Yun 2
2
Yunusa ta maga duʼa da Yawe
1Ka ghunadaghatá Yawe ta klipi dagala ka ndutá Yunusa, ka nzatá Yunusa ma huɗa tsa klipi ya ka vaghu hkən nda rviɗik hkən. 2Ka mag Yunusa ta duʼa da Yawe, Lazglafta ni, ma huɗa klipi. 3Kaʼa mantsa:
« Ma tulekatá iʼi, ka hgaŋtá yu ta Yawe,
ka zlghiftá tsi ta tawa ɗa.
Daga ma huɗa həga mtaku, ka wahatá yu,
ka snaŋtá ka ta lwa ɗa.
4Vzagha vza ka ta iʼi da gudzuvruŋ,
da duda drəf,
ka waɗiftá zala.
Inda vavalakwa drəfa gha, nda wəwərakwa ima gha ná,
ta ghəŋa iʼi kapatsaʼuwakwa tsi.
5Ka yu mantsa:
“Ghəzliɗis ghəzla ka ta wa ira gha,
tsaw dzaʼa nghəglaŋ ngha yu ta həga gha nda ghuɓa.”
6Ghwef ka imi lafi da ŋurzluŋa ɗa,
ka waɗiftá duda imi,
ka mbsamtá zamba ta ghəŋa ɗa.
7Ka zaghatá yu dikw ta thatá mndəra ghwáha.
Ka hamtá həndilha haɗik ta iʼi ŋa ɗekɗek,
ama kagha Yawe, Lazglafta ɗa,
ka kligiɗtá ka nda hafu ma gudzuvruŋ.
8Ma fitika nzakwa ɗa ta sliʼefsliʼefa,
ka havaktá yu ta Yawe.
Ka ɓhavaghatá duʼa ɗa
ma həga gha nda ghuɓa.
9Gwal ta tsəlɓu ŋa skwa wuyay kul haɗ hayhaya ni ná,
ta zluŋ zla həŋ ta tsəha mbaku.
10Ama iʼi, nda lwa rfaghaghatá,
dzaʼa plagha pla yu ta ghəŋ.
Dzaʼa magay yu ta skwi ya waɗa yu.
Ta sagha da Yawe mbaku, » kaʼa.
11Ka gwaɗganatá Yawe ta klipi, ka vnihidiŋtá tsi ta Yunusa ta haɗik.
Právě zvoleno:
Yun 2: xed
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© Wycliffe Bible Translators, Inc. All rights reserved.