Oblíbené biblické verše z LUK 8

Sdílet

Atwa na shɛmɛ sha aba shɛ sụbɛ cɛnjɛ ti biye, aba shɛ atwa ata ee mbishi n-ndumwa ma ata, ee leshiji mu na amɛ oko na tɛkana, aa untanganɛ mụ dimi ni isɛbwɛ-ti'ima, aa 'wala tụ'walụ.

Atwa na shɛmɛ sha aba shɛ sụbɛ cɛnjɛ te esepi, aba shɛ atwa ata ee mbishi n-ndumwa ma ata, ama tɛtɛtaga ti iyi ti'yaga keeni esheyi tɛnda iwɛ uduciya iyi unyizo ga mɛcɛ iwɛ ɛtɛ, tụ'walụ ti ibɛ tɛ nɛ shɛ kwukwuŋ.

Atwa na shɛmɛ sha aba shɛ sụbɛ utayɛ-tubala, aba shɛ atwa ata ee mbishi n-ndumwa ma ata, ee leshiji mu nu unyasa, iwɛ ɛtɛ kaa zasa ukpahiŋ na shɛmɛ sha aba o, aa tɛtanɛ-rishe na aka fwalaa. Ama aka na tumanga ti zhajɛ, ee leyi.

Ge Jisus heŋteni aŋ, bɛɛ hiɛŋ, Cee rishe ri hiŋ tɛtɛtana rụ namɛɛ? Ibɛ po inyɛsɛ shɛ aŋ, yaa dama aŋ, oo momo hoŋtongonu, ɛɛ hiɛŋ, Bụtụ bi ce na yaa? Bi peni uvwugo keeni adanga unu, aa hwụjɛ-unu ubwa.

Atwa na shɛmɛ sha aba shɛ sụbɛ ụzalụ uhwaŋna, aba shɛ atwa ata hwụjɛ, n-ndumwa ma ata, nazhɛ Ibiri zhajɛ, baa vwɛ mụ na shɛmɛ sha aba, iwɛ maa kede a tɛtana mụ rishe maa e bicinji aŋ o.

I zasa iyi elele nɛ ee sweci aa zha shɛ ɛ bɛcinjɛ iŋ caakwụ, i zasa kaa iyi elele nɛ ee urigeni aa zha shɛ o mbisono caakwụ maa e mepi iŋ o.

Aka na te biyikwo ata kwụbɛ maa bu swakanɛ shɛ Jisus o, baa zhajɛ na tɛzhɛgɛda, bee leyi nɛ ɛvwɛvwɛjɛ Jisus, ne eshe atwa ata kpaaŋ, bee mbishi bu ecilo no po bee timengeni bu keeni gana na tu baa zhɛmwanuanua gunu ata. Nazhɛ ge Jisus hiɛŋ biyikwo ata, Rishe rụ bụ tɛtɛtana rụ bụ nɛnjɛ, zhaga na amɛ-olom.

Ibɛ po ee zhe pi Jisus, ɛɛ zhingicinjɛ bu, ɛɛ hiɛŋ, Agwuma-ihwɛ, Agwuma-ihwɛ, atuba na ti zhɛ to 'wo! Ge Jisus zhinjɛ bee tezhigeni uvwugo keeni adanga ata. Nazhɛ uvwugo hwuwowu, ofwo lemi suu.