Oblíbené biblické verše z ငဝ်ႈၵမ်ႇၽႃႇ 3

Sdílet

မိူဝ်ႈ​ဢၼ်​ၵူၼ်း​ယိင်း​ႁၼ်​လွင်ႈ​ဢၼ်​တူၼ်ႈ​ၼၼ်ႉ ပဵၼ်​ဢၼ်​လီ​ၵိၼ်​လီ​ၶူပ်း၊ ဢၼ်​ႁၢင်ႈ​လီ​ထုၵ်ႇ​တႃ၊ တူၼ်ႈ​ဢၼ်​လီ​ထုၵ်ႇ​ၸႂ်​ၵျိူၵ်ႈ​ၸႂ် ပုၼ်ႈ​ဢၼ်​တၵ်း​ႁႂ်ႈ​ၺၢၼ်ႇ​ပိင်ႇ​ၺႃႇ​ယႂ်ႇ​ၽႄႈ​ၼမ်​မႃး​ၼၼ်ႉ​ၸိုင်၊ မၼ်း​ဢဝ်​မၢၵ်ႇ​တူၼ်ႈ​ၼၼ်ႉ​ၵိၼ်​ဢေႃႈ။ တီႈ​ၽူဝ်​မၼ်း​ၵေႃႈ​မၼ်း​ပၼ်​လႄႈ၊ မၼ်း​ၼၼ်ႉ​ၵေႃႈ​ၵိၼ်​ဢေႃႈ။

ငူး​ၸိုင်​လၵ်း​လႅမ်​ၼႃႇ​သေ​တရိၵ်ႈသၢၼ်ႇ​ၵႃႈ​ဢၼ်​ထႃႇဝရႃႉ​ၽြႃး​ပဵၼ်​ၸဝ်ႈ​ႁဵတ်း​ပဵၼ်​တင်း​သဵင်ႈ​တင်း​လူင်​လႄႈ ထၢမ်​တီႈ​ၵူၼ်း​ယိင်း​ၼၼ်ႉ​လႄႈ​ဝႃႈ၊ သူ​ဢမ်ႇ​လႆႈ​ၵိၼ်​မၢၵ်ႇ​တူၼ်ႈ​ၵႃႈ​ဢၼ်​မီး​ၵႃႈ​ၼႂ်း​သူၼ်​ဢူးယဵၼ်ႇ​ၼႆႉ​ဝႃႈ​ၼႆ၊ ၽြႃး​ပဵၼ်​ၸဝ်ႈ​မီး​ဢမိင်ႉ​ဢမၢၼ်ႇ​ၶၼ်​ပဵၼ်​ႁိုဝ်။ ဝႃႈ​ၼင်ႇ​ၼႆ​ဢေႃႈ။

ၵဝ်​တၵ်း​ႁႂ်ႈ​မႂ်း​တင်း​ၵူၼ်း​ယိင်း၊ ၸိူဝ်ႉ​ၶိူဝ်း​မႂ်း​တင်း​ၸိူဝ်ႉ​ၶိူဝ်း​ၵူၼ်း​ယိင်း ဝႆႉ​တၢင်း​ၽိတ်း​တီႈ​ၵၼ်​ဢေႃႈ။ မၼ်း​တၵ်း​ၶိုတ်ႈ​ႁူဝ်​မႂ်း​ဢေႃႈ။ မႂ်း​ၵေႃႈ​တၵ်း​ၶိုတ်ႈ​သူၼ်ႈ​တိၼ်​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

မၼ်း​ၸဝ်ႈ​မီး​ဢမိင်ႉ​တီႈ​ၵူၼ်း​ယိင်း​ၼၼ်ႉ​လႄႈ​ဝႃႈ၊ ၵဝ်​တၵ်း​ႁႂ်ႈ​ဝူၺ်ႇတၼႃႇ ဢၼ်​ပႃး​ပတိၵ်ႉသၼ်ႇထေႇ​ၼၼ်ႉ​ၼမ်​ၵိုၼ်း​ၼႃႇ​တီႈ​မႂ်း​ဢေႃႈ။ မႂ်း​တၵ်း​လႆႈ​ၶၢမ်ႇ​ဝူၺ်ႇတၼႃႇ​ဢၼ်​ယၢပ်ႇ​ၼႃႇ​လႄႈ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​ဢေႃႈ။ တၵ်း​လႆႈ​ၸွမ်း​ဢလူဝ်ႇ​ၽူဝ်​တူဝ်​ၸဝ်ႈ​ၵဝ်ႇ​လႄႈ ၶၢမ်ႇ​တၢင်း​ဢၼ်​မၼ်း​ဢုပ်ႉ​မၼ်း​ပိူင်ႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၸူဝ်ႈ​ဢၼ်​မႂ်း​ဢမ်ႇ​ပႆႇ​ၶိုၼ်း​ၸူး​ၵႃႈ​တီႈ​လိၼ်​ဢၼ်​မႂ်း​ဢွၵ်ႇ​မႃး​ၼၼ်ႉ​ၸိုင် ႁိူဝ်ႇ​ဢွၵ်ႇ​ၵႃႈ​တီႈ​ၼႃႈ​ၽၢၵ်ႇ​မႂ်း​ယူႇ​သေ​လႄႈ မႂ်း​တၵ်း​လႆႈ​ၵိၼ်​တၢင်း​ၵိၼ်​မႂ်း​ဢေႃႈ။ လွင်ႈ​မၼ်း​ၸမ်ႉ မႂ်း​ပဵၼ်​မုၼ်ႈ​လိၼ်​လႄႈ တၵ်း​လႆႈ​ၶိုၼ်း​ၸူး​ၵႃႈ​တီႈ​မုၼ်ႈ​လိၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

မၼ်း​ၸဝ်ႈ​မီး​ဢမိင်ႉ​တီႈ​ၵူၼ်း​ၸၢႆး​ၼၼ်ႉ​လႄႈ​ဝႃႈ၊ ပိူဝ်ႈ​ဢၼ်​မႂ်း​ထွမ်ႇ​ၵႂၢမ်း​မေး​မႂ်း​လႄႈ ၵိၼ်​မၢၵ်ႇ​တူၼ်ႈ​ဢၼ်​ၵဝ်​ပိင်း​ၺၢပ်ႈ​ဝႆႉ​လႄႈ​ဝႃႈ၊ ဢမ်ႇ​လႆႈ​ၵိၼ်​မၢၵ်ႇ​တူၼ်ႈ​ၼၼ်ႉ၊ ဝႃႈ​ၼင်ႇ​ၼႆ​ၼၼ်ႉ​မႅၼ်ႈ​လႄႈ၊ လိၼ်​ၼႆႉ​လႆႈ​ၶၢမ်ႇ​တၢင်း​ၵိၼ်ႇ​တၢင်း​ဝႃႈ​ၵွပ်ႈ​ပိူဝ်ႈ​မႂ်း​ဢေႃႈ။

မၼ်း​ၸဝ်ႈ​ထၢမ်​လႄႈ​ဝႃႈ၊ ၽူႈ​လႂ်​လၢတ်ႈ​လွင်ႈ​ဢၼ်​မႂ်း​ယူႇ​တူဝ်​ပူၺ်​ယူႇ​ၼၼ်ႉ​တီႈ​မႂ်း။ မႂ်း​ၵိၼ်​မၢၵ်ႇ​တူၼ်ႈ​ဢၼ်​ၵဝ်​ပိင်း​ၺၢပ်ႈ​ဝႆႉ​လႄႈ​ဝႃႈ၊ ယႃႇ​ပေ​ၵိၼ်၊ ဝႃႈ​ၼင်ႇ​ၼႆ​ၼၼ်ႉ​ယဝ်ႉ​ႁိုဝ်။ ဝႃႈ​ၼင်ႇ​ၼႆ​ဢေႃႈ။

မၼ်း​ၸဝ်ႈ​ႁေႃႈ​ၵူၼ်း​ဢွၵ်ႇ​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ ဢဝ်​ ၶေႇရူႉၽဵမ်ႇ ​တင်း​လၢႆ တင်း​လၢပ်ႇ​ဢၼ်​မၢပ်ႈ​မႅပ်ႈ​ၼၼ်ႉ ဝႆႉ​ၵႃႈ​တီႈ​ၽၢႆႇ​ဝၼ်း​ဢွၵ်ႇ​သူၼ်​ဢူးယဵၼ်ႇ​ ဢေႇတိၼ်ႇ ​ၼၼ်ႉ ႁႂ်ႈ​လႆႈ​ပႂ်ႉ​သဵၼ်ႈ​တၢင်း​တူၼ်ႈ​ဢသၢၵ်ႈ​ၼၼ်ႉ​ဢေႃႈ။

မိူဝ်ႈ​ၼၼ်ႉ​ၵူၼ်း​ၸၢႆး​ၼၼ်ႉ ႁွင်ႉ​ႁဵၵ်ႈ​ၸိုဝ်ႈ​မေး​မၼ်း​ၼၼ်ႉ ဢေးဝႃႉ ​ဢေႃႈ။ လွင်ႈ​မၼ်း​ၸမ်ႉ မၼ်း​ပဵၼ်​မႄႈ​ၵူၼ်း​ၸိူဝ်း​ဢၼ်​ဢသၢၵ်ႈ​လိပ်း​ယူႇ​တင်း​သဵင်ႈ​တင်း​လူင်​ဢေႃႈ။