THILSIAM THU 10
10
Noah Ah Kipat Namte Chu
(1 Kh 1.5-23)
1Ziate hi Noah chapate: Shem, Ham leh Japheth suante chu a hiu ah; tui lêt nung ah chun chapate a nei chiat un.
2Japheth suante chu: Gomer, Magog, Madai, Javan, Tubal, Meshek leh Tiras a hiu a.
3Gomer suante chu: Ashkenaz, Riphath leh Togarmah a hiu a.
4Javan suante chu: Elisha, Tarshish, Kittim leh Dodanim a hiu a.
5Amau chu thialkâl leh tuisuagiat pâm ah chêngte suantu bulte chu a hiu a. Ziate chu Japheth suante, amau nam dungzui ah gambung chuam chuam ah, amau pau jat chuam dungzui ah chêngjakte chu a hiu a.
6Ham suante chu: Kush, Aigupta, Put leh Kanaan a hiu a.
7Kush suante chu: Sheba, Havilah, Sabtah, Raamah leh Sabteka a hiu a. Raamah suante chu: Sheba leh Dedan a hiu a.
8Kush chu Nimrod pa ahi’n; ama chu lei chung zosia ah mihat chungnung minthang masa pen ahi.
9Ama chu Lalpa ma ah chun gamvâk hat tak a hung hita’n; ziaziakchun, ahi, “Lalpa ma ah gamvâk hat Nimrod tawhbang in,” a ti sek uh ahi.
10A hung lal patna chu Shinar gam ah Babel khua, Erek khua, Akkad khuate hi ahi.
11Zia gam ah kipat chun a pawtdok ah, Assuria gam ah Nineveh khua, Rehoboth-ir khua tawh, Kalah tawh,
12Nineveh leh Kalah khua kikâl ah Resente hi a hun siamdok ah; Resen chu khawlian tak ahi.
13Aigupta chun Lud, Anam, Lehab, leh Naphtuh,
14Pathrusim, Kasluhim leh Kaphtorim a hing ah, (ziate hi Philistinte suantu bul a hiu).
15Kanaan chapa upa pen chu Sidon ahi’n; chuleh, Heth#Heth suante hi Hit mite a hiu tawh,
16Jebus, Amor, Girgash,
17Hiv, Arkat, Sin,
18Arvad, Zemar tawh Hamathte hi a hing ah. Ziate nung ah chun Kanaan namte chu a kithejak tau hi.
19Kanaante gamgi chu Sidon khua ah kipat Gerar lam zuan in, Gaza khua tiang in; Sodom leh Gomorrah leh Admah, Zeboim lam zuan ah Lasha khua tiang ahi.
20Ziate chu Ham suante, amau nam dungzui leh amau pau dungzui in, amau gam chiat leh amau jat chiat ah a chên dan uh chu ahi.
21Japheth u, Shem chu Eber chate zosia suanpa chu ahi’n; ama ah kipat in chate a la piang ui.
22Shem suante chu: Elam, Asshur, Arpaksad, Lud leh Aram a hiu a.
23Aram suante chu: Uz, Hul, Gether leh Mash a hiu a.
24Arpaksad in chapa Shelah a hun nei ah; Shelah chun chapa Eber a hun nei a.
25Eber in chapa pani a nei ah: pakhat min chu Peleg ahi’n, ama dam lai ah chun lei hi khen in a la um ta’n; a suapipa min chu Joktan ahi.
26Joktan in chapa Almodad, Sheleph, Hazarmaveth, Jerah,
27Hadoram, Uzal, Diklah,
28Obal, Abimael, Sheba,
29Ophir, Havilah tawh Jobabte hi a nei in, ziate hi Joktan suante ngen a hiu a.
30Chuleh, a umnau gam chu Mesha ah kipat sualam tâng Sephar lam, thingtâng tiang in a kithung hi.
31Ziate chu Shem suante, amau nam leh pau dungzui ah, a gam leh a jat dungzui chiat ua a chêndan uh chu ahi.
32Ziate chu Noah suante ah kipat namte chu a hiu ah; ziate ah kipat hin tui lêt zaw nung in, khawvel pumpi huap ah chêng dingin thejak in a la um tau ahi.
Právě zvoleno:
THILSIAM THU 10: VAIPBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.