Oblíbené biblické verše z ငဝ်ႈၵမ်ႇၽႃႇ 4

Sdílet

ပေႃး​မႂ်း​ႁဵတ်း​လီ​ၸိုင်၊ မႂ်း​ဢမ်ႇ​လႆႈ​ဢၶႂၢင်ႉ​ႁိုဝ်။ ပေႃး​ဢမ်ႇ​ႁဵတ်း​လီ​ၸိုင် ဢပႅတ်ႈ​ၶုပ်ႉ​မူပ်ႇ​မီး​ယူႇ​ႁိမ်း​ၽၵ်း​တူ​ဢေႃႈ။ မၼ်း​တၵ်း​ၸွမ်း​ဢလူဝ်ႇ​မႂ်း​လႄႈ မႂ်း​တၵ်း​လႆႈ​ဢုပ်ႉ​ပိူင်ႇ​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

သေႇထႃႉ ​ၵေႃႈ​မီး​လုၵ်ႈ​ၸၢႆး​လႄႈ ႁွင်ႉ​ႁဵၵ်ႈ​ၸိုဝ်ႈ​ ဢေးၼုတ်ႉ ​ဢေႃႈ။ ၼႂ်း​ၶိင်ႇ​ၵႃႇလႃႉ​ၼၼ်ႉ​ၶဝ်​ၸႃႉ​ႁွင်ႉ​ႁႃ ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး​ဢေႃႈ။

ထႃႇဝရႃႉ​ၽြႃး​ၵေႃႈ ထၢမ်​တီႈ​ ၵႃႇဢီႉၼႃႉ ​လႄႈ​ဝႃႈ၊ ၼွင်ႉ​ၸၢႆး​မႂ်း ဢႃႇပေႇလႃႉ ​ၸိုင် မီး​ၵႃႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​ဢမ်ႇ​ႁူႉ​တီႈ​ၶႃႈ၊ ၶႃႈ​ၸဝ်ႈ​ပဵၼ်​ၵေႃႉ​ဢၼ်​လူ​ဢၼ်​တူၺ်း​ၼွင်ႉ​ၸၢႆး​ၶႃႈ​ၸဝ်ႈ​တီႈ​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။

မၼ်း​ၸဝ်ႈ​ၵေႃႈ​ဝႃႈ၊ မႂ်း​ႁဵတ်း​ၸိူဝ်ႉ​ၼင်ႇ​ႁိုဝ်​ယဝ်ႉ။ သဵင်​လိူတ်ႈ​ၼွင်ႉ​ၸၢႆး​မႂ်း​ႁွင်ႉ​သႅၼ်ႇ​ႁႃ​ၵဝ်​ယူႇ ၵႃႈ​တီႈ​ၼႂ်း​လိၼ်​ၼၼ်ႉ​လူင်​ပႄႇ။

ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ပိူဝ်ႈ​ၼႆ​လႄႈ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢဝ်​ ၵႃႇဢီႉၼႃႉ ​တၢႆ​ၼၼ်ႉ​ၸမ်ႉ၊ တၵ်း​လႆႈ​ၶၢမ်ႇ​တၢမ်ႇ​ဢပႅတ်ႈ​ၸဵတ်း​ပုၼ်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊ ၼင်ႇ​ႁိုဝ်​ၶဝ်​ၸိူဝ်း​ဢၼ်​ထူပ်း​ႁၼ်​ ၵႃႇဢီႉၼႃႉ ​ၼၼ်ႉ​သေ​ၵေႃႉ​သေ​ၵူၼ်း တၵ်း​ဢမ်ႇ​လႆႈ​ဢဝ်​မၼ်း​တၢႆ​ၸိုင်၊ ထႃႇဝရႃႉ​ၽြႃး​ပၼ်​တီႈ​မၢတ်ႈ​တီႈ​တွင်း တီႈ​မၼ်း​ဢေႃႈ။