Oblíbené biblické verše z LUKA 5

Sdílet

Ge a feditše go bolela a laela Simone a re: Suthišetša kua go lego bodiba, le fološe malokwa a lena le sware dihlapi.

Simone a fetola a re: Mong aka! Bošego ka moka re letše re itapiša, ra se ke ra bona selo; fela, ke tlo fološa lokwa ke kwile taelo ya gago. Ge ba dira ka mokgwa woo, ba tanya bontši bjo bogolo bja dihlapi, lokwa la bona la ba la gagoga.

Yena gomme a ba wa go itulela mašokeng a rapela.

A re: Ga ka tla go bitša ba ba lokilego gore ba sokologe; ba ke tlilego go ba bitša ke badiradibe.

Simone Petro ge a di bona a khunama a inametše matolo a Jesu, a re: Tšwaa mo go nna, gobane ke monna wa modiradibe, Morena!

Gwa fetola Jesu a re: Ballangaka ga se ba ba thabilego, ke balwetši.

Gomme ge ba bušeditše maselawatle lebotong, ba tlogela tšohle ba mo latela.

Ka mohla o mongwe a le motseng o mongwe ba bona go etla monna a tletše lephera, yo a itšego go bona Jesu, a wela fase ka sefahlogo, a mo kgopela a re: Morena, ge o ka rata, o ka kgona go mphodiša. Jesu a iša seatla a mo kgwatha a re: Ke rata fao; fola! Mme lephera la gagwe la napa la mo tloga.

Gomme kgowane ya ge ba mmolela ya enela e eya, gwa kgobokana mašaba a mantši a ba ba ratago go mo kwa le go fodišwa malwetši a bona.