San Lucas 14:34-35

Mag amach nem isegmapham khʉʉn igwi iekhakhagmamua ĩchab, —Thakharan chadcha nem ajaphamʉugui ajim anʉm; mamʉ mag sim nakha aadekhiin, ¿khanthee serbiiju? Pod bʉ̃ʉrjã agua nem phoju khaba, ni jẽb phʉichichag dʉi waaureunaa nemjĩir bʉ khuagjã serbiiba sĩsiju. Mag serbiiba sĩsiewai sĩi barpʉijugui ajim anaabá. Ich jãgaugui ajim anʉm ĩchab ar mʉ iek ʉkhamaaugau amach nem khõchag thum isegba nʉm khʉʉnjã. Keena, jʉ̃g ʉ̃rʉʉnaa cha mua jaau chirʉm ajapha ũrbat a jaaumajim aajem, ich Jesuu.