Oblíbené biblické verše z Lucas 14

Sdílet

—Qa at jun xjal ma tz'ok lpe' wi'je, ex qa o'kx tok tk'u'j ti'j tman, ti'j ttxu', ti'j t-xu'jil, kyi'j qe tk'wa'l, kyi'j qe ttzik ex qe titz'in, ax ikx ti'j tchwinqlal, mlay tz'ok te nxnaq'tzb'ene.

Ex alkye jun xjal mya q'i'n tcrus ex mya lepcho'k wi'je, mlay tz'ok te nxnaq'tzb'ene.

Ex alkye jun xjal in jaw tniman tib', k'okel q'o'n te ch'in; ex alkye ma tz'ok tq'on tib' te ch'in, kjawil nimsa'n.

Kyja'tzun, alkye jun kyxole qa minti' xkyaj tq'o'n tkyaqilju at te, mlay tz'ok te nxnaq'tzb'ene.

Ex alkye jun kyxole, qa taj tu'n tb'ant jun ja tu'n, ¿mlaypelo kub' qe' ximal ti'j nej nik'pun knajel tu'n, qa akux aju pwaq tu'n tb'ant ja? Mya yajku mlay japun b'aj tu'n, ex otoq kub' qe' t-simyentil ja, tu'n jlu kykyaqil qeju in che ke'yin ti'j che okel ten tze'l ti'j, ex ok kyma': Ate xjal lu ok ten b'inchal tja ex ma kyaj tx'aqe' tu'n, che chilo.

Ok tkub' tik'sa'na jun ninq'ij, txkontza qe meb'a, qe xjal tzkaj kyten, qe kox, ex qe moẍ; at tzalajb'il teya ikju, ex mlay b'ant kyu'n tu'n ttzaj kyq'o'n t-xel teya, maxitzun ktzajel q'o'n t-xel teya okxi kyjatz anq'in qe xjal tz'aqlxix.

B'a'n te atz'an; ex qa ma naj ta'w, ¿tza'n tten tu'n toktl ta'w? Minti'tl tajb'en, mi te tx'otx', mi te t-samel tz'is, o'kx tu'n tex xo't. Alkye at t-ẍkyin, b'inx aju yol lu.