Luk 1

1Gbɛ̃́ↄ ↄkpà yã́ pↄ́ kɛ̀ wá guu dau siua lá guu zɛ́zɛwa dasi, 2lá gbɛ̃́ pↄ́ aa dɛ yã́pi seeladeↄ ń a baokpanaↄ ũ za káauↄ òwɛ̃ɛwa. 3Tiasa mapi sↄ̃, lá ma wɛtɛ̀ yã́piↄi dodo za a daalɛawa, má è a maa mà kɛ̃nɛ zɛ́zɛ, ma gbɛ̃́ bɛɛɛde Teofili, 4kɛ́ ǹ e ǹ yã́ pↄ́ wa dànɛ sã́asã dↄ̃.

Malaika dↄaaa Zãa Da'ilɛna ia yã'oa

5Yude bùsu kí Elodi gↄↄ sa'onae ku, aà tↄ́n Zakali. A ku Abia sa'onaↄ gãli guuɛ. Aà na tↄ́n Ɛlizabɛti. Aalona buiɛ lↄ. 6An pla ḿpii aa maa Luaɛ. Aaìↄ ku tàaesai, aa Dii ikoyã ń yã́ pↄ́ a dìlɛↄ kũa. 7Aa nɛ́ vĩo, asa Ɛlizabɛtiá fĩiɛ, mɛ́ an pla ḿpii aa zikũ̀.

8Gↄↄ pↄ́ sa'oa kà an gãliwa, Zakali mɛ́ lɛ́ Lua gbagba. 9Lá sa'onapiↄ ì kɛwa, aa likpà, ↄ̃ lí Zakali sɛ̀ aà gɛ́ tulaletikai tɛ́a Dii kpɛ́u. 10Tulaletikpasagↄↄ bíla kã̀aa kpɛɛlɛ píi, aalɛ wabikɛ. 11Ɔ̃ Dii malaikae bↄ̀ mↄ̀wà, à zɛ̀ tulaletikatɛakĩi ↄplaai. 12Kɛ́ Zakali aà è, à bílikɛ̀, vĩa aà kũ̀. 13Ɔ̃ malaikapi òɛ̀: Ńsu to vĩa n kũo Zakali. Lua n wabikɛa sì, n na Ɛlizabɛti a nɛ'i gↄ̃ɛ ũ, ní tↄ́kpaɛ̀ Zãa. 14N pↄ a kɛ na, ńyↄ̃ yáalↄ, gbɛ̃́ↄ pↄnakɛ aà ia yã́ musu dasi, 15asa aↄ dɛ Diiɛ gbɛ̃zↄ̃ↄ ũɛ. A wɛ̃ ge í gbãae mio,#1.15 Nao 6.3 Lua Nisĩna aↄ dɛdɛawà za aà da gbɛɛuɛ. 16A to Isailiↄ zɛ ń Dii ń Luao dasi, 17a dↄaa Diiɛ ń Lua Nisĩna gbãa pↄ́ Ɛlia vĩ yãao. A to maeↄ lɛdoũkɛ ń ń nɛ́ↄ,#1.17 Mal 3.23-24 a to swã́yãmansaideↄ gbɛ̃maaↄ ↄ̃nↄ sɛ́. A gbɛ̃́ↄ kɛkɛ aaↄ ku sↄu guu Diiɛ.

18Ɔ̃ Zakali ò malaikapiɛ: Kpelewa má yã́pi sĩana dↄ̃i? Asa maezinan ma ũ, mɛ́ ma na zikũ̀ lↄ. 19Ɔ̃ malaikapi wèwà à mɛ̀: Mámɛ má Gabliɛli,#1.19 Dan 8.16, 9.21 miↄ zɛa Lua aɛ. Ɔ̃mɛ ma zĩ yã́pi oinɛ, mà baonapi kpanɛ. 20Ma, n lɛ́na a naalɛ, ńyↄ̃ fↄ̃ yã'oo e yã́pi gɛ kɛò, kɛ́ ni ma yã́ pↄ́ a kɛ a gↄↄwa sio yã́i. 21Gↄↄ bee sↄ̃ wàlɛ Zakali dã́. Aà gɛ̃gɛ̃a Lua kpɛ́u bↄ̀ ń saɛ. 22Kɛ́ à bↄ̀, i fↄ̃ yã'òńnↄo, ↄ̃ wa dↄ̃̀ kɛ́ à wɛ́pungu è Lua kpɛ́uɛ. Lá aà lɛ́na nàalɛ, ↄ̃ àlɛ yã'onɛ́ ń ↄo. 23Kɛ́ Zakali sa'ogↄↄ lɛ́ kà, ↄ̃ à tà a bɛ. 24Bee gbɛa aà na Ɛlizabɛti nↄsì, ↄ̃ à azĩa ùlɛ e mↄ sↄo à mɛ̀: 25Dii kɛ̀, à ma wɛ̃nagwà, à wibↄ̀mɛɛ.

Malaika dↄaaa Yesu ia yã'oa

26A mↄ soolode guu Lua malaika Gabliɛli zĩ̀ Galile wɛ̃́lɛ pↄ́ wì mɛ Nazalɛti guu. 27À gɛ̀ nɛnↄɛ lɛ́so pↄ́ aà tↄ́n Maliama kĩ́i. A gↄ̃kpama vĩ Davidi bui ũ, aà tↄ́n Yosɛfu. 28Kɛ́ malaikapi gɛ̃̀ aà kĩ́i, a òɛ̀: Fↄↄ báaade! Dii kunnↄɛ. 29Maliama bílikɛ̀ yã́piwa, à làasookɛ̀ à mɛ̀: Fↄ bee mi dɛa ni? 30Ɔ̃ malaikapi òɛ̀:

Maliama, ńsu to vĩa n kũo,

asa Lua báaadànguɛ.

31Ma! Ńyↄ̃ nↄsi, ní nɛ'i gↄ̃ɛ ũ,

ní tↄ́kpaɛ̀ Yesu.

32Aↄ dɛ gbɛ̃zↄ̃ↄ ũ, wàli oɛ̀ Musude Nɛ́.

Dii Lua a aà kpa aà dezi Davidi kpalau,

33iↄ dɛ Yakↄbu buiↄ kía ũ gↄↄpii,

aà kpala aↄ láaa vĩo.#1.33 2Sam 7.12, 16, Isa 9.6

34Ɔ̃ Maliama ò malaikapiɛ: Lá mi gↄ̃ɛ dↄ̃ yãao, bee a kɛ kpelewa ni? 35Malaika wèwà à mɛ̀:

Lua Nisĩna a dinɛ,

Musude gbãa i mↄma.

A yã́i nɛ́ pↄ́ ńyↄ̃ ipi kua aↄ adoa,

wàli oɛ̀ Lua Nɛ́.

36N daɛ Ɛlizabɛti nɛgↄ̃ɛ nↄsia sↄ̃ a zikũ guu. Nↄɛ pↄ́ wa dìlɛ fĩi ũpi kú ń nↄ̀ mↄ sooloo tia. 37Asa Lua lí fu yãewao.#1.37 Daa 18.14 38Ɔ̃ Maliama mɛ̀: Dii zↄ̀blenan ma ũ. Aà kɛmɛɛ lá ń òwa. Ɔ̃ malaikapi aà tò we.

Maliama gɛa Ɛlizabɛti gwai

39Gↄↄ bee Maliama fɛ̀lɛ gɛ̀ wɛ̃́lɛ pↄ́ kú Yude bùsu gusĩsĩdeu gↄ̃̀ↄ. 40À gɛ̀ Zakali bɛ, ↄ̃ à fↄkpà Ɛlizabɛtiwa. 41Kɛ́ Ɛlizabɛti Maliama fↄpi mà, aà nɛ́ vĩ̀vĩ aà gbɛɛ guu, ↄ̃ Lua Nisĩna dɛ̀dɛ Ɛlizabɛtiwa, 42Ɛlizabɛti wii gbãa lɛ̀ à mɛ̀: Báaaden n ũ dɛ nↄɛ píila. Báaaden nɛ́ pↄ́ kú ń gbɛɛu ũ lↄ. 43Bↄ́n ma ũ kɛ́ ma Dii da mↄ̀ ma gwaii? 44Gↄↄ pↄ́ ma swã́lɛ̀ n fↄwa lé, nɛ́ pↄ́ kú ma gbɛɛu vĩ̀vĩ ń pↄnaoɛ. 45Báaaden n ũ, asa ń sì yã́ pↄ́ Dii ònɛ a kɛ. 46Ɔ̃ Maliama mɛ̀: Báaaden n ũ, asa

Málɛ Dii tↄbↄ ma sↄ̃ guu,

47ma nↄ̀sɛ lɛ́ yáalↄ Lua ma Suabanawa,#1.47 1Sam 2.1

48asa à ma yãdà,

mapi aà zↄ̀blena pↄ́ mi ka pↄe ũo.

Za tia e gↄↄpii wàli omɛɛ báaadeɛ,

49asa Lua Gbãadepi yãzↄ̃ↄkɛ̀mɛɛ.

Aà tↄ́ kua adoa.

50Ì wɛ̃nadↄ̃ gbɛ̃́ pↄ́ aaì vĩakɛɛↄnɛ e ń buiwa.

51À a gã̀sĩ pòo à a gbãa ↄ̀lↄnɛ́,

à waladeↄ fã̀aa ń ń làasooↄ.

52À gbãadeↄ bↄ̀ kpalau,

à táaaↄ kã̀fĩ.

53À pↄmaaↄ kpà nↄandɛnaↄwa aa kã̀,

à ↄdeↄ gbàɛ ↄgii.

54À a zↄ̀blena Isailiↄ ĩ̀a,

an yã́ i sãaàguo.

55À wɛ̃nadↄ̃̀ Ablahaũ ń a buipiↄnɛ#1.55 Daa 17.7

lá à a lɛgbɛ̃̀ wá deziↄnɛwa.

56Maliama zↄ̃̀lɛ ń Ɛlizabɛtio lán mↄ àaↄ̃wa, ↄ̃ à gbàsa tà a bɛ.

Zãa Da'ilɛna ia

57Ɛlizabɛti nɛ'igↄↄ kà, ↄ̃ à nɛ'ì gↄ̃ɛ ũ. 58Kɛ́ aà fã́anideↄ ń aà daɛↄ mà lá Dii wɛ̃nadↄ̃̀ɛ̀, aa pↄnakɛ̀aànↄ. 59A gↄↄ swaaↄ̃de zĩ́ aa mↄ̀ tↄ̃zↄ̃i nɛ́piɛ,#1.59 Lev 12.3 aai aà mae Zakali tↄ́kpaɛ̀, 60ↄ̃ aà da mɛ̀: Aawo! Wàli oɛ̀ Zãa. 61Aa òɛ̀: Gbɛ̃e ku n daɛↄ guu, a tↄ́ bee vĩo. 62Ɔ̃ aa yã'ò aà maeɛ ń ↄo, kɛ́ aa e dↄ̃ lá a ye wà tↄ́kpaɛ̀. 63Zakalipi pↄ́ pↄ́ á e lákɛ̃wà gbɛ̀a, ↄ̃ a kɛ̃̀wà: Aà tↄ́n Zãa. Yã́pi bↄ̀ ń saɛ ḿpii. 64Wegↄ̃ↄ aà lɛ́na gòlɛ, à lɛbↄ̀ lɛ́ yã'o, àlɛ Lua sáaukpa. 65Ɔ̃ vĩa ń fã́anideↄ kũ̀ píi, ↄ̃ Yude bùsu gusĩsĩde gbɛ̃́ↄ lɛ́ yã́pi galikɛ píi. 66Ɔ̃ gbɛ̃́ pↄ́ aa yã́pi màↄ kũa ń nↄ̀sɛ guu aa mɛ̀: Bↄ́ nɛ́pi aↄ dɛ a ũ ziai? Asa Dii ↄliaaaàziɛ.

67Lua Nisĩna dɛ̀dɛ aà mae Zakaliwa, ↄ̃ à ãnabikɛkɛ̀ à mɛ̀:

68Wà Dii Isailiↄ Lua sáaukpa!

À mↄ̀ a gbɛ̃́ↄ bò.

69À Suaban gbãade bↄ̀wɛ̃ɛ

a zↄ̀blena Davidi bui guu,

70lá a dà a ãnabiↄnɛ aa ò za ziwa.

71Aa mɛ̀ a wá sí wá ibɛɛↄwa,

a wá bↄ gbɛ̃́ pↄ́ zawágupiↄ ↄzĩ.

72Màa à wá deziↄ wɛ̃nagwà,

aà bàa pↄ́ kúńnↄ yã́ i sãaàguo.

73À lɛgbɛ̃̀ wá dezi Ablahaũɛ#1.73 Daa 22.16-18

74à mɛ̀ á wá bↄ wá ibɛɛↄ ↄzĩ,

í wá gba zɛ́ wà zↄbleɛ vĩasai,

75wá kua iↄ adoaɛ̀ gbɛ̃maaↄ ũ

e wá wɛ̃ni lɛ́u.

76Mpi sↄ̃ ma nɛ́, wàli onɛ Musude ãnabi,

asa ḿmɛ ńyↄ̃ dↄaa ǹ zɛ́ kɛkɛ Diiɛ.#1.76 Mal 3.1

77Ńyↄ̃ to aà gbɛ̃́ↄ dↄ̃ lá a ń suaba,

lá a ń duuna kɛ̃́má,

78kɛ́ wá Lua nↄ̀sɛ sósobi vĩ yã́i.

Bↄa musu a mↄ wá gwai lá gu ì dↄwa,

79i gupu gbɛ̃́ pↄ́ kú gusiauↄnɛ

ń gbɛ̃́ pↄ́ kú ga lɛ́zĩↄ,#1.79 Isa 9.1

i wá gbá pɛ́lɛ aafia zɛ́u.

80Nɛ́pi zↄ̃ↄkũ̀ à gↄ̃̀ kã́gbãade ũ. A ku gbáau e gↄↄ pↄ́ à bↄ̀ gupuau Isailiↄwa.

Právě zvoleno:

Luk 1: BBL2010

Zvýraznění

Sdílet

Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas

Zjisti více o Bòó Bibeli Luayãtaala

Oblíbené biblické verše z
Luk 1

Poslouchat Luk 1

Videa pro Luk 1

Lukáš 1:1-56

Lumo Project

Lukáš 1:57-2:40

Lumo Project

Luk 1

Oblíbené biblické verše z
Luk 1

Poslouchat Luk 1

Videa pro Luk 1

Lukáš 1:1-56

Lukáš 1:57-2:40

Bible:

Boko

Překlad: Bòó Bibeli Luayãtaala - BBL2010

Luk 1

Luk 1

Oblíbené biblické verše z Luk 1

Poslouchat Luk 1

Videa pro Luk 1

Lukáš 1:1-56

Lukáš 1:57-2:40

Bible:

Boko

Překlad: Bòó Bibeli Luayãtaala - BBL2010

Luk 1

Oblíbené biblické verše z
Luk 1