Oblíbené biblické verše z Luke 19

Sdílet

Kenhe Jesus akenhe Zacchaeus-eke angkeke, “Unte arratye angkerne. Unte-arle artwe Jew-arenye anwerne-arteke, alere arratye Abraham-kenhe, renhe Ngkartele-arle akngaketyarteke. Kenhe unte akenhe akurne-arle mpwaretyarte arrule, apale alhemele Ngkarte ikwere-ketye. Kenhe Alere alkere-arenye apmere ahelhe nhenhele-arle akweke inteke apmere nhenhe-werne apetyeke tyerrtye itneke unte-arteke areyeke unthetyeke, itne-arle iwerre akurnele alherlte-iwepiwemenge. Kenhe ayenge apetyeke tyerrtye yanhe areye-arteke itethe-iletyeke itnenhene Ngkarte-werne akngirtnetyeke. Alakenhe ikwerenge anteme ayenge ngkwenge angkeme: Lyete ware the ngenhe ngkwenge-artweye-arlke arrenhantherrenhe ingkirrenyeke itethe-iletyeke, arrantherre Abraham-eke artweye anetyenhe anthurre.”

Itne arlkerrirreke, “Ngkartele artwe nhenhe renhe mwerre akngerre arntarnte-areme. Re kwenhe Ngkartele-arle akngakemeke nhenhe-werne yernetyeke anwerneke Alartetye anetyenhenge. Kenhe arntyele areye akenhe Ngkarte akertne-werne utyernemele alyelhewarreke. Anwerne akangkeme tyerrtye ingkirrekeke alkere akertnele-arle anerrirremeke. Anwerne Ngkarte akertne-werne utyernemele alyelhewarremele.”

Kenhe Jesus akenhe Zacchaeus-eke angkeke, “Unte arratye angkerne. Unte-arle artwe Jew-arenye anwerne-arteke, alere arratye Abraham-kenhe, renhe Ngkartele-arle akngaketyarteke. Kenhe unte akenhe akurne-arle mpwaretyarte arrule, apale alhemele Ngkarte ikwere-ketye. Kenhe Alere alkere-arenye apmere ahelhe nhenhele-arle akweke inteke apmere nhenhe-werne apetyeke tyerrtye itneke unte-arteke areyeke unthetyeke, itne-arle iwerre akurnele alherlte-iwepiwemenge. Kenhe ayenge apetyeke tyerrtye yanhe areye-arteke itethe-iletyeke itnenhene Ngkarte-werne akngirtnetyeke. Alakenhe ikwerenge anteme ayenge ngkwenge angkeme: Lyete ware the ngenhe ngkwenge-artweye-arlke arrenhantherrenhe ingkirrenyeke itethe-iletyeke, arrantherre Abraham-eke artweye anetyenhe anthurre.”

Kenhe nhenge Jesus re akenhe arne yanheke irremele, re utnyenemele Zacchaeus renhe areke akertne yanheke ikwere angkemele, “Iparrpe atnarnpaye, ingwe lyete ayenge apmere ngkwinhele anetyenhe.” Nhenge Zacchaeus-ele nhenhe awemele atheke anthurre irreke. Iparrpe anthurre re arne yanhe-ngentyele atnarnpemele Jesus renhe apmere ikwerenhe-werne akngemele ingweke anetyeke.

Kele kenhe Zacchaeus tneke Jesus-eke angkemele, “Akngerrepataye! Ayenge ngkwenge angketyeke ahentye-aneme. The arne arunthe akngerre areye atnyeneme-arle tharle arne arrpenheme atyinhe areye anthetyeke ahentye aneme tyerrtye areye-arle arne atnyenetyakenheke. Nhenge ayenge warrke-irremele the apeke tax mane arrpenhe itneke-ngentyele akurne-ileke. Yanhe-arle arratye apekenge, kele the itnenhene arunthe awethe anthirtnetyeke.”

Kenhe artwe Pharisee areye-inpe tyerrtye arrpenhe itnekele-arlenge anerrirremele, itne imerte Jesus-eke angkerrirremele, “Akaltyele-anthenhe-anthenhe-aye, atyewe ngkwinhe areye alakenhe arlkerrirretyale anerrirretyeke ilaye.” Kenhe Jesus itneke angkirtneke, “The arrekantherre ileme, tyerrtye nhenhe areye apeke alakenhe arlkerrirretyakenhe, apwerte yanhe areye anteme arlkerrirretyenhenge. Apwerte nhenhe areyele Ngkarteke akertne-werne-atheke utyernemele alyelhewarretyenhe!”