Oblíbené biblické verše z Matyu 7

Sdílet

Ag Kayak unuqidppeg, Nug ag madakku. Ag mattina, ag anidkkulag. Ag od qeqalppeg, Kayak Nug ahilagnu od matulkku.

Aun nug Kayak unuqidtte, nug aotte. Aun nug maditte, nug anidtte. Aun nug od qeqaltte, Kayak Nug od matultte.

Amunu danab nug nai dahil imu doya dim lamidtte amu, nug danab laa doyak dabmak ena ele, nug danab laa men qaɗeppa lag ukku aɗe, men aɗa dayeye, aria dimppa nug amu attan lag heum bia daatte.

Anam amunu, ag dahilad ag danab ag kobol atten ahilagppa hekkulagnu oolag daatte, ag kobol amuib ahilagppa heig! Ɗo nai, amu propet nai ele amuib ippunigkkunu daatte.

Amge ib bauklel abenppa ukkak amu, nuhig od am hogogdoak, ib ele am hogogdoak amunu, danab ah laippu laippuib ag ib amu anidna gotteb.

Ag ib laa, ib amu oɗeppan od hogogdoak ele, ag amuppa noig! Aɗinu? Ib okkai padal mak abenppa gotte ele amu, nuhig od am okkainab, am danab ah kuɗum ag ib amu dim lamidtteb.

amunu, ag nau aɗi ag genab keeke ena ag nid ahilkad mattaglagnu dootteb dayeb, genabnab ag Mamelag, hab attan daatte, Nug danab ag Nug unuqidppeg, Nug keeke ena ag madakku.

Ag laa dilag ⌊oo ɠagattagppa⌋ aib epeɗiadppig. Ag anam epeɗiadkkulag dayeb amu, ag ele epeɗiak amubia aoglag. Aɗinu? Ag laa dilagppa epeɗiak kobol attenppa epeɗiadppeg amu, ag epeɗiak kobol amuppa aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag.

Amge danab nug nai dahil doya ii dim lamidtte amu, nug am dabmak tutukku iittappa keeke laa hak danab, nug danab laa ihi qaɗeppa lag ukku aɗe, ihi aɗa dayeye, aria dimppa nug amu attan lag heum bia daatte.

Aɗinu na layap amegppa ad huppu nagnag gikkiakppanu daatte, na amunu neegttem, amge na nakka amenppa ad imuag laa daatte, na amunu dab-ii-mettem? Na dabmak attem aona, na layap amegppa, ‘Lai, da ad huppu nagnag gikkiakppanu na amenppa daatte amu aokkulnu hettem,’ attem? Na anam attem, amge na nakka na amenppa ad imuag dayakib daatte.

Ag propet hambuppuak dilag dabmeig! Propet hambuppuak ag, ‘Da Kayak ippu ippunadttem,’ aon atteb, amge amuam nai hambuppuak. Propet hambuppuak ag wulp sipsip emala lakkunu, sipsip gaɗa awa ma, sipsip oolagppa oitte, ag amubia oitteb. Ag propet hambuppuak dilag hakppa ag am propet hambuppuak anadna dooglag. Danab ah ag grep meu ad naunau qaun eleppanute aotteb? O ag ad fig meu uud qaun eleppanute aotteb? Iittanab.

Anam amunu, ad ena oh ag meulkad ena otteb, amge ad nau ag meulkad nau otteb.

Ad ena nug meu nau okkunu elele iitta; aria, ad nau nug meu ena okkunu elele iitta.

Ad oh, ag meu ena ii otteb ele amu, danab ag oadna, aab aɗuppa akkaeg teeg eotteb.