Oblíbené biblické verše z Lǔka 21

Sdílet

Pô̤̌khô sî glè̌ hǎplǎkè wô̌wô̌bǎbǎ kè kû̌ ta̤ glè̌ htûhtò̌ pě, htotô̤̌ pô̤̌khô sî glè̌ ihtǒ dǒ Kòyòphû̌khû mî̌he a lô̤mô̤̌ pě nudě, sòklò dě kwicaba lô̌khô pṳ̂̌꤮ taplǎ nî̌꤮.”

“Sè̌rè̌ lô̌khô sînǎ̤ nî̌. Bǎ sî ǎmuômu akha sî ma̤bǐma̤ô̌ tǎ̤ nutokhlǒ bǎbǎ, sî gènè̤ lô̌khô kû̌ sî ta̤ô̌htûpwa̤ dǒ hǎkhû̌hǒo tôhtu tokhlǒnu bǎbǎ, Ma̤hǎbòkè tǎ̤ sî ta̤shěta̤khǎ kû nutokhlǒ tǎ̤mǎ̤ nî̌. Hî̌pěmî̌ Kòyòphû̌khû mî̌ he glè̌ hètǒ̤tîkhî dǒ sî ô bǎ sî gènè̤htò̌tǒ̤ tô̤̌ nutôni̤ nutôsa pě.

Ô̌měô̌gle lô̌khô dě sî glè̌ ma̤hǎplǎkè tûû̌ sînǎ̤ pě.

Ma̤titè̤̌hî̌dě, ta̤hî̌bǎjò kû̌ ta̤sî̌ta̤jò̌ dǒ kòyò sǎkhě sîtokhlǒ glè̌ hî̌ge shěshu jò pe sî tôpwǎ̤꤮ tô̤̌ tokhlǒ, he glè̌ ǐ sî pě.

Mǒkhû̌ kû̌ hǎkhû̌ glè̌ hǎmǎkè pě bǎbǎkǎlè helě̤heyô̤̌ nu a hǎmǎkè pè̤̌ takhò̌꤮ tô̤̌.

“Ta̤ma̤mǎnǎ khô̌ tokhlǒ glè̌ ô̌lṳ̌htò̌lṳ̌ dǒ lṳmṳ̌kû, lakû, shǎ sîtokhlǒ akû pě, dǒ hǎkhû̌ nu, shi kû̌ shidû̌tewe̤ akû tokhlǒ pěpǒ tewe̤ hèdû̌ akhû̌akhî, shigǎ pṳ̂̌tôbǎ glè̌ ta̤tirǐsò̌ ǐsha bò dě a glè̌ htò̌shepe̤ lǒ̤bò asî pě. Ta̤hǒo tokhlǒ glè̌ htûhtò̌ bò hǎkhû̌ tôběbò pě, htotô̤̌ Cǒmara glè̌ ma̤guyṳ̌kacè̌ lǒ̤꤮ bò mǒlǎ̤ a ta̤pô̤ta̤phǎ nutokhlǒ pě akhû̌akhî, kòyò tokhlǒ glè̌ tirǐsò̌ ǐsha lǒ̤bò pě. Htodě asî glè̌ kè̌shǐ lô̌khô Kòyòphû̌khû glè̌ hèlò̤ dǒ poǒlṳ̌kla pě, dě he glè̌ ô̌lǒbe kû̌ he ta̤pô̤ta̤phǎ kû̌ he ta̤bwǐdû̌sîrîhtû dǒ ashû̌asho hǒnutokhlǒ pě.

Dǒ hekhû̌hekhî dě kòyò pṳ̂̌꤮ tôpwa̤ glè̌ sǎkhě bò sî pě.

Tanahtû̌de glè̌ ô̌htò̌ta̤lǎ̤ pṳ̂̌kû dǒ hǎkhû̌nu tûkû hto tûkû pě. Gǎwǐ̤gǎko kû̌ ta̤shawǎ̤nṳ̌ tokhlǒ glè̌ ô̌htò̌ dǎshidǎgǎ wô̤̌lî dǒ gûlǎ̤ pṳ̂̌꤮ tûkû pě. Ta̤tirǐsò̌ ǐsha tokhlǒ kû̌ ta̤ma̤nǎ dǒ a cô̌klǐcô̌sè tokhlǒ ô̌lṳ̌htò̌ dǒ mǒlǎ̤ pě.

Bǎ sî ganǎ̤de ta̤shěta̤pè̤̌ kû̌ ta̤shû̌shushû̌shǎ ô̌htò̌ akhanu, ǐsha bǎyô̤ tǎ̤ lô̌khô tǎ̤mǎ̤ nî̤̌꤮. Ma̤titè̤̌hî̌dě ta̤ lǒ̤꤮ bònu, a bǎ ô̌htûhtò̌ bòwǐ khlo pě bǎbǎkǎlè hǎkhû̌gutṳ̌ hètǒ̤nu mè̤̌khôtô̤.” Yeshǔ hî̌ pô̤̌ kû̌, “Kòyò khliphû̌ tocǒ kû̌ tocǒ glè̌ sǎkhě lû̌û pě. Shigǎ tôgǎ kû̌ tôgǎ glè̌shěpě̤ lû̌û pě.

“Ta̤ma̤mǎnǎ khô̌ tokhlǒ glè̌ ô̌lṳ̌htò̌lṳ̌ dǒ lṳmṳ̌kû, lakû, shǎ sîtokhlǒ akû pě, dǒ hǎkhû̌ nu, shi kû̌ shidû̌tewe̤ akû tokhlǒ pěpǒ tewe̤ hèdû̌ akhû̌akhî, shigǎ pṳ̂̌tôbǎ glè̌ ta̤tirǐsò̌ ǐsha bò dě a glè̌ htò̌shepe̤ lǒ̤bò asî pě. Ta̤hǒo tokhlǒ glè̌ htûhtò̌ bò hǎkhû̌ tôběbò pě, htotô̤̌ Cǒmara glè̌ ma̤guyṳ̌kacè̌ lǒ̤꤮ bò mǒlǎ̤ a ta̤pô̤ta̤phǎ nutokhlǒ pě akhû̌akhî, kòyò tokhlǒ glè̌ tirǐsò̌ ǐsha lǒ̤bò pě.

Yeshǔ hî̌ pô̤̌ kû̌, “Kòyò khliphû̌ tocǒ kû̌ tocǒ glè̌ sǎkhě lû̌û pě. Shigǎ tôgǎ kû̌ tôgǎ glè̌shěpě̤ lû̌û pě.

Yeshǔ hî̌shěshu asî kû̌, “Pô̤̌khô kòyò glè̌ lô̌ǐplò̤ǐlòhô cû̌nṳ̌ tǎ̤ sî tǎ̤mǎ̤nu, ô̌sèrèsòklò lô̌khô sînǎ̤ nî̤̌꤮. Kòyò dǒ a glè̌ hè dǒkôǐ lòhô lô̌khô anǎ̤ kû̌ hemi̤ pěnu a ô̌ wô̤̌lî pě, dě a glè̌ dǒkôǐ lòhôlò̤ ǐtû̌ lô̌khô anǎ̤ kû̌, ‘he mî̌ Khrǐ hǒ,’ dě ‘shěkhǎ phǔtǒ̤ hǒ,’ pô̤̌nu pě bǎbǎkǎlè gû̌kû̌ tǎ̤ lôkhô asîkò tǎ̤mǎ̤ nî̤̌꤮.