Oblíbené biblické verše z मत्ती 13

Sdílet

जे बिहन ला बढ़िहां भुईयां में बूनल गए रहीस, एहर ओ मईनसे लागे जेहर बचन ला सुनथे अऊ ओला समझथे अऊ ओहर जरूर फर लानथे, कोनो हर सवो गुना, कोनो हर साठ गुना अऊ कोनो हर तीस गुना।”

जे बिहन हर भूंदरा कर मझारे बूनल गए रहीस, एहर ओ मईनसे लागे जेहर बचन ला सुनथे, बकिन जिनगी कर फिकर अऊ धन कर लालच हर, बचन ला दबाए देथे अऊ ओहर फर नई लाने।

जब कोनो मईनसे हर सरग राएज कर बचन ला सुनथे अऊ ओला नई समझे, त जे बचन हर ओकर हिरदय में बूनल रथे, ओला ओ दुस्ट सैतान हर छीन लेथे। एहर ओही बिहन लागे, जेहर डगर कर धरी में बूनल गए रहीस।

अऊ जे बिहन हर पखनोरिया भुईयां में गिरे रहीस, ओहर ओ मईनसे लागे, जेहर बचन ला सुनथे अऊ तुरतेंच ओला आनंद कर संगे माएन लेथे। बकिन अपन में जएर नई धरे कर चलते, ओहर चटिक समय बर ठहरथे। बकिन जब बचन कर चलते आफेत अऊ सताव आथे, त ओहर तुरतेंच बचन ले दुरिहां होए जाथे।

सरग कर राएज हर एगोट खेत में लुकावल खजाना कस हवे, जेला एगोट मईनसे हर पाईस अऊ ओहर ओला फेर लुकाए देहीस, तब ओहर खुसी कर मारे गईस अऊ अपन सबेच जाएत ला बेंच के ओ खेत ला बेसाए लेहीस।

बकिन चटिक बिहन मन बढ़िहां भुईयां कर उपरे गिरीन अऊ फर लानीन कोनो सवो गुना कोनो साठ गुना कोनो तीस गुना।

लुवाई कर घरी तक दुनो ला संगे-संगे बाढ़े देआ, लुवाई कर घरी मंए लुवईया मन ला कहूं कि आगू जंगली गांछी मन ला सकेला अऊ लेसे बर ओमन ला भिंडा बांएध लेआ। तब गंहू ला सकेल के मोर कोठार में ले लाना।”