KEYUM KERO KANGKÉNNANE
KANGKÉNNANE
Keyum Kero emnamsi pílen ilene. So kitabso taleng kuppo sime pílen-ruulennam legangem, tani-taro daadi takamem pígangem, tani amoso paab keela ankí-kenoke legangem delokke Shédíke tanilo agér-anam ibosunam legang kídí takamem attung. Keyum Kero sime orek annyikope ipansulado:
1. Orek: Gomle 1 lokke Gomle 11 loope: So taleng kuppo simla sok araso duuna takam ato siro daadike ilen gange kadung. So kerayalum milo (Adam), delokke mime (Ib), Kain keelang Abel, Noah keelang tani amongsim asilok pulumnam delokke Babilonlo talengem píídope ekum mogang legang kídíe kayindung.
2. Orek: Gomle 12 lokke Gomle 50 loope: So Israel kídíke buku-neku legangem attung. So Shédíke agom-aangem arope tatla, bím míngkesula yéna Abrahamke legangem attung. Sok kékonlo, Abrahamke oo Isaakke legangem, Jakob (Israel emlate mínnam) ke legangem delokke Jakobke oo íying kolang annyi kídíke legangem attung. Bulu Israel opínem olenne delokke buluke aralokke akon Josephke legang emlang Jakob kela bíkke edung-erang kídíke Ijipt amolo dunggang kídíem atyintung.
Shédíbí tani aralo kapekísa tanike legape bíkke irisinyonam ayang agérem lengkantodí dekeme si kitabsi dooyingpe pokandung. Tanie kapekísape uyu ruutum (Tabí) me yatkosula paabem laalíksula delok sinam-nyoknamem paala Shédí keelok mootepe yélangkula uyuem ipak ila yékakudí, delokke dekepe yémemnem Shédíbí kapekísa íngkí-bengkíla idudí delokke bím míngkesunem kapekísape bí gagbomdudí deke legangem so kitabso paayé.
Konnying-mennyingke si kitabsi, Shédí kíng míngkesuyardope emla bím míngkesuna ami kídíke legangem atkanbila atname.
Kitab Sokke Orege
Taleng kuppo emla taniem pílen-ruulenname 1:1–2:25
Paab igoggela adír paalene 3:1-24
Adam keelok ila Noahke loope 4:1–5:32
Noah lang tani amoso puumu gíname 6:1–10:32
Babilonlo ponyuk ekum mogange 11:1-9
Shem keelok ila Abram keelope 11:10-32
Israelke buku kídíe, Abraham, Isaak, Jakob 12:1–35:29
Esauke otíng-oyine 36:1-43
Joseph lang bíkke bíro kídare 37:1–45:28
Ijipt amonglo Israel kídíke yéname 46:1–50:26
Právě zvoleno:
KEYUM KERO KANGKÉNNANE: adiBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.