Kawkanta 4
4
(Kanta ni Dabid)
Panalangin simpri nin ampahimalà ha Pangino-on
1Diyos ko ya ma-in kahampatan, tobayen mo dayi ya an-ipakirawat ko. Tinambayan mo ko ha kawkagipitan ko; kayà leng-en moy panalangin ko, ta lalò mo ko dayin ingalowan hapa-eg.
2Hikawoy tawtawo, anggan makano moyo ko insoltowen? Anggan makano moyo labiyen ya bawbagay ya ayin kowinta boy homonol ha alwan peteg?
3Habayti ya tanda-an moyo: imbokod ako nin Pangino-on nin para kona ta ma-in akon panlalabi kona. Anleng-en nin Pangino-on ya an-ipakirawat ko kona.
4Dapat kawon malimo ha Pangino-on boy itegen moyoy panggawà kasalanan. Mako kawo ha matinek ya dogal ta sori-en moyon mahampat ya sarili moyo. 5Pahimalà kawo ha Pangino-on, boy hay idolog moyo kona ay nararapat ya pangonsowilowan na.
6Malakè ya angkalabay nin hila ay magkama-in nin mangaganday bagay. Pangino-on, mangonsowilo ka dayi konnawen. 7Hay kaligawan ya inggawà mo kongko ay igit et ha kaligawan nin naka-alawah boy nakapilimpeh nin malakè ya pamamangan.
8Ha oras nin hiko ay mirà boy matoloy ay ma-in akon katinekan; agko mapangno ta hika, Pangino-on, ya mangilibri kongko.
Právě zvoleno:
Kawkanta 4: sblNT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2005, Wycliffe Bible Translators, Inc. All rights reserved.