Oblíbené biblické verše z LUKA 6

Sdílet

Fang, gomme le tlo fiwa; ke mo le tlo go adibetša la tšhelelwa ka seelo se se botse se se katetšwego, se se nago le mohlopa. Gobane seelo se le elago ka sona, ke sona se le tlo go elelwa ka sona.

Motho yo botse o tšweletša tše botse diets wa lehumong le le botse la pelo; mme motho yo mobe o tšweletša tše mpe di etšwa mo go befilego; gobane molomo wa gagwe o bolela tše pelo e di falatšago.

Sa lena a e be go rata manaba a lena, le go setša le go adima mo le sa holofelego go boelwa. Ke mo moputso wa lena e tlo go ba o montši, la tlo ba bana ba Yogodimodimo, gobane yena le ba ba sa lebogego, le ba babe, o ba dira ka botho.

Bang bagaugedi boka Tataweno ge e le mogaugedi.

Le se ke la ahlola; ke mo le sa tlo go ahlolwa: le se ke la lahla motho; ke mo le sa tlo go lahlwa; lebaleleng gomme le tlo lebalelwa.

Ge e le lena ba le kwago, ke le botša ke re: Ratang manaba a lena; ba ba le hloilego le ba setše; Ba ba le rogago le ba šegofatše; ba ba le pharago le ba rapelele.

Batho le ba dire tše le ratago gore ba le dire tšona.

E a go phasolago thama, o mo sekegele le e ngwe; e a go amogago kobo, o se ke wa mo ganela le kobjana. Mang le mang e a go kgopelago o mo fe; e a go hlakotšego o se ke wa mmela.

Ga go sehlare se se botse se se enywago dipodiša; le gona ga go sehlare se sebe, se se enywago dienywa tše botse.

Sehlare sefe le sefe se tsebja ka dienywa tša sona. Gobane mago ga a fulwe monganeng, le dithara ga di fulwe mošwaneng.