господи, кога ќе дојдеш во царството Свое!
43Исус му рече: – Вистина ти велам: денеска ќе бидеш со Мене во рајот!
Премини на Вел. Петок, вечерта, на зачало 113-то според Матеја
Читај во четвртокот од Сирната седмица
44А беше веќе околу шестиот час и настана мрак по целата земја, до деветтиот час;
45и сонцето потемне, и храмовата завеса се расцепи преку средината.
46И Исус извика гласно и рече: – Оче, во Твоите раце Го предавам Својот дух! И штом го рече тоа, издивна.
47А стотникот, кога виде што стана, Го прослави Бога и рече: – Навистина Овој Човек бил праведник!
48И сиот народ, кој беше се собрал да гледа, кога виде што стана, се враќаше со удирање в гради.
49А сите Негови познати, и жените кои Го следеа од Галилеја, стоеја подалеку и го гледаа тоа.
Крај на 8-то евангелие за св. страданија Христови и на 6-от час
50И ете, некојси, по име Јосиф, член на Советот, човек добар и праведен,
51тој не беше учествувал во Советот и во делата нивни, од Ариматеја, град јудејски, којшто и самиот го очекуваше царството Божјо,
52отиде при Пилата и го измоли телото Исусово;
53па Го симна и го обви во платно, Го положи во издлабен гроб, во кој уште никој не беше положен.
54Тој ден беше петок, и саботата веќе настапуваше.
55По него одеа и жените, кои беа дошле со Исуса од Галилеја, и го видоа гробот и полагањето на телото Негово;
56па, откако се вратија, подготвија мириси и миро, а во саботата одморија, според заповедта.
Крај на четвртокот од Сирната седмица
Právě zvoleno:
Лука 23: MK2008
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© Македонска Православна Црква 2008
© Мacedonian Orthodox Church 2008
