Oblíbené biblické verše z Matie 14

Sdílet

-Mɔ, 'ɔ 'ye lɛ "gu pepe 'ylime ne, nyanɔ lɔbhɔ -lɔ, 'ŋu -ko Piɛle mɛnɛ dɛku, "ne 'ɔ yi -lɔ "me 'kpa nɛɛ: «"Bhenyɔ, 'fuɔ -ame!» Cuu ne, Zezu yi -lɔ sɔ "me 'glo, "ne 'ɔ yu -lɔ sɔ 'sale, "ne 'ɔ yu -lɔ bhulɛle- nɛɛ: «'Nyɔkpɔ -nyɔ 'na 'dlekukɛleɛ "ne 'kpɔ- 'ye -e -noɔ -lɔ, sɔɔbɛɛza 'e "ne bhɔ 'dleku -kɛle 'a?»

-Mɔ, 'ɔ 'ye lɛ "gu pepe 'ylime ne, nyanɔ lɔbhɔ -lɔ, 'ŋu -ko Piɛle mɛnɛ dɛku, "ne 'ɔ yi -lɔ "me 'kpa nɛɛ: «"Bhenyɔ, 'fuɔ -ame!»

"Ne Zezu yua -lɔ bhulɛle- cuu nɛɛ: «'A 'piɛ "bhle 'dle! -Ame yɔ -lɔ, -mɔ, 'a te 'gu!»

"Ne Piɛle yi -lɔ weli "ku 'libhi, "ne 'ɔ yu -lɔ bhulɛle- nɛɛ: «"Bhenyɔ, 'ɛ kɛ 'diɛɛ -eyi yɔ, 'gbɔ -se 'e "kɛ 'ŋu "klo 'nɔŋo, -se 'e "kɛ -eyi lo yili-.» "Ne Zezu yu -lɔ bhulɛle- nɛɛ: «yi!» Piɛle 'kwli- gɔlo "me "zo, "ne 'ɔ yi -lɔ Zezu lo mele- 'ŋu "klo.

"Ne 'ɔnɛɛ gɛlenya -wa -ko nɛ "ɛ gɔlo "me -wɛ yu -lɔ -kokomini 'yliku "pɔle "ne 'wa yu -lɔ no nɛɛ: «'Diɛɛ, Lagɔ 'na yu 'ye -e -noɔ -lɔ.»

"Ne Zezu yua -lɔ bhulɛle- nɛɛ: «'Wa te me, -mɔ 'a "nyoa 'ayigɛsɛ lilɛ!» "Ne 'wa yi -lɔ Zezu bhulɛle- nɛɛ: -A -su "fɔlɔ -bhi 'umgbu "ne zibhia -yɛ "sɔ.

Zezu nɛɛ: «'A -nɛme -ame "ɛ "fɔlɔ -nyɛ zibhia -wɛ "bhaa.» "Ne Zezu yi -lɔ "ɛ -zakpɛ -wɛ no -gbɔ 'wa 'gli -duku -piti "klo. "Ne 'ɔ yi -lɔ "ɛ "fɔlɔ -bhi 'umgbu -nyɛ zibhia yɛ "sɔ "bhaa "ku 'libhi, "ne 'ɔ yi -lɔ "nɔgɔ "me 'wolo-, "ne 'ɔ yi -lɔ bhubhɔ, "ne 'ɔ yi "ɛ "fɔlɔ -wɛ "me didile-, "ne 'ɔ 'yi -lɔ 'ɔnɛɛ gɛlenya kɔ 'je -se 'wa 'cɛ -zakpɛ 'dlilia.

'Nyakpa 'klekle -li, 'wa -lo. "Fɔlɔcibhi "ne zibhia -ɛ -to "ku -wɛ -bhli 'awɔ 'gbɛɛ kogbɔ "sɔ.